تخيل تصحى بكرا الصبح… وتكتشف إن حدا كان داخل على حساباتك من فترة، وأنت ما كنت تعرف.
مو بس شايف منشوراتك…شايف رسائلك، بيعرف مين الأشخاص القريبين منك، ممكن يكون عم يراقب محاولات تسجيل الدخول، ويجمع معلومات عنك شوي شوي.
والأسوأ؟
إن كتير ناس ما بيكتشفوا المشكلة إلا لما يختفي الحساب، أو يتحول لابتزاز، أو يبعت المخترق رسالة باسمهم للناس.
الهجوم الإلكتروني مو دائماً بيبدأ برسالة واضحة بتقولك: «تم اختراقك».
أحياناً بيبدأ بتطبيق حملته ونسيت عنه.
رابط فتحته بسرعة.
صلاحية وافقت عليها بدون ما تقرأ.
أو جلسة تسجيل دخول بقيت مفتوحة على جهاز ما عاد تستخدمه أو تم سرقتها.
وفي اللحظة اللي بتفكر فيها: «أكيد أنا ما رح يصير معي شي»
ممكن تكون هي اللحظة اللي عم تترك فيها بابك الرقمي مفتوح.
راجع حساباتك اليوم، مو بكرا.
لأن السؤال الحقيقي مو: هل حسابي مهم لحتى حدا يستهدفني؟
السؤال هو: لو تم اختراق حسابك هلق… شو أكتر شي ممكن تخسره وكم شخص رح تضر لهاد
اكتبولي بالتعليقات: لو خسرت حساباتك اليوم، شو أول شي رح تخاف عليه
#جعفر_بدران
25
5
2September 1, 2026 5.3K 11 4
