လေယာဉ်ဆီ ထောက်ပံ့ရေး ကွင်းဆက်တစ်ခုလုံးကို အရေးယူမှ ဗုံးကြဲမှုများ ရပ်မည်
စက်တင်ဘာလ ၄ ရက်
နိုင်ငံတကာ လေယာဉ်ဆီ ထောက်ပံ့ရေးကွင်းဆက်တစ်ခုလုံးကို သက်ဆိုင်ရာအစိုးရများက ထိ ရောက်သည့်အရေးယူမှုများ မလုပ်လျှင် လေကြောင်းဗုံးကြဲမှုများလည်း ရပ်တန့်မည်မဟုတ်ကြောင်း Blood Money- သွေးစွန်းငွေ က ထုတ်ပြန်လိုက်သည်။
နိုင်ငံတကာကုန်သွယ်ရေးကွန်ရက်များမှတစ်ဆင့် မြန်မာနိုင်ငံသို့ လေယာဉ်ဆီများ ဆက်လက် ရောက်ရှိနေပြီး ယင်းသည် စစ်အုပ်စုက အရပ်သားများအပေါ် လေကြောင်းတိုက်ခိုက်မှုများ ဆက် လက်ပြုလုပ်နိုင်ရန် ထောက်ပံ့နေခြင်းပင်ဖြစ်ကြောင်း မြန်မာနိုင်ငံအတွင်းရှိ လေယာဉ်ဆီ ကုမ္ပဏီများ ကို ပစ်မှတ်ထားသည့် နိုင်ငံတကာအရေးယူပိတ်ဆို့မှုများ ရှိနေသော်လည်း နိုင်ငံတကာ လေယာဉ်ဆီ ပေးသွင်းသူများ၊ ကြားခံကုမ္ပဏီများ၊ သင်္ဘောနှင့်ဆက်စပ်လုပ်ငန်းများ၊ ဆီသိုလှောင်ရုံ များနှင့် အခြား ထောက်ပံ့ရေးကွင်းဆက်တွင် ပါဝင်သူများအပေါ် ထိရောက်သော ကြီးကြပ်စစ်ဆေးမှုနှင့် အရေးယူမှု များ အားနည်းနေဆဲဖြစ်ကြောင်း Blood Money က ဆိုသည်။
“စစ်အုပ်စုက နိုင်ငံတကာကနေ လေယာဉ်ဆီ ကိုရေကြောင်းကနေ သယ်နေတာမို့ UK အစိုးရအနေနဲ့ လည်း ရေကြောင်းအာမခံ ပိတ်ဆို့မှုကို အမြန်ဆုံးလုပ်ဖို့လိုပါတယ်။နိုင်ငံထဲ လေယာဉ်ဆီ တင်သွင်း ဖြန့်ဖြူးရေး ကွင်းဆက်မှာ ပါဝင်နေတဲ့ မြန်မာ့ရေနံဓာတုဗေဒလုပ်ငန်း (MPE)ကိုလည်း နိုင်ငံတကာ အစိုးရအားလုံးက စုပေါင်းညှိုနှိုင်းပြီး အတူတကွ ဒဏ်ခတ်ပိတ်ဆို့မှု (Coordinated Sanctions) လုပ်ဖို့လိုအပ်ပါတယ် ” ဟု သွေးစွန်းငွေ ဖြတ်တောက်ရေး လှုပ်ရှားမှု အဖွဲ့၏ ပြောရေးဆိုခွင့်ရှိသူ နွေဦးလီလီက ပြောသည်။
မြန်မာ့ရေနံနှင့် သဘာဓာတ်ငွေ့လုပ်ငန်း (MOGE) သည် နှစ်စဉ် အနည်းဆုံး အမေရိကန်ဒေါ်လာ ၁ ဘီလီယံကျော် ရရှိနေပြီး ထိုင်းကုမ္ပဏီ PTT၊ Gulf Petroleum Myanmar (GPM) နှင့် တောင်ကိုရီး ယားကုမ္ပဏီ POSCO တို့က မြန်မာစစ်အုပ်စုထံ ဓာတ်ငွေ့ဝင်ငွေများကို လစဉ်ဒေါ်လာနှင့် ဘတ် ငွေကြေး သန်းချီပေးဆောင်နေကြောင်း ထိုဝင်ငွေများသည် လက်နက်၊ လေယာဉ်ဆီ၊ စစ်လေယာဉ် နှင့် အခြား စစ်ရေးပစ္စည်းများကို နိုင်ငံတကာနှင့် ကြားခံဘဏ်၊ ငွေလွှဲကွန်ရက်များမှတစ်ဆင့် ဝယ်ယူ နိုင်သည့် အခြေအနေရှိကြောင်း သုတေသနနှင့် အပြည်ပြည်ဆိုင်ရာ အစီရင်ခံစာများက သုံးသပ်ထား သည်။
“မြန်မာ့ရေနံနှင့် သဘာဝဓာတ်ငွေ့လုပ်ငန်း (MOGE) ကနေ လစဉ်ရနေတဲ့ ဒေါ်လာသန်းချီဝင်ငွေ တွေက စစ်အုပ်စုရဲ့ စစ်ရာဇဝတ်မှု၊ လူ့အခွင့်အရေးချိုးဖောက်မှုတွေမှာ လက်နက်၊ လေယာဉ်၊ လေ ယာဉ်ဆီ နဲ့ စစ်ရေးယန္တရား တစ်ခုလုံးကို ဘယ်လိုထောက်ပံ့နေနိုင်သလဲဆိုတဲ့ ငွေကြေးစီးဆင်းမှု တစ်ခုလုံးကိုကြည့်ရပါမယ်”ဟု နွေဦးလီလီက ဆက်လက်ပြောသည်။
MOGE ကို အမေရိကန်အစိုးရက အပြည့်အဝဆန်ရှင်ချရန်၊ ကနေဒါ အစိုးရကလည်း ဒဏ်ခတ် ပိတ် ဆို့အရေးယူရန်နှင့် နိုင်ငံတကာမှ လက်နက်၊ စစ်လေယာဉ်၊ လေယာဉ်ဆီတွေဝယ်ယူရန် စစ်အုပ်စု အသုံးပြုနေသည့် မြန်မာ့နိုင်ငံခြားကုန်သွယ်မှု ဘဏ် Myanma Foreign Trade Bank (MFTB) ကိုလည်း EU နဲ့ UK က ဆန်ရှင်ချရန် Blood Money ကတိုက်တွန်းလိုက်သည်။
#MPA
#HlaingInfo
60
6
5September 5, 2026 2.3K 1 7
