-اعرفهم لچن ما فاهمه انتَ تحچيلي وتريدني وحدي افهم هــذا شني ربطة بيه.
-المفروض توچد بي وتفهم شني الربط وشني اريدك تفهم منه.
وچدت بي اعاين واعيد اريد افهم
-عضيـد حسيـن شني ؟
-يعني اخوه وسند اليعاضدة.
-چا والعبـاس؟
اشرلي ارجـع اقراها قريتها وكملت
حسيـن: عضيـد حسيـن عبــاسة.. يعني سند الحُسين وحزام ظهرة هو اخوه العبـاس صاحب الغيرة؟
السيـد علي: عفية وليدي كملها.
خليت راسي بيها ارددها وافرزن
-رئيـس الخوة والنخوة حسنهُم .. يعني منبع الخـوة والنخـوة واصلها الأساسي المزروعة ببينهم هو اخوهم الچبير الأمام الحَسن ( عليه السلام ) صح جدي؟
3
السيـد علي: وليـدي تدري حنيـة الحُسين وقوتـة وغيرة العبـاس وشجاعته و وفاءه و كرم الحسـن و وعيـه وحِلمـه بأرادتهم وشجاعتهم ومُساندتهم شكلن اعظم خوة بتاريخ البشرية كلها خـوة المفروض كل الأخـوان يقتدون بيها ويتبعون نهجها.
16
حسيـن: يعني انتَ علمتني هاي الجملة حتى اتبع نهجهم؟
السيـد علي: مثل ما بكل خطوة نخطيها ننطق البسلمة اريد هالحچاية تصير بسملتك وشجاعتك بكل موقف يخص اخوانك واريدك تعلمها الهم هم وتصيرون سند واحد للثاني تطيحون سوه وتنهضون سوه و واحدكم يفدي روحـة للثاني.
4
حسيـن: ونتبـع نهج الحُسيـن بهاي الخـوة ؟
السيـد علي: صح هــذا النهج اللي اريدك تتبعه وما تزل عنه ولا تلتجئ لغيرة.
-اكو غيـرة؟
-بكلشي تلگى تعداد اكو نهج اخـوان النبي يوسف عاشوا عمرهم متفككين وما مترابطين يكيدون الكيد ومو گلب على گلب وتالي شصار؟ اخوهم نبي الله رموه بوسط بيـر اظلم!
-احنـه موش خـوان يوسف انه روحـي بخواني من چبيرهم لصغيرهم.
-وانه علمتكم وكتبت هالجملة ردتها اوسـام لخوتكم تتعاضدون بيها وتتبعون اولاد الأمير علي بسيرتهم وتعاليمهم ونهجهم.
1
-اعتبرها صارت رمز نقتدي بيها ونتعاضد بچلماتها.
-اريد اضرب المثـل بخوة الخمسـة!
-ابشـر.
من يومها وجـدي گعد يفهمني شلون اتعامل وشلون ادير هلـي وخواني كلهم على أساس صحيح شلون اعامل خـواني بدون تفرقة من الأكبر اساندة للأصغر اعاضدة وازرع بيهم روح حلوة وحماية بدون ما يحتاجون بشر واسد عليهم الصوبين وشلون اداري خواتي وامـي وما اخلي الذلة تلوحهن وبحكم ابوية بعيد وحملي المسؤولية لگيتها بوجي وانه راعيها و واليهـا علمتها الهم فهمتهم مشيت على مايهم بكلشي لحد ما نذرت عمري الهم ويفداهم.
رومـا: هو يشرحلي واني الدمعة بعيني شگد حلو كلامة وطريقتة وتعاليم جدة المغروسة بي من جهة معينة بناحيتي حسيت بالفخر اني على ذمة هيـچ رجال رغم كلشي بس سند! مُسلـم يتربى بحضنـه واني مأمنة واتمنى يطلع بي روح من عنده..ومن جهة حسيته يحچي بحسرة واذية ومبين الضايگة والمتعرض اله بحياته مو سهل وابوه ما چـان زين وياهم
1
رومـا: شگد حلوة حچايتكم يا ريت كل الاخوان بهاي الدنيا يتبعون هــذا النهج الحلو مثلكم.
6
حسيـن: الله يهدي الوادم ويديم الخوة.
دخن جگارة ودار وجهه عالجامة مادري شبي يشهگ الدخان شهگ
بطريقة عبالك دياخذ انفاس من دخان مو من هوى
ويتحسـر حسرات تأذي الصدر
1
-روحك الك.
-لا الـچ.
20
رفعت حاجبي صدلي يضحك يضيع تعبه
- ليش تتحسر لهاي الدرجة متأذي؟
-تعودي عليَّ هيـچ مثل ما انه متعود و مخاوي حسرة المحترك.
3
-شنو هـاي ؟
-اخر حسرة ياخذها المحترك شهكة الدخان وانه هـاي انفاسي صارلها عمر دخان يمتـه آخر شهكة ترحمني وتاخذ روحي العلم عند الله .
1
-اهووووو لا تحچي هيـچ.
گلبت وجهي ضايجة اكرهه هاي السيرة تقهرني وتخنگني
ايده على چتفي دارني اله
-شني تخافيـن عليَّ؟
-غير عود زوجـي يعني يعني عووووود.
16
-اووووووف الله ربك حسيـن شتريد بعد.
رومـا: مبين الشايفه بحياتك هواي؟
حسيـن: خير من الله وصلاة على رسول الله.
10
رومـا: حلو كلامك اول مرة اواجه انسان يحچي حلو هيـچ سبحان الله.
ضحك بصوت حسيتها ضحكة من گلبــة
-چا غير انه شبـل السادة.
-اوووووي عيني بده الغرور.
منتبه على طريقة كلامي
عينه على شفتي وشلون احچي
بس سكتت دار وجهه يستغفر شغل السيارة وگـال
-اسكتي بوية تعلين الگلب بلايـه نفع.
7
مشينه وعبالي راح يرجعني گُبل شو بنص الطريق ركنها ونزل انتظرته بالسيارة مادري شيجيب شويه ورجع شايل بوكس مستطيل گعد بمكانة وقدمة الي ابتسمت ابتسامة چبيرة من فتحت التغليف وطلع الي كارتون شفاف لون وردي وبداخلة لعابـة چبيرة لونها ابيض عيونها عسلية وشعرها مثل شعري بُني ونازل لنهاية ظهرها ولابسة بدلة وردية منفوشة
30
حيل حلووة حيل حضنتها
صديت عليَّ اباوعله بنظرات امتنان وعيوني مدمعة
حسيـن: عاينتها وصرتي گبال عيني شبهتها بيـچ انتِ هم لعابـة حليوة احلى منها.
رومـا: شكراً شكراً شكراً حسـييييييين احلى هدية.
7
ضحك وهز راسـة جايب غراض ليقين ولمُسلـم ولأطفال اخواته
خلاهن ليوره ورجع مشينه وانتبهت راجعين للبيت
-لعد والبدلة احنه مو طلعنه علمودها؟
-البدلة حجة طلعنه حتى اغيرلچ جو.
6
-بس شلون لعد شلبس بالحفلة؟
1September 4, 2026 81
