دمعت عيوني بكلامة سحبني عليَّ مسحهن وضمني بحضنه
باسني بمكان عظم الفك ونزل لرگبتي يشم عطري
-جـوز الهند.
-شنـو؟
-عطـرچ جـوز الهند.
-طيب؟
-هو گد ما طيب راح اكلـه.
ضحكت و وخرت
-ليششش تاكله اكو واحد ياكل عطر؟ اذا جوعان گول خلي اگوم اسويلك اكل.
-لو اني ما جاي اوصل الصورة صح لو انتِ صدگ غشيمة.
14
گعدت عالنص ارتچيت على عكس ايدي اباوعله احاول افتهمه
-يعني ليششش غشيمة انتَ اجيت تعبان وما اكلت اكيد جوعان.
دار وجهه ضايج ياااااه هــذا شبي الرجـال
خليت ايدي على چتفه وبرطمت
-اني حلمت حلم مو حلو يخووووف..
صد عليَّ واني احچيله الحلم واسولفله بحرگة دم
گعد على حيلة وسحبني لحضنه قفل عليَّ بأيده
قسـورة: اشعل شيب ابهاتهم اذا وصلوا لسمرتـي ياكلون تبن الخايسين شحدهم ياخذوچ مني.
3
مـرسىٰ: اني أحبك واريد ابقى يمك هناك يكتلوني والله ويچووني محد يدافعلي حتى يتنمرون عليَّ يگولون مو حلوة سمرة.
رفع ايدي باسها يجبر خاطري بكلامة ويقنعني ما اهتم مجرد حلم ومنتهي وبين كلمة والثانية يتغزل بسماري اكثر شي يحبه بيه وبسبب حُبة خلاني احبة بنفسي هو لوني الأسمر
9
-مرات احسك تبالغ بحُب سمــاري.
-كلشي بيـچ احبة بس هالسمـار يااااابة معذب احوالي.
ضحكت خجلانة نوب غيرت موضوع
-شبيك اجيت تعبان صاير شي؟
-العملية اليوم هلكتني هلاك صعبة طلعت منها رحت للجلسة هلكتني اكثر وبرجعتني تعاركت ويا واحد كسر عليَّ والتمت.
سكتت افكر شنو صاير وياه لدرجة من يحظر جلسة نفسية هلگد يتعب ويتأثر شگد اريد اسألة بس اسكت واصبر منتظرتة من كيفه يحچيلي .. مخليه راسي على چتفه اشتم عطرة مُستحيل شگد طيب ويجذب ويدوخ لازمة ايده اباوع عليها
2
-شو احس لون ايدي وأيدك حلوات سوه.
-طبعاً حلوات منو گـال غيرها ؟
صفنت بيها امرر اصابعي على عروگ ايديه الخُضر
شگد احبها واحب اباوع عليها والزمها حركت راسي على چتفه ورفعت عيني اباوعله
-تدري؟ احس الدنيا كلها وعمامي وياها يروحون فــدوة لهذا الدمار الاخضر المتشعب بأيدك.
-هـاي هيـچ تحبني ؟
-اووووو اكثررررررر بحجم العالم والناس.
اتحسر وگـال
-اذا هلگد تحبيني واحبچ اكثر ما ترحمينـه وتگولين يا درجة وصلنه؟
16
ضحكت بصوت كفخني بخفة متنرفز تعاركنه ادفعه ويدفعني
وهو من كل عقله لازمني من ياخة قميص النوم يجرجر بيه
ورا ما نثرنه الغرفة يلـه رجعنة لنفس الگعدة ورجع حضني
1
قسـورة: هسه مـا گلتي يا درجـة؟
مـرسىٰ: اممممممم احتمال وصلنه اثنين الا ربع؟
-اليوم اشعل وانعل شنو هالسوالف التعباااانة فوگاها ماخذچ على گد عقلچ وصابر.
-ريلاكس شبيك لتروح تتعب وتحتاج انعاش نوب.
-اي هو اريد الانعاااش وينه.
1
-عيوني اني صيدلانية مو دكتورة ما اسوي انعاش.
-ها خوش أروح لدكتورة باچر ابركلي من هالعيشة.
-شنوووووووووووو؟؟؟؟؟
سد حلگي واني ارافس متنرفزة وطگها ضحكة عرفته ديتساقه حتى ينرفزني ويضوجني فزيت من فتح الدگمـة الاولى مني ومد ايده طفرت وخرت منه
4
-تعالي جاي نحچي ونتفاهم.
-لا حبيبي لاا ما اريد اتفاهم انتَ بديت تتمادة.
-تعالي بحضني ما اسويلچ شي.
-لا عيوني عندك غرفة وعندي غرفة تصبح على خير.
وديتله بوسة بالهوى وطلعت ضحكت من سمعته يردد
-أصبر قسـورة اصبر وعلى گد الصبر تلاگي أجـر.
4
الرادوني وعمامـي وهالبشـر
فدوات راحوا ذولـه الك
ولعروگ اديك الخضرة
تسوه الزلم كلهـا وعلي
ولو الگى انا بگلبك كتـر
اتسيـد واهوس وافتخـر
والبـد بطارف كِتــرة
-ريـم
25
"رئيـس"
مقفل السيارة ومرتچي اعليها متچتف وعيوني راكزة على گبور الوادم شگد يطغى البشر ووين يوصل تاليتها يصفى بهالكبر وترابـة وحيد!
14
صديت على عبسي أستغربت هذا شجابه شوصله
بهدوم العسكرية يمسح بعرگ گصته
عبــاس: شجابه للمگبرة شجااابه؟
رئيـس: خله يرتاح يسولف انتَ شجابك التعب گاضيك.
عبــاس: انعل ابو التعب چا اعوف حسيـن وحدة ينهضم.
-خله وحدة من يعاينه جدامة ما يحچي انه عفته وطلعت.
-خلافـة نضل خلافـة ما يعاينه..
اتمشى جدامي وانه وراه وصلنه وگعدنه بعد جم گبر عنه
ترابة ناگع البخور معلوگ ويرتل قرآن بسد اسمـة
هـاي عادة يومية مصاحب حتى الدفان وموصي گبر حَسـن صبح ومسه ينغسل وينقري اعليـه قرآن وهو كل اسبوع يعتنيله
صدَق وسده خلاه الكتاب بحضنه وسند راسه على مرمر گبرة
حسيـن: خويـة ضَكني الوكت بجفاك و گلبــي موجر بنـارة رايدك ترد.
4
مسح على أسمة و رد گال
-لَـون رديت ارد وياك اجرع طگات ابوي كلها واذيتة واشيل مسؤوليتك كلها وتعمى عيني اذا مسك تعب وانه بسدك تعمى عيني اذا خليت زلمـة بيهم يمسك بحچاية بلاية ما اكسر ظهرة وازين شاربة رِد وانه ارد حگك واسد طلابتك مثل گبل المهم كونك گربي واعاينك مرتاح چنت تتوسد بحضني وتگلي حسيـن ابوي اذا صار عندي طفل انه ابوه وانتَ ابوه تالي رحت وصرت انه بس الابو خلافك واتعهدلك احاميله بنحري ودمي وكل شَي املكة واحافظ عليَّ خليك مرتاح..
9
2September 3, 2026 47
