ئەو ڕەوشتە جوانانەی پێغەمبەری خوداﷺ کە دەبێ لە هەموو پزیشکێکدا هەبێت...
• چەند جوانە پزیشکی و «میهرەبانی» ئاوێتەی یەک ببن!
(وَمَا أَرْسَلْنَاكَ إِلَّا رَحْمَةً لِلْعَالَمِينَ)
پێغەمبەری خودا وەک ڕەحمەت و میهرەبانییەکی تایبەت بۆ خەڵکی جیهان نێردراوە.
• بەزەییت بە نەخۆش و بیماراندا بێتەوە...
(الرَّاحِمونَ يرحَمُهم الرَّحمنُ تبارَك وتعالى)
ئەوانەی کە بەزەییان بە خەڵکیدا دێتەوە، خودا بەزەیی پێیاندا دێتەوە و ڕەحمیان پێ دەکات.
• ڕووخۆشیی تۆ، پێش دەرمانەکانت چارەسەری نەخۆشەکەت دەکات!
(تبسُّمُكَ في وجْهِ أخيكَ لَكَ صدقةٌ)
ڕووخۆشی و زەردەخەنەت بە ڕووی براکەتدا، چاکەیە بۆ تۆ.
هەر لەمڕۆوە بڕیار بدە: لەمەودوا خۆت بەم سیفەتە جوانانەی پێغەمبەری نازدارمان ﷺ بڕازێنیەوە.
مادەم تۆ هاتوویتە نێو بواری پزیشکییەوە، پێویستە زۆر لە خەڵک زیاتر دەست بەم خووڕەوشتە جوانانەوە بگری.
