سكت شويه نوب حچه بنبرة حقد
-زورني بطيف بردلي گلبــي خذيت ثارك وحگ رسول الله نفذت القصـــــاص بشرع الله وكتابـة بكل روح الها ايد بهدر دمك لچن دمي بعدها حرورتة تچوي النار عليك خوية.
12
استغفر و رد يقراله دعاء النـور چـي حَسـن المُجتبىٰ چـان يحب هالدعاء حيل ودايم بكل گعدة تلمنه يخلي راسـة على رجل حسيـن ويگـول لعضيـد يقراه ويرتله عبن صوته حلو ويحبه
4
لمن ختمة علگ بخور جديد وصفن يمسح عرگ گصته
يهجس چن حَسـن جدامة حچه وياه بخجل يعاين لطارف گبرة
-محترك دمي شلون امشي الوادم كلها واملچ وانتَ جوه التراب يبعد اخـوك وحيلة ياهو يسد امچانك ياهو خامسنـة؟ الوادم تهجسني انه چبيركم لچن انتَ بعيني تضل چبيرنا حبيبي.
4
نهض روحة يمسح بگبرة ويحاچي
-اعذرني خوية لخاطر وليدك گبل خاطري عبن هالحرمة اصيلة وأميـرة صارتله ام راعت امانتك وامانة اختها ما اگدر اضيعها ومستعد أدخل حـرب حتى احصلها ..السموحة منك وخل روحك ترافگني يكفيني اهجسك وياي راضي موش مغتاض.
14
باس الاسم و وگف يقراله الفاتحة
راح عبــاس يمه سوه مثل حسيـن مسح على گبرة يسلم عليَّ قروها سوه وانه خلافهم سويت نفس الشي وماتحملت الخنگة متوسدة بصدري محترك حرك ياهو الضحية ياهو المتعذب! لچن الهاجسة حَسـن المُجتبىٰ مرتاح ومأمن بخوتـة مرتاح ومأمن عبن حسيـن شايل حملة وامانتة واحنه بسدة ومرتاح بمماتة هم عبن حسيـن عاملة اشياء لو وادمنة تعملها لكافر هم بآجرها وثوابها الما ينتهي يدخل الجنة
2
تمشوا گباله عبالي يطلع لچن حسيـن غير المسار
خذاله ماي وبخور ومشى صوب گبور وگف بسد گبر نـوران حـرب لگاه فوگاه ورگ من عاينته اغصان يـاس گرب عبــاس شاله وحسيـن غسل الگبرعلگله بخور نوب رد الورگات وگـال
-تحب اليـاس خله مرافگها ما نشيله.
حسيـن: ياهو جابـه؟
عبــاس: اول أمس مرينـه انه ومهيب جابها وسمعته يكلها النيران تاليها تخمد والواجب يتنفذ بس باريتـچ الذمـة و رديتي بعيني نـوران.
12
-الله يبرد گلبــة.
عگب ما انتهى منها اتمشى لغاد منها هم غسلة وعلگ بخور وگعد صوب اسمـة شـاه الصقـر ريسـان عرفته هــذا ابوها للأميـرة .. بدا حچيه وياه بالسلام وعبــاس گربه
حسيـن: رايد اميرتك وعهد عليَّ تاخذة من شاربي جدامك مثل ما عاشت بسدك أميـرة بسدي هم تعيش أميـرة.
9
عبــاس: عمي تذكر بيوم اجيت للترقية وگتلك يجي يوم ناخذ اميرتكم للأمين وانتَ ضحكت وگتلي اميرتي ما انطيها الا لزلمة يتعب الها ..هــذا اخوي جدامك حِفى حِفى مهيب شگـاه شلون نفهمه احنه هاجسين ابتسامتك لينـه رضى؟
5
رئيـس: شيفهمه ابو الهيبـة الا يسوگ خواني سوگ يلـه ينطي خواتـة.
صد على گبرة عدل گعدته وگـال
حسيـن: باچر يا يرضى المهيب يا اسوي طلابة وحگ عمامة جدي ما اطلع من بيتكم الا وانه زلمتها.
6
عبــاس: چا وانه يمته اصير زلمتها؟ عمت عين الموت الخذاك وخلانه بحلگ مهيب.
31
ضحكت يابوية حسيتنه مسودنين ملتمين عالگبر ونحاچي هم لو زلمة وبي روح چا طلعنه بالدفرات .. كملنه وردينه انه وحسيـن وعبــاس ورانه
عضيـد لعب روحي ردووووا و ردوووا عبن جايين بيت جدي وياهم خالي رسول وهو يعاين دم سنونك ولا يعاينه
رئيـس: شني بيت جدي اكرادچا همَ غير بمحافظتها احنه نعتنيلهم ونروح لبيت مهيب اگرب؟
2
حسيـن: لا انه بلغتهم كلها الوادم تتحظر من معارفي ومعارف جدي يجون للجنوب بضيافتنه والمشيـة تطلع من بيتي لحد بيتها.
14
ضحكت اعاينله
-بوية انه تشيمت چا هالفصمة النتفة شني معتنيلها الكبارية تخطبها.
ابتسم يردد
-تستاهل نعتنيلها وناخذها يا بالطيب يا بالحرب موش بغصب.
1
نزلته نص الطريق عنده شغل ورديت الهوسة گابه للضالين رضـوة مسوية اتحاد ويا بنياتها وبناتهم انتن شني اجيتن الله اكبررر خلفتهن حتى اعله راسي صعدوا حرت وين اشرد تاليها للغروبية افتكيت منهن خذاهن كرار وحارث ردهن وامي وخواتي وياهن لبيت جدي وبيت حورية ضلينه بس الزلم وزِينب ويانه لخاطر مُسلـم حسيـن مارضى ياخذوه
1
ثاني يوم عجت بيوتنه من الصبح بالافواج والزلم من كل صوب
عاينت حسيـن بنصهم متهيب ومتكشخ ضيفهم وگربت طلعتنه
واگف واحنه بظهرة انه وعبــاس وعضيـد
3
واحد من السادة ربع جدي عاين اعلينه وگـال
-هذولـه اخوانك؟
صدلنه متبسـم وجاوبه بفخر
-خوانـي وهيبـة كل العشيـرة.
-انه الاعرفـه انتم خمسـة؟
ورثله جگارة والزلمة صفن گبل لا يمشي جاوبه
-خامسنـة فحل بأرض النجف مدفـون!
1
سحب مُسلـم شاله وكمل كلامـة
-ومامش غير هالشبـل يسد امچانـه.
1
طگيت چتفه اشرلنه نصعد خله مُسلـم بسدي وصعد هو وتوكلنه نعاين تالي هالسالفة ينطونه بعد هالمشية كِلها لو يخلون حسيـن يسويله طلابة..
معتنيله اليوم رايد رادتي
خل كلها تعرف انه گد حچايتي
هــذا ما يدري بزلام الجنوب
لو يرضى لو بالباب اشـرع طلابتي
-ريـم
45
"ريـل"
صبحت التلفون طافي اصلاً غسلت وبدلت ونزلت لاگاني مهيب ويـونس فتحلي ايده شمرت روحي بحضنه باس راسي وضل يسولف وياي على سالفة الشركة الصارت ويستفسر مني استفسارات اكثرر
1September 3, 2026 141
