صفنت عليهم مـؤمل ساكت ماطلع منه حرف
مهيب ضل لازمة لقسـورة رغم اذاه بالحچي وداس بس احتواه
لحد ما اختنگ و ذب روحـة بحضنه وشهگ يردد
قسـورة: يابة وينك يابة ضايعين تعال النـه.
2
خنگتني العبرة وما تحملت بعد انهاريت ابچي واصيح
گلبــي ينغزني الاصوات تنعاد براسي حتى عقلي يأذيني
عِله صوت بچيي سحبني لحضنه لمني ويا قسـورة
يمسح على ظهري ويحاچيني
-اعذريني برنسس اعذريني حبيبتي ما ردت اضمها عليـچ واتعبچ ولا ردت اسفرچ عز عليَّ بعدچ بس ماچان عندي غير حل وصية ابوية ودراستچ وحمايتچ انتِ ومُسلـم اهم من كلشي لا تزعلين مني.
حضنته حيل ابچي وبنص خنگتي احچي بلگوه
القهر ذبحني ذبح والنغزات بگلبــي نهته
-اني الأسفة مهيب اني اني اسفة تعبتك نـوران تعبتك امي تعبتك وتعبتنا.. الدنيا كلها توالت عليك وشلت حملها وحملنه وحدك ما ضايجة منك ولا زعلانة بالعكس خجلانة ومقهورة على كلشي.
6
الشهگة ملازمتني ماگدرت احچي بعد
وخرت من يمه بست قسـورة مسحت على وجهه مهيب ما يرضى يهده
صديت لمـؤمل نظراته علينه قهر وأذية عيونه مگلوبة حمر دم صوت ما طلع منه.. لميت حيلي وگمت توني وصلت يمه وخر مني ودفعني
مـؤمل: چنتي تدرين نـوران منتحرة؟
12
بلعت ريگي ساكتة اخذ الجواب من سكتتي
ابتسم ابتسامة تعبر عن كلشي الا معناها بأذية بقهر راد يگوم بعد ما سيطر ايده ترجف
مـؤمل: شلـون گدرتي لـچ شلـون گدرتي تضمين عليَّ بسدي انتِ اخيتي وهي اخيتي وضامة انتحارها ومعشميني سكتة!
1
رومـا: مـؤمل..
ما خلاني اكمل قاطعني وصاح
-اششششششش من نعلعله روح مـؤمل عساه مات وخلص من عيشتة الغبرة كرهت اهلي كرررررهت اهلي بس ابوي صل بعيني دمرتوني يومية سالفة ما اثق بيكم بعدد ما اثق شدراني ما ضامين عليَّ الاكبر وممشين الماي من جوه رجلي.
9
بچيت گباله ميتة قهر اريد احاچيه يدفع بيه يغلط
ويحچي يقهرني ويعذب ضميري واني ماگدر احچي مختنگة
ابرر شگول ما اعرف! سكتت صديت حسيـن واگف بالباب
غمض عيونه بمعنى سكتي لتحاچي دار على مهيب يريده يحچي شضام عليَّ بعد
مهيب: ماكو شي بعد شضم علييييك ماكوووو شي.
مـؤمل: آخر واحد يحچي هيـچ انتَ لك حرام كلمة الاخوة بيكم حراااااام كلكم تدرون حتى البنات يدرن وانه اطرش بالزفة زهيـر ضرغام العاراااات يدرون وانه ما ادري شني الحجة صَمـد العار ال*** يگدر يسويلي شي لو واحد من خوانك؟
6
مهيب: شنو فرقك عليهم فهمني مثل ما قسـورة اخوية انتَ مثله مثل ما حمايتة وحماية سمعته واجبي انتَ حالك حالـة.
مـؤمل: هههههههه حچي يفيدك هــذا
دار عينه على البنات طول بنظرته يعاتب عيونه نظراتها تحفر الگلب وتدمرة تعب حيل انمردت مرد عليَّ آخر شي عليَّ وحچه بنبرة متعوبة
مـؤمل: گصرت وياچ حاچيني؟
نزلت دموعي اكثر وشهگت هزيت راسي لا
مـؤمل: چـا ليش ضميتي عليَّ ليشش
1
قسـورة: مـؤمل عوفهاااااا شتسوي يعني شتسوووووي زلم وعلينه العين كل واحد شگدة الخبر هدمنـه هيَّ شلوووون وحاملته سنييييين منتحرة اختها گدامها ومحتوية ابنها وتربي افتهمممم حالتهاااا شصاير بيهااا؟
7
رومـا: اني حضنتها وهي ميتة حضنت جثتها مهيب نزلها وگلتلها اگعدي مـؤمل لا تكسرينه قسـورة من يرجع شنگله بس ما گعدت رگبتها زرگة محزوزة وباردة حيل باردة.
8
صفن بوجهي ودار على مهيب
مـؤمل: مهيب كله منك مهيب ما صنتوها عدكم امانة ما صنتوهااا.
3
گام وگف گباله وصاح
-لك شسووووووي بعد شسوووويلها مو كلشي تطلبه اوفرة كلشي تريده يصير ويجيها احذرها اماشيها اعلمها حتى من البشررر اعلمها وتعرف ياهو الزين ياهو الشين وهي چبيررررة وعدها عقل شبيدي شسوووي فهمني؟
-كله منك انت انت.
8
زهيـر: حقك ابن حـرب ما الومك كله من مهيب لأن صلب روحـة صار سنين بقضيتها وتغاضى حتى عن عمة المن دمة وحاسبه ودمرة لأن هو سبب وفاتها ولخاطرها بالأكثر واذا تصفن بسالفته غيره واحد يشوف الشافه من اختك يوگف على جنازتها يضحك ومتشمت!
4
كلام زهيـر زاد النار حطب قسـورة يستفسر
مـؤمل هجم عليَّ گبت بيناتهم ناس تضرب ناس وكلشي بالصالة صار طشار گزاز
مهيب: كافييييي زهيـررررر اسكت عوفه.
زهيـر: عليمن اسكت جاي يلومك ويلبس موتها براسك ليش تحمل هالتهايم گله شلون عشمتك بيها ومثلت عليك الحب سنييييين حتى تستغزلك تالي غدرتك وراحت عشگت غيرك.
15
مهيب: استغفررررررالله رحمة لأبوك اسكت راحت المرررررة ماتت الصار بيه مو بغيري واني محاللها.
جره مـؤمل واحسه على ساعة يوگع وجهه صار اصفر
-عشمتك شني؟ مثلت عليك الحب نوران؟
ما جاوبه ضيع السالفة لحد ما داس ببطنه وحچه حچي ثگيل
خله مهيب يثور زنگه من ياخته وصاح
مهيب: اي عشمتني رضيت هسة؟ بوكت التقدمت الها منك ورفضت عبالك انتهت؟ لا حبيبي جرت سنين السالفة تعشمني وتفتح عليَّ الجبهة ومن اتقدملها تنسحب تخليني وحدي بنصهم وترفض ما دريت اللي انصاب بهالسالفة منو كل الدريتـه اختك ضحية واني شنو ما اعرف بس هالسالفة انتهت و غدتني رماااد كااافي..
5
1
1September 5, 2026 55
