▪️Gremlinlar — XX asr boshlarida paydo bo‘lgan afsonaviy sho‘x maxluqlar, dastlab samolyotlardagi tushuntirib bo‘lmaydigan nosozliklarni izohlash uchun o‘ylab topilgan.
Atama ilk bor 1920-yillarda Britaniya Qirollik Havo Kuchlari (RAF) uchuvchilari orasida qo‘llanilgan. Ayniqsa 2-jahon urushi davrida gremlinlar haqidagi hikoyalar keng tarqalib, uchuvchilar samolyotlardagi texnik muammolar, kutilmagan nosozliklar va baxtsiz hodisalarni aynan shu mavjudotlar bilan bog‘lashgan. Gremlinlar odatda texnika va mexanizmlarni buzadigan, simlarni kesadigan hamda turli tartibsizliklar keltirib chiqaradigan yaramas maxluqlar sifatida tasvirlangan. Aslida esa ular uchuvchilar uchun aybdorni topishdan ko‘ra ruhiy bosimni kamaytiruvchi va jangovar ruhni saqlab qolishga yordam beruvchi ramziy vazifasini bajargan.
Gremlinlar haqidagi afsonaning ommalashishida mashhur britaniyalik yozuvchi va sobiq RAF uchuvchisi Roald Dal 1943-yilda “The Gremlins” nomli bolalar kitobini yozib katta hissa qo'shgan.
Intelligenti Pauca
4
3September 5, 2026 244 6 4
