ضحكت وكل عقلي اريد منها وهو يرفض ، سد التلفون وشمره يشاقيني
طفرت من يمه وگفت على طارف السرير ولفيت ايدي على رگبته اضحك وفراشات الدنيا كلها متجمعة بگلبي بسببه وخرت منه شويه صدلي صار وجهي گبال وجهه نظرتلـه ببراءة وحچيت
-حبيبي فُـرني حباب.
3
عگدت حاجبة ما مفتهم رديت اشرحله
-هسه انتَ مو شايلني ..هيـچ الزمني قوي وافتر حتى اني افتر وياك احس روحي طاااايـرة اريد اجرب الشعور.
-رجـال شكبرني شارب ورتبة مرجف الزلم وحچايتي ما توگع الكل يحسبها أمر ومرتي تريدني افرهااا؟
40
-ايييي شكو بيها رتبة ومادري شنو على جنودك مو عليَّ خوش حبيبي؟
-زحمة حبيبي هي مال فـرة عندي الـچ حل.
1
-شنـو؟
-افـر عقلچ اريد افر عقلـچ.
1
عض شفته خزرته اجيت اوخر منه مارضى شد عليَّ ..صديت وجهي راد حاول يحاچيني قفلت لحد ما وافق ضحكت فرحانـة وصدك بلگوات فـرني فـرة وحدة بس ونزلني لزمني من ياخة قميص النوم من وره مشاني گدامه وكفخني بخفة على راسي يضحك
-الله يساعد گلبــي يـونس أعقل منـچ.
-ششايفني مهيب شنو اني ولدددد اني رجـال حتى هيچ تتعامل ويااااي؟
يضحك ويهز ايده گعدت استرجع اللحظة والابتسامة شاگة حلگي
-احس چنه حلوين لو مصورين اللقطة.
1
-تردين امة مُحمد تضحك عليَّ؟
-اخلي رومـا تگول لحماها الضابط مهيب اللي موگفكم بالأستعداد شايل مرتة ويفرحها.
6
تمدد واخذ تلفونه يگلب بي
مهيب: عاشت ايدچ تحبيلي الخير هو هسه مخلصان عاد بعدين.
-ليش شدراهم قابل مسولف الهم.
-غير من تزوجت لليوم بعد ما طلعت وياهم زهيـر گاعدلي ركبة ونص.
طفرت يمه مصغرة عيوني
-شنو هاي نطلع وياهم وين تروحون ؟
ابتسم بدون ما يجاوب
آيـات: احچي احچي ليش تضحك فهمني حلوة؟
مهيب: اي حلوة نطلع لمطعم وكل فترة العزيمة على واحد.
-مطعم!!! ...
فتحت عيوني گبل لا احچيها وخزرته
ضحك بصوت عالي وسحبني يمه دفعته
5
-يا خاين يا غدار يا ابو النسوان عوفني عوفني.
-ولـچ استفزچ وعيونچ گعدة شبابية نتونس بيها ما نرغب هالسوالف ولا بنفسنه كل واحد بينه قافل على وحدة.
20
-تقنعني يعني؟ لتحاول متگدر.
-ما اقنعچ هاي الحقيقة وغلاتـچ وغلاة يـونس كل واحد بينه قافل على وحدة شالعة گلبــة وعالتـه عـل.
2
-لعد شتسوون تجتمعون سوه؟
-نسولف نتونس نفتك عن الواجبات نگعد گعدة اصدقاء مو رتب وقادة نگضيها تدخين ومواويل تطحن طحن.
-يعني هسه بكلامك هذا تثبت اني شالعة گلبك؟
-چنتي شالعة گلبي هسه راحتـة لگلبــي.
-امممممممم..
طفى التلفون وسحبني يمه خليت راسي على ايده غطاني يسولف وياي ويقنع بيه لحد ما نعست وآخر شي حسيت عليَّ گبل لا اغفى بوسته لگصتي وحچايته
-الله يحفظـچ لگلبــي.
13
"رومـا"
گاعدة گبال مـؤمل واباوعله فاتح اتصال هو وحسيـن ويتعاركون من عقدنا وصار كم يوم لا شايفني لا حاچيه وياه مـؤمل ميقبل ومهيب كلسع يتصل عليَّ يحرضه على حسيـن ومستلمينه اكس مربع قهرني والله حتى الذهب من رحنه نختارة ما خلوه يروح ويانه بحجة عازمي
27
سد بوجهه واندار عليَّ
-انتِ ما تردين تطلعين وياه؟
رومـا: لا طبعاً شعندي اعرفه يعرفني واطلع.
25
-يتحجج بعد يومين حفلتها وما مختارة فستان انه اجي اخذها ومن ارفض الخايس يگلي چا غير حرمتي بشرع الله حرمتي.
1
ابتسمت مچتفة ايدي
مـؤمل: شني هالضحكة مكيفة چـي يگول حرمتي؟
-لا بعد منا وهيـچ يصيحلي ام مُسلـم.
2
صفن شويه و رد گـال
-خوش فكرة خلي ابلغه.
10
سحب التلفون كل عقلة يتصل عليَّ
سبقه اتصال مهيب اخذه وطلع برة يحچي وياه شويه ورجع يضحك
مـؤمل: يلـه برنسس بدلي خطية هــذا الا هو ياخذج تختارين فستان.
3
رومـا: خلي يصير العصر عاد.
-مستعجل الدكتور.
-ما جايب وياه مُسلـم ؟
-لا وحدة.
-ما تجي انتَ ويانه شعندي رايحة وياه وحدي.
-چا صار زلمتـچ بعد ما الي حكم اكل عقل مهيب ومهيب اكل عقلي وقسـورة مثقف بعد صار الكل صوبة.
14
رحت حظرت نفسي وفعلاً نص ساعة
وفزيت على هورن السيارة طلعت لگيت مـؤمل ساند روحة عالجامة الگباله يحذره
-رومـا ما تضم شي عليَّ اذا تحركت خطوة تبعد عالبدلات هم تفصخ وهم ابتلي بيك.
9
حسيـن: افتهمنه خالي شني هالطرگاعه بعد وقعني على تعهد.
15
مـؤمل: لا نسيبي عيب وزحمة من الوادم يگولون وقع نسيبة على تعهد.
8
حسيـن: رحم الله والديك سويت فضل.
تقرب مادري شهمسله صاح غلط عليَّ ورجع يضحك
مـؤمل: مو صوچك گلتلها هــذا شراني مو خوش آدمي ما رفضت اخخخخ.
3
طگها ضحكة صد عليَّ فتحلي الباب صعدت
رفعله ايدي مبتسم وحركها بدون ما يسلم گـال وهو موجهه نظرة عالشارع مركز بالسياقة بدون ما يباوعلي
حسيـن: مكيفة الأميـرة رومـا مرتااااااحة مخليتني وحدي بوجه خوانهااااا.
3
رومـا: شسوي بسسس لا تريد اروح اگوللهم خلوني اشوف حسيـن واطلع وياه.
حچيتها بنبرة نعوصة اقلد وهو تخبل وتعصب
حسيـن: چا حسيـن شني بوية مووووش زلمتـچ لو انه غلطاااان.
ما جاوبته طنگرت رد گـال
-وهــذا اللبس شني بوية تالي عمـري حرمتي حازة خصرها.
21
1September 4, 2026 64
