#يسعد_اوقاتكم
إذا اسمك مو حقيقي على فيسبوك، انتبه!
ممكن بأي لحظة يتسكر حسابك فجأة، ويطلب منك النظام تأكيد هويتك.
والموضوع بالفترة الأخيرة عم يصير مع ناس كتير، خصوصاً الحسابات اللي أسماؤها ما بتطابق الهوية الرسمية.
حتى تحمي حسابك ومجهودك، ركّز على هالنقطتين:
خلي اسمك مطابق لهويتك
إذا حسابك الأساسي مهم بالنسبة إلك، حاول يكون اسمك على فيسبوك مطابق قدر الإمكان لاسمك الموجود بالهوية الرسمية.
هيك إذا صار إيقاف أو طلب تأكيد هوية، بتكون عندك إمكانية أكبر لإثبات ملكيتك واسترجاع حسابك.
انتبه لصلاحيات الأدمن على صفحاتك
إذا عندك صفحات عامة، وعم تستخدم حسابات بأسماء غير حقيقية لإدارتها، لا تعطيها صلاحية "تحكم كامل" (Full Control) إلا إذا كنت متأكد إنها حسابات موثوقة وقابلة للإثبات.
لأن إذا توقف هالحساب وطلب منه فيسبوك تأكيد الهوية، وما قدرت تثبت هويته، ممكن تخسر وصوله للصفحة، وهذا ممكن يسبب مشكلة بإدارة الصفحة خصوصاً إذا كان هو الحساب الأساسي أو الوحيد اللي عنده صلاحيات كاملة.
راجع أسماء حساباتك، وحسابات المدراء، وصلاحيات الصفحات من هلأ.
لا تستنى لوقت يصير فيه الحساب مقفول حتى تكتشف إن كل إدارة صفحتك كانت مرتبطة فيه.
راجع إعداداتك اليوم… قبل ما تندم بكرا.
#جعفر_بدران
31
2August 23, 2026 9.5K 11 1
