بادلته الحضن فرحانة وطايرة على فرحتة
بست خده وخليت ايدي بشعره امسح عليَّ
-أبونـا احلى ابو بالدنيـااا.
عيونه دمعت من الفرحة واني اسولفله كلشي صار بغيابة
وشلون اكتشفت الحمل واسولفله على دراستي
مهيب: لوما جاي للدكـان وماكل كليچة شسوي؟
2
آيـات: چـان ماكو اني بحياتك.
-أموت بالقرآن أموت ابو الهيبـة من دون آيـة ما اله وجود ولا حضن يحتوي.
1
-اني ما اعوفك ابد.
-انتَ وياي راحتي وفرحتي كلها بيك يا حبيبي انتَ الشاطر المفرحني حتى بالدراسة.
1
-هسه اجيب معدل عالي وتشوف.
يضحك وايده على بطني دنگ باسها وخله راسـة على چتفي
-شو ما يتحرك ؟
2
-مزاجي على أبو.
-ويجوز مزاجيـة.
-بعدك تريد تسميها آيـة وتسويها برنسس؟
-ناوي اسميهـا آيـة واسويها ملكـة مو بس أميـرة.
1
ضحكت على فرحتة الطغت على تعبة
-صدگ راح تترقى؟
-اي.
-شوكت؟
-من أعـرف ببطنـچ بنتي.
5
-ههههههههههه الله مداگدر اتخيل شگد تحبها.
-لتتخيلين انطي دفرة للكل واگابلها.
باوعتله صفح ضحك
-هاهيه يابة نعتذر ونبوس راسك حبيبي انت الأصل.
-عفية وهسه گول شوكت تترقى.
-من يجي الكتاب والأمر بتنفيذة ابلغچ گبلها.
-اي حتى اسويلك كيكة واحتفل بيك زوجي الحكومة.
-انتِ احتفلي بالترقية واني احتفل بالسونـار.
9
اباوعله واتبسم على ضحكتة
-يضل يـونس ابني الأول وهـذا اذا ولد لو بنوتة يصيرون المرتبة الثانيـة.
-حبيبي فدواتـه هو وامـة.
-احب يـونس أبني الحلووو.
-زين و أبو يـونس وينه من هــذا كله؟
-حبيبي هــذا حبيبي.
تمدد واني بحضنه محاوطني ماهدني ثانيـة يتنفس من عطري ويروي تعبه سولفنه هواي عبرلي عن فرحتة وعبرتله عن اشتياقي اله لحد ما غفينه سوه بفرحـة..
2
بقانـون العساكـر
الترقيـة تعليك وبيها يتنفذ أمر
وبقانـون الأبـوة
البنيـة تغليك وبيهـا جَبـرة ومُستقر
يا جبـرة الله لخاطري وتالي التعب
تسميني "بابا" هــذا اليهـون الصعب
وبإعتقـادي الأحلى من هــذا بعد
بنيتي منـچ يا حبيبـة ميصـح ينذكـر
گبلها ولا بعدهـا أحد
-ريـم
30
"رومـاا"
ما لفاني النوم ابد افكر بمـؤمل اتصل عليَّ ما جاوبني طلعت گعدت بباب الغرفة دايخة اباوع لغرفة قسـورة انتظرة يطلع يروح للدوام اريد اشوفه ضايج مني مقهور مني
7
بقيت انتظرة لحد ما انفتح باب غرفته
باوعلي مستغرب اول ما رفعتله راسي بچيت
اجه يمي گومني لامني بحضنه
1
قسـورة: شبيـچ حبيبة روحـي شبيهـا البرنسس.
رومـا: اخاف زعلان مني وكرهتني مثل مـؤمل.
قسـورة: يا خايس يزعل منچ ويكرهچ اميرتي كلنه نحبچ حتى مـؤمل من شافچ وگعدتي وحسيـن شالچ للمستشفى وگع وراچ وگعد ينوح مثل المرة شلون اذاچ.
7
رومـا: لعد ليش ميحاچيني اتصل عليَّ مغلق.
قسـورة: راح للشمال خلي يتنفس يرتاح يوم يومين ويرجع لا تشيلين هم.
5
ضميت روحي بحضنه
-قسـورة اني احبك اني احبكم واخاف عليكم ما ردت اقهركم.
2
باس راسي متحسر وبقهر حچه تعبان ويخفي تعبة
-اني هم احبـچ برنسس بس بعد شيصير وياچ احچيلي حبيبتي لا تكتمي لا تعيشين الموقف وحدچ اخاف عليچ.
6
-انتَ بس لا تزعل مني ابقى قوية ومينخاف عليَّ.
ابتسم يخربط بشعري
-ازعل من روحـي وما ازعل من أميـرة اخوها.
-اروحلك فدوة احبك.
-اويلي شلون جرعة حب من الصبح اليوم اشتغل مشحون بطاقة حنية من الأميـرة.
صغرت عيني اباوعله صفح
احاول اغير جو والطف الموقف رغم قهرتي
-لازم مـرسىٰ مقصرة.
1
-ظالمتني هـاي مو خوش مرت اخ الـچ اريدچ تصيرين مثل الحموات الحياية وتحكميها خلي تدللني.
-صار تأمرني.
مـرسىٰ: بعد بعد ؟
2
التفتت لگيتها واگفة وراه تسمع وتضحك
رومـا: ليش ما مدللة اخوية لـچ ؟
مـرسىٰ: اخـوچ ميشبع دلال.
1
-يستاهل هذا قسـورة المدلل حبيب اخوانـه.
خلت ايدها على خصرها الفاهية
عود غارت عليَّ ودتعاركني بكل قوتها چـان تتأفأف وتصيح
-ترى حبيب مرتـة هم مو بس حبيبكم.
ضحك مگزگز عليها وفعلاً مـرسىٰ كتلة نعومة وطفولية سحبها وحضننه سوه
1
مـرسىٰ: انتظرته الليل كله ما رجع.
قسـورة: غير چنت يم مـؤمل خطية.
مـرسىٰ: اي هاهيه اقتنعت.
باسني بخدي سألني محتاجة شي وطلعوا هو ومـرسىٰ وطيبــة اخذهن وياه يوصلهن للدوام نزلت لگيت آيـات تريگ يـونس ولازمة الكتاب تراجعله الواجب لحد ما طلع ودتلي بوسات بالهوى گعدت يمي شويه وصعدت
رجعت للغرفة غسلت وتمددت غفيت ما حسيت الا على صوت آيـات تگعد بيه فزيت اسألها شكو
آيـات: حسيـن هنا گعد بالصالة يريد يشوفچ ويتطمن عليـچ عيني گومي عيب مهيب بس سلم خابروه وطلع وسمحلچ تگعدين يمه بين ما يجي.
8
هزيت راسي وگمت باوعت على نفسي لابسة بجامة اوف وايت بيها قلوب وردية عدلت البوند بشعري ولميتة نوب طلعت رحت للصالة لگيته گاعد يحچي بالتلفون صار عينه عليَّ نهاه مدلي ايده اشرلي اروحلـه
5
سويت روحـي ضايجة تذكرت اهماله ذيـچ الفترة المهمل تچتفت هو ضحك وسحبني گبل گعدت وايده حاوطتني صـار راسي على چتفه طبع بوسة وگـال
-عطـرچ حلو يسبي العگل والراس.
12
-صدك؟
-ورد ورد.
6
September 5, 2026 147
