انتبهوا من الرسائل الغريبة على واتساب
إذا وصلك رقم ما بتعرفه وقالك:
«مرحبا، هاد رقم فلان؟»
أو:
«آسف، بعتلك الرسالة بالغلط.»
لا تعتبرها دائماً رسالة عادية.
كتير من عمليات الاحتيال بتبدأ بهالطريقة، وبعدها بيحاول الشخص يفتح معك حديث ويكسب ثقتك، وبعدين ممكن يحكيلك عن شغل، حوالة، جائزة، استثمار، منحة، أو حتى يدّعي إنه شخص بتعرفه وبدّه مساعدتك بسرعة.
انتبه خصوصاً إذا طلب منك:
رمز التحقق اللي وصلك على موبايلك.
كلمة المرور أو معلومات حسابك.
صورة هويتك أو وثائقك لشغل معين.
الضغط على رابط أو تحميل ملف.
تحويل مصاري بشكل مستعجل.
عدم إخبار أي شخص بالموضوع.
وأهم نقطة: رمز التحقق اللي بيوصلك على موبايلك ما لازم تعطيه لحدا، مهما كانت القصة.
وإذا شكيت إن حسابك انسرق، حاول تسجل دخولك مباشرة برقمك، فعّل التحقق بخطوتين، ونبّه أصحابك إن أي رسالة مالية أو رابط يجي من حسابك ممكن يكون من الشخص اللي استولى عليه.
وإذا صار معك ابتزاز، لا تدفع ولا تبعت معلومات أو صور إضافية، واحتفظ بكل المحادثات والأدلة.
مو كل شخص بيبدأ معك بـ«مرحبا» هدفه يحكي معك… أحياناً هدفه يعرف إذا رح ترد.
في حال واجهت مشاكل أو تعرضت لاسائه فيك تتواصل معي على اي منصة انا متواجد فيها
#جعفر_بدران
58August 18, 2026 12.5K 10
