شو يعني قرار منع إدخال أجهزة الـ 2G والـ 3G؟ وكيف رح يأثر علينا؟
صدر تعميم من الهيئة الناظمة للاتصالات بخصوص توقيف منح موافقات إدخال الأجهزة يلي بتشتغل بس على شبكات الجيل التاني والتالت، واشتراط دعم الـ 4G/LTE اعتباراً من 1 تشرين الأول 2026.
القرار تجاري وتنظيمي بامتياز.. أي تاجر أو شركة بدها تستورد أجهزة خلوية جديدة ما عاد مسموح تدخل أي جهاز "عادي" أو ذكي ما بيدعم تقنية الـ 4G كحد أدنى. أجهزة "الكبسات" القديمة جداً أو الموديلات البدائية يلي بتعتمد ع الـ 2G/3G فقط ما عاد تدخل نظامياً.
ليش هاد القرار هلق
عالمياً، شبكات الجيل التاني والتالت عم يتم إيقافها تدريجياً (2G/3G Sunset). لان شركات الاتصالات محتاجة الترددات هي نفسها لتعيد توظيفها وتحسن شبكات الـ 4G وتجهّز للـ 5G، وتفعّل ميزات أحدث متل نقل الصوت عالي الدقة عبر الفور جي (VoLTE). فما عاد منطقي السوق يستقبل أجهزة صارت "خردة" تقنياً بالعالم.
بالنسبة لتلفونات القديمه هل رح تضل شغاله ولا رح تتوقف بعد الشهر العاشر
لا، الهواتف يلي بإيدكم وشغاله حالياً ما رح تطفي فجأة. القرار بيحكي عن "منح الموافقات والاستيراد الجديد"، يعني ما في أجهزة جديدة من هالنوع رح تدخل، لكن الأجهزة الموجودة بالبلد شغالة لحتى تقرر الشركات تقنياً تطفّي الشبكات القديمة مستقبلاً بشكل كامل.
لكن إذا ناوي تشتري موبايل "عملي" للأهل أو خط تاني، تأكد من هلق إنه بيدعم 4G وبيدعم VoLTE، لأن الاستثمار بهواتف الـ 2G/3G صار خسارة ووجع راس ع المدى القريب.
شاركوني بالتعليقات هل هواتفكم بتدعم 4G
#جعفر_بدران
30September 2, 2026 4.4K 4 13
