-جايبلچ بدلتچ بالصندوك من اوصلچ انزلها.
8
انصدمت وبقت عيني عليَّ عيني ما مصدگة تصرفات هذا البشر ديصدمني
رومـا: منو يگول تجيني وتعجبني؟
-تجيـچ وتعجبـچ انه گلتلهم حرمتي أميـرة و ودولي البدلة على هالأسـاس.
6
كلمة ما طلعت عندي بس انملت عيوني دموع على حنيتة تصرفاتة وياي حلوة احبها بس بنفس الوكت تشكل عندي تأنيب ضمير لأن ضامة عليَّ هواي سوالف
وصلنه للبيت ونزلت حاضنه اللعابة طلع مـؤمل بس شافني ضحك سلم عليَّ دخلي الغراض للبيت و رد طلع وياه..اخذتهن ورحت للغرفة رتبتهن
فتحت بوكس الفستان رفعته اتمايزة بنظراتي بشهكة وصدمة فعلاً فُستان أميرات لونه وردي بلـون الحلقوم محفور من الصدر ينزل ضاب ومخصر على الجسم كله شغل ناعم كرستال ولؤلؤ سوه مدموج بي وبعده من الخصر ليجوه تبدي نفشتـه ونزلته الراقيـة.. خليته على جسمي گبال المراية وتخايلت روحي لابستة وافتر بي ويطير ويايه شگد حلووو
21
مرت اليومين واني خابصة الكل وياي والبنات داخلات انذار اكثر مني حتى اخواتة وامـة كلسع وحدة تتصل تسأل لحد يومها رحت للصالون ريـل وياي والبنات بقن يجهزن امور الحفلة من الكوشة والضيافة
3
كملت مكياجي افتر بالصالون والماكيرات يضحكن ويصلن عالنبي وآل بيته لأن الفستان گعد عليَّ تفصال وياه مكياج خفيف وشعري خليتة مفتـوح مجرد شكلت الي التاج اللي جابه الي و ثبتته بالبداية
9
صديت على ريـل طلعت بفستانها الفيروزي ويا مكياجها السموكي وكسرات شعرها طالعة جميلة لدرجة.. اتصل علينه مـؤمل هو يجي ياخذنه لبست الصاية والبرگع وهي هم لبست صاية وشمرت الشال عشوائي طلعنه اله صعدت وره وهي گدام
مـؤمل: رومـا شني ياهو المعرسة انتِ لو اختچ؟
9
رومـا: اني.
-عليـچ نـور چاشرشبيــل شني سالفتـه ملطخ اليوم؟
15
مغطى راسي ما اگدر اشوفهم بس اسمع المناگرر
ريـل: شعليييييك انتَ ملطخة الك؟
مـؤمل: چا لياهـو ملطخة ولـچ صلفة؟
ريـل: للنسوان اليوم اريدهن ينعجبن بيه اريد اتزووووج شعليك.
11
-شنييييي شعليه لا تخليني احرگ النسـوان كلها.
-احرگهمم احرگهمممم ..تهي بهي شافني متمكيجة گام يحچي لو يشوف فستاني الفيروزي القصير شيگول؟
19
-ياااا فستان هــذا تاكلين تبن وتذبي بس نرجع تذبي وتلبسين مستر ماعدنه عرض ازياء لابسة گصير وفيروزي الصلفة.
12
-ترى خطوبة اختيييي وبكيفي بصفتك شنو تتحكم بيه اخوية ابوية زوجي؟
-ريييييييييل.
-حَمـــددددد.
14
-راااااح اشعل جَـدة لا تذكري گباااالي.
3
-هذا حبيبييييي شعليك انتَ مو تريد تخطب معليك بييينه.
اسمعهم وخانسة كلمة مانطقت مابيه حيل
وخنست اكثر من سمعت رگعة صارت وصوت مـؤمل صاح بحرگة دم و گلُب
-نعلعله يوم حَمـد اشتعل جَد جَـدة اللي حچالچ هالقصة وزرعها بعگلچ الماينسى شي.
4
-أمك حچتها وخلتها براسي ماجبتها من جيبي.
-الف رحمة على روحچ يمـة بهاليوم على گد ما نافعتني بدنيتي طـول عمرچ نافعتني.
-اترحم عيوني اترحم ولا تدخل بيه بعد خووووش.
-لا بوية انه من بعد اخوانـچ الي حگ اتدخل ..رومـا ما تحچيييين.
3
رومـا: شحچيييي دخت دخت وجوعانةة راح يهبط ضغطي ويجيني الاغماااااء.
مـؤمل: راح اسكت لخاطر اخيتي بعدين نتحاسب اريد اعرف يا خايس ابن خايس يخطبچ اليوم.
ريـل: محد يحقله يحاسبني بس زوجي حبيبي المستقبلي.
مـؤمل: لـچ ريييييل لـچ جاي اكظم غيضي خلي النفس عليـچ طَيبـة.
استمرت المناگرة لحد ما وصلنـه تلگني البنات مبدلات وحدة اجمل من الثانية والخطار عماتي وبناتهن وبنات عمامي ملتمين والتحظيرات كلها مثل ماحبيت بالورد الوردي توني گعدت شربت عصير گالوا اجوي حسيـن واهله تأفأفت زهكانة تعبت بس اصبرلي اكل حباب
5
سلمت عليهم وحدة وحدة مبتسمة وبدت هوساتهم وركصهم فرحتهم طاغية عالكل خاصة امـة واخواته ويقين بحضن ابوسها تضحكلي نوب تروح يم بيبيتها ..خواتي واگفات يضيفن ويسلمن وشويه يرگصن لحد ما دخل هـو
گمت وگفت اعدل بالبدلة باوعت عليَّ رسمي اسود وقميص ابيض كالعادة متهندم وبأيده باقة ورد مثل اللي جابه بالعقد بس هالمرة اكبر كلها بيبي روز بلون بدلتي ابتسامتي انرسمت ملاني ورد
11
سلم على امة واخواتـه وصد على اخواتي وعماتي يسلم
وصلني مبتسم قدملي الورد اخذته حاضنته لصدري
اتقرب ايده صارت على ظهري باسني من راسي ونزل خطف وحدة من خدي
خجلت واحس وجهي صخن ابتعدت متوترة وهو گـال
-رصعـات الخدود حصتي وختمتها جـدام الكل بملكيتي.
12
-اليسمعك يگـول فد يحبهااااا هــذا الرجال.
6
احچي واعصر بأيدي متوترة الكُل يباوعون جاوبني بهدوء بارد
-يجـوز ما يصح ننفي الخبـر!
5
-حسيـن ترى جوعانة وراح اضوج واذا اضوج..
بعدني ما مكملة قاطعني
-شتعملين عملي يحلالـچ المهم هالرصعة صارت مالتي.
6
خزرتـه الله يخليك اسكت اسكت
گعدنه بالكوشة اخذ أيدي بين ايديه يمشي ابهامة عليها
وكل ما اريد اسحبها يأشرلي عود ميصير ينتبهون!
5
1September 4, 2026 142
