-لااااا والله شنو حازة خصري ترى فستان وبي حزام هو هيـچ موديلة يتخصر طويل ومستور شو تدور حجج عليَّ.
-ما ادور حجج عليچ لچن انتِ ما تجرين عدل وياي.
-شتريدددد يعني شلون ترى احب لبسي لا تحكمني من اول بداية.
-موش حكم ما احكمـچ انتِ حرمتي وانه زلمتـچ نتصرف على هالأساس منا وهيچ خوش؟
-اي نعم .... لااااا شنو نعم عزيزي خاف ناسي احنه هيـچ زواجنه فيكة.
7
-خاف فيكة وما ترضين
1
درت وجهي منه للجامه صفنت بيها وحچيت بدون وعي
-ارضى ارضى لا انتَ زوجي ولا اني مرتك اصلاً بعده ببالي ذاك الاريد التقي بي عالبحررررر و...
35
شو هذا طبگ السيارة رأساً بعيد عن السيارات وسحبني من ايدي فززني
-يا خايسسسس هذا تردين تلاگيه عالبحرررر فهميني.
9
-شوف باوع..
بلعت ريگي منتبهه على خزرات عينه
زمخ بيه من شافني ساكتة جفلني بنبرته العالية
-احچي احچي عاااااد اسمعچ
-هو بالحلم يعني بس مجرد حلم خيالي مو حقيقي.
8
-چا ياهو الحقيقي؟
2
قرب راسـة مني غمضت عيني
عطرة طيب تغلغل بروحي وما متعودة على هذا القُرب منه..
بعدت شويه ارمش بعيوني وابتسم
-انتَ الحقيقي منو غيرك يعني؟
29
رفع ايده لوجهي وابهامة على خدي مشاه
ملت راسي منـه وهو گـال بهدوء
-عيونـچ اخ عيونـچ عسلهن حنظل.
9
-وليش يابة هو لو هـاي لو هـاي.
-لا نوبة اعاينهن عسل نوبة اعاينهن حنظل.
ما حچيت ابتعد ورجع عدل گعدته مشى بالسيارة ..
ملت راسي عالكشن اباوعله وحچيت بنبرة همس مادري شبيه
-حسيـن انتِ صدك دكتـور؟
صد عليَّ لحظة ودار يحچي بنفس نبرتي الهامسـة
-وبالطـب العدلي يحيلي.
14
گبل لا احچي گـال بفحيـح عود يخوفني
-عاينتي فنون التشريح بعينـچ ميحتاج اراويـچ.
4
سكتت ما مستوعبة الفكرة اكره هيج مهن طبية صعبة وما يستوعب صعوبتها العقل حتى يريدلها گلب ميت فعلاً.. من شافني هيـچ حچه مبتسم نص ابتسامة بخباثة
-كل ما اعاينـچ افصلچ بهيئة اعصاب وشرايين واوردة وانسجة نوبة عيني تلوح صمام مسؤول على حياتـچ نوبة عيني تلوح نسيج اذا اتضرر تنتهين.
13
بلعت ريگي وعدلت گعدتي
-انتَ تعرف كلش زين اني اعزك مو؟ انتَ خوش رجال حباب وماعندي شي وياك.
33
-هههههههههههههههههه يابوية صِـدك؟
-اي ما اچذب عليك هاهيه بعد صرت زوجي حتى احترامك واجب.
8
-عفية بنيتي الأميـرة.
1
-تدلل اقل واجب هذا.
يحچي بضحك اني ماخذته على گد عقلة مادري هو ماخذني على گد عقلي تاهت ..فررني هواي وصدك تونست واشترالي هواي اشياء حتى شعر بنات بس ما خلاني انزل لان ما راضي عالفستان شنو حـاز خصرچ!
گاعدة بالسيارة اكل وهو بصفي يدخن طفاها وگـال
-قرص نعناع انطيني من الچكمچة.
1
فتحتها نطيته لمحت ورقة بس شافها ابتسم
فضولي لعب دور اخذتها فتحتها لگيت مكتوب
" عضيـد حسيـن عبــاسة رئيـس الخوة والنخـوة حسنهُـم"
8
-ما تفهمني شنو اصل هاي الجملة وليش ترددوها؟ اخوانك شرحوها بيوم الاجيتوا اخذتوا مُسلـم ومافهمت احس ماكو ربط.
-انه مفهمهم الحچوه لچن فهمني الـه غير.
-شلون يعني؟
-انتِ تعرفين المگصودين بيها ؟
-اي اولاد الأمام علي الأمام الحَسن والأمام الحُسين والأمام العباس (عليهم السلام ).
3
-صـح.
-سولفلي حسيـن حباب سولفلي.
ضليت الح عليَّ بالسؤال لحد ما هز راسـة وبده يسولف
حسيـن: جدي يكتب على اهل البيت (عليهم السلام) يحظر مجالس ويرثي ويشجع ويتبع نهجهم واحنه بصغرنه چنه كلمن منزوي بروحة ما اگلچ ما احبهم لا من صغرهم بروحي اهم بيهن واحن عليهم لچن ما اعرف اروح اواسيهم لو تعبوا ما اعرف اسكتهم لو بچوا اضل عاجز لحد ما اعرف من امي شيردون چـي مشدوه ما اطول خلگ راسي مابي غير شلون خـواني يرتاحون شلون اخلي رضـوة ما يمرها العوز ولا تشيل هم
3
جدي يمشي وياي وكل ما يعايني ويعاين خواني يردد عليَّ هالجملة اسمعها لچن ما افهم ولا ادري شني معناها ولا ترگد براسي عبن حامل حمل ولاهي بي لحد ما بيوم چنت يمه صغير بعدني لچن افهم و اوچد كضيت دفترة هو يصلي وانه اقره بي مثل ما يقراه كاتب جمل حلوة على اهل البيت للأقتداء وجوه كل وحدة محدد ولد خوالي ان چـان عالخـوة لو على ولد العم
كاض الدفتر اگلب بي وصلت لصفحة اول كتابة بيها تبدي براس السطر
" عضيـد حسيـن عبــاسة رئيـس الخوة والنخـوة حسنهُـم"
جواه تعداد 1 , 2 , 3 , 4 , 5
واحد جوه الثاني بادي من أكبرنـا لأصغرنا انه وخواني معددنا بالأسماء
وبنهاية الورقـة كاتب دعاء ما نسيته من قريته لساعتنه هـاي
" اللهم قُلت وقولك الحـق ﴿سَنَشُدُّ عَضُدَكَ بِأَخِيكَ﴾ فكما شددت عضد هـارون بموسىٰ وعضد الحُسيـن بالعبـاس اشدد عضدهم ببعض "
18
انه استغربت شني الربط وشني الصاير حتى جدي هيـچ يسوي
من گضى صلاته اخذ الدفتر مني فاتح يدعي بي ومن وصل لهاي الورقة رددها مثل ما قريتها انه كبر استغرابي من سلمها وگـام سئلته ما رضى يجاوبني الا اصلي.. گضيت صلاتي ورديتله
خذيت الدفتر وگتلـه
-جـدي شني هـاي؟
-خوة اولاد امير المؤمنين (عليه السلام) شني ما تعرفه؟
2September 4, 2026 43
