سكت يلتقط انفاسة وينفض بإيده
و رجع خله ايده على چتف مـؤمل يكمل
-مـؤمل مـؤمل حبيبي افهم نـوران ضحية اذوها رغم دفاعي الها ما فاد لأن هي ما مشت على كلامي واني چنت غرگان ومچلب بگشايـة تحديتكم لخاطرها وهي حتى زواجي موافقتة منها وغاضتني كافي سدوها موتها راحة الها وعذاب الي حكمتني بقضية تلوعت يلـه هسه سديتها.. خلوها برحمة الله وخلوني اعيش برحمتـة.
4
دنگ يمه وبصوت ناصي يحچي شنو ما اعرف
بس ضحك والدمعة وضحت بعينه
يهمسله ما يجيني صوته الا بجملة وحده ارددت بعقلي
-اجتي تحدتني تعرف شنو انتَ مو رجـال اذا ما تتزوج!
11
الصدمة سيطرت على راسي
قسـورة يسمع الهم ويضحك
وخر من يمهم رحع ليورة ابتعد وگـال
مهيب: ما الومها ما رادتني بالأصل لو حابتني من الاول ما تحب غيري بسهولة وتخاطر وياه بزواج.. لا تحچوني الحچي ما يسركم ولا يسرني تبارينه الذمم وراحت لدار حقها انجمعت هناك بزوجها واني كملت حياتي وربك عوضني اغاتها.
23
مـؤمل من حرگة دمة ماعرف شيسوي ورغم الرجفة مسيطرة عليَّ گام هجم على مهيب يضربه من شفتهم الطرفين تأذوا صرت بيناتهم ردت اهدي الوضع و اوخر مـؤمل تعب حيل يلهث ما سيطرت صاح عليَّ حيل يوخرني آخر شي دفعني حيل انزاحيت بأيده تكومت بالگـاع
2
راسي انلطخ بالطبلة حسيت بحرارة تنزل على گصتي
وگعتي صارت على طشار الگزاز واثرها ايدي من العكس ليكوه نبت بيها
رفعتها تجري دم مادري شصار بيه ثگل نفسي وضاقت بيه الدنيا دخت حيل وتعبت من كلشي بهاي الساعة تمنيت الموت ياخذني تمنيت ارتاح من كل اذية بروحي عيوني غوشت اميز وجوه باهتين يباوعولي ومن بينهم اجاني حسيـن صار بوجهي رفعني لصدرة متعصب ملامحة متهجمة ما ميزت شيحچي من سيطر عليَّ الظلام وفقدت
17
گعدت گابلني سگف غرفة المستشفى الابيض
التفتت ايدي مضمدة ضماد ابيض وبلاستر من العكس لچف ايدي
حسيـن گاعد گبالي بس شفته برطمت وبچيت القهرة بگلبــي
تقرب عليَّ رفعني حاضني لگلبـة يمسح دموعي ويبوسني من راسي يهديني
حسيـن: بسـچ بچي انعل يومهم الخايسين شني من طرگاعة تصير تنذب براسـچ ماعدهم غيـر اميرتـي.
16
مسح على وجهي رد گـال
-يلـه ماضل شي اخذچ يمي واخليهم بحسرتچ.
3
-گلبــي يوجعني ينغزني حيل.
-من گلبـچ لگلبــي هالوجعة.
4
القهر كاتلني روحــي تلوب محاوطني بحضنه
ايده تمشي على راسي من حچه هيـچ بچيت اكثر مقهورة
مسح دموعي رفعتله راسي اباوعلـه وبلگوه طلع صوتي متأذية ما متحملة
-اني تعبت وگلبــي صار يوجعني لأن اخواني تعبوا وتأذوا وما اريد انتَ هم تتعب لأن يوجعني گلبــي عليك هواي.
14
طول النظر بعيني باس راسي واخذ نفس قوي نوب گـال
-عرفت الله يحبني وراضي عليَّ من خلاچ جـدامي.
4
مآل روحـة ورفع ايدي المضمدة باسها وضل لازمها
-بوية شكثر عزيـزة وغالية.
3
-خيطوها؟
-لا جروح سطحية طلعوا الگزاز وضمدوها وانطوچ مضادات.
2
رجعت ابچي بحضنه وهو احتار بيه ما مستوعبه فكرة نوران هيچ
-ماتت بدون ارادتها ماتت محزوز نحرها.
3
-حَسـن اخوي طالب عروستـة وماطولت ردتلـه وأذيتهم وحدة.
9
-خطية خطية راح اموت حسيـن گلبــي.
-اجانه للولاية ناوي العـرس وزفينـاه منهـا للنجف مـوش للعروسة.
4
-راحتلـه وراها العروسـة مهيب ومـؤمل زفوها الـه للنجف متخيل اذية الموقف؟
يسكت بيه واني منهارة اردد اختي اختـي و وجع صدري ذبحني ذبح
اتگلب اريد بس شي يسكت الوجع التمن عليَّ ممرضات وما حسيت بعد
نمت وشگد ما اعرف بس هم گعدت بنفس المنظر
صديت حسيـن بعده من لاحضني گاعده اتقرب
-صح النوم بابا ليلت الدنيااا والأميـرة نايمة.
-ما اجوي يشوفوني؟
-مهيب گاعد بره يدخن.
-ومـؤمل؟
-طاح وراچ بالغرفة البصفچ خليت قسـورة عنده واجيتچ.
1
فزيت اباوعله خايفة
-شبي؟
-عرج ما يطگه ضغطه ارتفع ونزل وصدرة شوي اذاه.
-لا تحچي عليَّ ما ارضى.
-سطرته سطرة فريتلچ وجهه لغاد.
33
-لاااااا ليش مـا ارضى خطية.
خزرني سكتني وگـال
-خوانـچ مكروهين يغيضوني بودي اطيح حظهم وما اعاين بوجه واحد بيهم غير ريـل هاي اخوي الزود.
21
-لا هاي گول فايدتني توصلي معلومات وواگفلها وتستاهل حجر اخضر.
2
ردت اهز ايدي ماگدرت توجعني ابتسم وگـال
-لا عبن هي السبب الجابـچ عليَّ شتريد اگولن تم موش ذهب ووگفات لو تطلب بيت هم اسجل بأسمها.
-لعد اخواني الباقين هم أحبهم ومـؤمل خطية.
-چا هيـچ يدفعچ؟
-مو قصده ما يدري اني دخلت بيناتهم واندفعت.
-دفاع مدني.
4
ابتسمت بخفة وسكتت كلشي يصول ويدور براسي موقف موقف يرجع صَمـد! حسبي الله ونعم الوكيل عليك دنيا وآخرة على هاللوعة وحرگان الدم والأذية حسبي الله ونعم الوكيل عليك على روح اختي الراحت بسببك اكتفيت اتحسب بحرگان دم و روح واوكل رب العالمين آمري وقهري
1
September 5, 2026 18
