Channels

Top 100 Trending New

Categories

Crypto Gaming News Entertainment Music Sports Tech Gambling Bots and mini apps Finance Business Education Lifestyle Health Travel Auto Fashion Jobs Dating Deals and shopping

Stickers

Stickers Emoji Themes Wallpapers

Bots Gifts Tools

Currency

$ USD ₽ RUB € EUR ₴ UAH ₸ KZT ₺ TRY zł PLN ₪ ILS AED AED R$ BRL Rp IDR RM MYR ¥ JPY ₩ KRW CN¥ CNY

Theme

Português (Brasil)

Bahasa Indonesia

Беларуская

Українська

Channels Categories Stickers Bots Gifts Tools

Premium Wiki Glossary Legal

Notifications Settings Log in

Jafar Bdran جعفر بدران: post #1837 — TG.ME

Jafar Bdran جعفر بدران@jafarbdran · 15.8K subscribers Open in TelegramOpen

t.me/jafarbdran/1837

17

1

August 30, 2026 2.1K 1 3

More from this channel

حاليا في شركات وأشخاص شغلهم ممكن يوقف بس لأن اشتراك شات جي بي تي أو نموذج الذكاء الصناعي الي مشتركين فيه خلص عندهم أنا مع استخدام الذكاء الاصطناعي وبشوف إنه وفر علينا وقت وتعب كتير، وساعد ناس بشغلهم ودراستهم وحياتهم بشكل كبير. بس بنفس الوقت، في فرق بين إنك تستخدمه كأداة تساعدك وبين إنك تعتمد عليه بكل شي يعني مو طبيعي نوصل لمرحلة إنك تاخد كل شي نسخ ولصق بدون ما تقرأ أو تعدل أو تضيف من عندك أي لمسة خاصة والأحلى لما تقرأ منشور كامل، وتوصل لآخر سطر وتلاقي: هل تريد مني صياغة نسخة أقوى وقتها بتعرف أنو صاحب المنشور حتى نسي يشيل كلام الذكاء الاصطناعي من النص يعني لهي الدرجه وصل من الجمود استخدم الذكاء الاصطناعي و استفيد منو، وخليه يساعدك ويوفر عليك وقت بس لا تخليه يفكر عنك. لأنك إذا تعودت انو كل شي يجيك جاهز، مع الوقت ممكن فعلاً تنسى كيف تفكر وتكتب وتنتج لحالك. #جعفر_بدران 4.7K·Aug 31 مو كل طفل ساكت يعني ما صار معه شي… ومو كل مراهق صار فجأة يحب يخبي تلفونه عن أهله بدون سبب. أحياناً ورا هالسكوت في قصة ما عم يقدر يحكيها. قصة ممكن تبدأ من لعبة إلكترونية، حساب مجهول، دردشة عابرة، أو شخص غريب عرف كيف يدخل لعالم طفل أو مراهق ويكسب ثقته. بيبدأ الحديث بشكل طبيعي، وبعدها شوي شوي بتتغير الأمور… طلب صورة، طلب فيديو، سؤال عن الأهل، محاولة معرفة المكان، وبعدها بيجي التهديد. «إذا ما عملت اللي بدي ياه، رح انشر كل شي.» هون المراهق ممكن ينهار، والأخطر إنه ممكن ما يحكي. مو لأنه ما بده مساعدة، بالعكس… لأنه ممكن يكون خايف من ردة فعل أهله أكتر من خوفه من المبتز. وهون لازم كل أب وأم ينتبهوا. لما نعطي طفل موبايل عليه ألعاب وتطبيقات تواصل، نحنا مو بس عم نعطيه وسيلة ترفيه. نحنا عم نعطيه بوابة لعالم فيه ناس ما منعرفهم، وبعضهم بيعرف تماماً كيف يستغل الأطفال والمراهقين. لهيك، أي لعبة أو تطبيق فيه محادثات خاصة وتواصل مع الغرباء لازم يكون تحت رقابة الأهل، وإذا كان غير مناسب لعمر الطفل أو ما في قدرة حقيقية على مراقبته، منعه أفضل من الندم بعدين. لكن الرقابة لحالها ما بتكفي. أهم حماية ممكن تعطيها لابنك أو بنتك هي إنك تخليهم يعرفوا إنهم إذا غلطوا، أو انخدعوا، أو تعرضوا لـ ابتزاز إلكتروني، رح يلاقوك واقف جنبهم… مو أول شخص رح يعاقبهم. لأن الطفل إذا عرف إن أول شي رح يسمعه هو «ليش عملت هيك؟»، ممكن يسكت. وإذا سكت الطفل، المبتز بيكسب وقت. وكل ما طال السكوت، ممكن تكبر المشكلة. لهيك احكوا مع أولادكم قبل ما تصير المشكلة، مو بعدها. قولولهم بوضوح: إذا حدا هددك، إذا طلب منك صورة، إذا حاول يخوفك، إذا قال لك لا تخبر أهلك… تعال لعندي فوراً. ما رح عاقبك، وما رح أتركك لحالك. وإذا صار ابتزاز فعلاً، لا تدفعوا للمبتز ولا تدخلوا معه بمفاوضات، ولا تمسحوا المحادثات أو الأدلة. احتفظوا بكل شيء واطلبوا المساعدة من جهة موثوقة والجهات المختصة. الطفل ما لازم يكون خبير بالأمن الرقمي حتى يكون بأمان… لازم يكون عنده أهل يعرفوا كيف يحموا ويحتووا ويساعدوا. راقبوا الألعاب، راقبوا وسائل التواصل، انتبهوا للتغير المفاجئ بسلوك أولادكم، والأهم من كل هاد… خلو باب الحكي مفتوح. لأن أحياناً كلمة من الأب أو الأم بوقتها، ممكن تمنع كارثة كاملة. وإذا حدا بحاجة لمساعدة بموضوع إساءة، ابتزاز إلكتروني، انتحال شخصية، أو مشكلة على وسائل التواصل الاجتماعي، يتواصل معي، وإن شاء الله بقدر ساعده باللي بقدر عليه. #جعفر_بدران 5.6K·Aug 30 الهويات الشخصية الجديدة في سوريا… على الأبواب 🇸🇾 التحضيرات تقترب من نهايتها، ومع بدء العمل بالآلية الجديدة، ستكون إجراءات إصدار الهوية أكثر سرعة وبساطة. أمام الموظف، تتم 3 إجراءات أساسية فقط: تسجيل بصمة العين أخذ بصمة الإصبع التقاط الصورة الشخصية مباشرة بعدها تُرسل البيانات للمعالجة، ومن المتوقع أن تستغرق العملية حوالي 4 دقائق فقط. أما موعد بدء الإصدار بشكل رسمي، فلم يتم تحديده بدقة حتى الآن، بانتظار استكمال التجهيزات في مختلف المحافظات، على أن تعلن الشؤون المدنية الموعد فور جاهزية المراكز. خطوة جديدة باتجاه تحديث الهوية الشخصية ورقمنة إجراءات الأحوال المدنية #جعفر_بدران 2K·Aug 30 هل هواتفنا فعلًا بتتجسّس علينا؟ أكيد مرّ عليك هالموقف... تكون عم تفكر بشي معيّن، وما حكيت عنه مع حدا، وما كتبت عنه ولا بحثت عنه على الإنترنت، وفجأة تفتح أحد التطبيقات وتلاقي إعلان عن نفس الشي اللي كان ببالك! أول فكرة بتخطر ببالك: معقول تلفوني كان عم يسمعني؟ خلّينا ناخد مثال أدق تخيّل إنك من فترة عم تعاني من مشكلة بسيطة بالبيت، مثلًا كرسي مكتبك صار مزعج أو قديم. أنت ما بحثت عن كرسي جديد، وما حكيت عن الموضوع مع حدا. لكن خلال الأيام الماضية، ممكن تكون: شاهدت فيديو عن ترتيب وتجهيز المكاتب. وقفت لثواني عند منشور عن مكاتب منزلية. زرت موقع لمتجر أثاث. بحثت سابقًا عن العمل من المنزل. قضيت وقت طويل على محتوى متعلق بالمكاتب أو أجهزة الكمبيوتر. كل إشارة لحالها ممكن ما تعني شي، لكن لما تنجمع مع بعض بتعطي الخوارزمية صورة عن اهتماماتك الحالية. فالخوارزمية ممكن تستنتج: ««هذا الشخص مهتم حاليًا بتجهيز مساحة عمل، وممكن يكون مهتم بشراء كرسي مكتب».» وبالتالي، يظهرلك إعلان عن كرسي مكتب. هون بتحس إنك كنت فقط عم تفكر بالموضوع... بينما تقنيًا، الخوارزمية كانت عم تحلل سلسلة من التصرفات الصغيرة اللي تركتها خلفك على الإنترنت. وهاد بالضبط بيشبه شخص بيعرفك منيح جدًا إذا شخص بيعرف عاداتك، وبيعرف شو بتحب، وشو بتعمل، وشو كنت مهتم فيه بالفترة الأخيرة، ممكن يتوقع شو رح تحتاج أو تفكر فيه قريبًا. الفرق إنو الإنسان بيحلل عدد محدود من الملاحظات... أما الخوارزميات فبتقدر تعالج عدد هائل من الإشارات والأنماط بسرعة كبيرة. لهيك أحيانًا ما بيكون تلفونك «قرأ أفكارك»... ممكن ببساطة إنو البيانات اللي تركتها عن سلوكك كانت كافية حتى تتوقع شو ممكن يكون ببالك. #جعفر_بدران 7.3K·Aug 29 «أنا شو عندي حتى حدا يهتم يخترقني؟» يمكن تكون هي من أكتر الجمل اللي بسمعها لما نحكي عن الأمن الرقمي وحماية الخصوصية. لكن المشكلة إنك مو لازم تكون شخص مشهور، رجل أعمال، أو مسؤول حتى تكون هدف. أحياناً المخترق ما بيبحث عنك أنت شخصياً، وإنما عن أي معلومة ممكن يستفيد منها: حسابات، صور، وثائق، جهات اتصال، رسائل، أو حتى إمكانية الوصول لحسابات أشخاص آخرين من خلالك. تخيّل إنو هاتفك ما عاد ملكك لحاله، وإن شخص غريب صار قادر يوصل لمعلوماتك الخاصة، يتابع نشاطك، يستغل صورك أو ملفاتك، ويحاول الدخول إلى حساباتك. والأسوأ إن الضرر ممكن ما يوقف عندك، لأن هاتفك غالباً يحتوي على معلومات وصور ومحادثات تخص أهلك وأصدقائك وزملاءك أيضاً. اليوم حياتنا كلها تقريباً موجودة على الهاتف: حسابات التواصل، البريد الإلكتروني، التطبيقات المالية، صور الهويات والوثائق، كلمات المرور، والمعلومات الشخصية. لذلك أي اختراق ناجح ممكن يتحول إلى سرقة هوية، انتحال شخصية، ابتزاز، احتيال، أو استغلال معلوماتك ضدك. والمشكلة إن البداية أحياناً بتكون من شيء بسيط جداً: تطبيق معدل، ملف مجهول، رابط مغرٍ، نسخة غير رسمية من تطبيق مشهور، عرض وهمي، أو صفحة بتطلب منك تسجيل الدخول بحجة تقديم خدمة. الأمن الرقمي مو ثانوي، ومو موضوع يخص الأشخاص المهمين فقط. كل شخص عنده شيء يستحق الحماية، حتى لو كان مجرد خصوصيته وخصوصية الأشخاص اللي وثقوا فيه. لا تنتظر حتى تتعرض لمشكلة لتبدأ بالاهتمام بحساباتك وأجهزتك. فكّر دائماً قبل ما تضغط على أي رابط، نزّل تطبيقاتك من مصادر موثوقة، لا تشارك رموز التحقق أو كلمات المرور مع أي شخص، وفعّل وسائل الحماية الإضافية على حساباتك. يمكن خطوة بسيطة اليوم تمنع مشكلة كبيرة بكرا. بعتذر على الإطالة، لكن بتمنى فعلاً ما حدا يمر بتجربة اختراق أو ابتزاز بسبب إهمال بسيط كان ممكن تجنبه. #جعفر_بدران 8K·Aug 28

An open web layer over public Telegram — search, stats and channel reading right in your browser, no account, no install.

Not affiliated with Telegram FZ-LLC; all data comes from public sources.

Catalog

Top channels Categories Countries Search

Content

Stickers Emoji Gifts Themes Wallpapers

Help

Tools Wiki Glossary Blockchain Safety Premium Advertisers Advertising

© 2026 TG.ME · G.Media network· Updated 09/01/2026 · v0.2.0 · 65b6af0

Privacy Terms DMCA & complaints Report a violation

Similar channels

شبكة أخبار جبلة الأولى55.1K subscribers

Tepo Games9.2K subscribers

سوريا لايف46.3K subscribers

Mazen muhammad مازن محمد24.8K subscribers

10.4K subscribers

Open

علي داوود Ali Daoud4.4K subscribers

SYRIA ARABISM7.2K subscribers

Areen Tech6.3K subscribers