-اكضـه اشعلللل شييييييب اهلـه عرمة صلفـة بختچ بالتلفون موش بأيدي اعلگـچ تعلگ.
21
ضحكت بصوت عالي
-هاي شبيك ابني غير انتَ ميت وتلحگ حتى عظامك منتهية.
2
-شني ابنـچ شنييييي؟
17
-خانيييي التعبير عفت الوراها ركزت على هاي.
-اموت اموووت محد يعيش عمرين لچن اجـرچ وراي كل ضنـچ اهدچ بروحچ تسيرين وتطيرين.
1
-اني بعدني صغيرة انتَ شيبت.
8
سكت ثواني ومن صوت نفسه واضح يدخن
شويه وحچه بنبرة عادية ولا عبالك چـان متعصب
-خوش چا خلي اموتن وارتاح هنـاك ربچ يرزقني حور العين عبن بالدنيا حرمتي شالعة گلبــي.
22
عدلت گعدتي ساكتة
شعور بداخلي صار ماعرف شلون اوصفة
بس حرارة انتشرت بگلبي وثگل ضوجني
11
حسيـن: ها يبويه چنـچ مراضية اتنعم بحـور العين.
سحبت المي شربت وحچيت بثقة اسوي روحي ممهتمة
-عطشتتت چنت اشرب مي شعليه بيك
-هذاهو شني حرمة بالدنيا اهم شي حـور العين بالجنة هاي النعمة النطمح الها.
يشرحلي وصوته يضحك ماتحملت صحت
-هـاااااي شبيك شو تحچي متونسسس؟
7
-احچيلـچ الحگ.
-حـور العين بالجنة شيوصلك الها عزيزي.
2
-اوصل اوصل عبن خوش زلمـة واشتغل على آخرتي اكثر من دنيتي.
-هو الخوش زلمـة اصلاً يعاهد مرتة بالدنيا تضل مرتة حتى بالآخرة.
-ياهي هاي التستاهـل اعاهدها؟ اذا تزوجت بعدچ خوش حرمة افكر بهالعهد.
طنگرت عليَّ وضجت من نبرتة
-مادامك هيـچ تفكر من هسه تتزوج بعد ما تتزوجني الا اگول لأخواني هذا مو آمان لا تنطوني اله يريد يعدد.
-بعـدچ گلت بعـدچ مـوش وراچ من ننفصل ساعتها افكر.
-هـا اي خوش ساعتها بكيفك بعد ماكو شي يربطني بيك.
نهيت الحچي وياه توني دا اسده گـال
-ما مشتاگه لمُسلـم ما تسألين عنه؟
-يومية مـؤمل يتصل على رئيـس ويخليني احاچي.
-زين زين من وراي.
حچاها ورديت سمعت صوت طگة جداحته
رومـا: كافي حسيـن ملاحظ روحك هواي تدخن!
-متعود.
-ميصير كلسع اسمع طگة هاي الجگارة يا رقم؟
-ما احسبهن من تجين يمي حسبيلي.
15
ماعرفت شنو اجاوبة بس كل ما يذكر الخطبة اتوتر واتذكر شلون ضامة عليَّ سالفة سفري وشلون عشت هناك وسالفة گعدتي يم بيت عمو مثنى وسالفة شلون سجلت مُسلـم بأسم فــارس كلهن ما اگدر احزر واتوقع ردة فعله لو عرفهن..
8
حسيـن: باچـر يالأميـرة باچـر تصيرين حرمتي.
15
فزيت من افكاري على حچايته
من استوعبتها حسيته ديتشاقى اخواني رافضين وهذا محدد موعد
-حلمان انتَ عزيزي؟ فزيت من النوم واتصلت يمكن ولو بعد وكت.
-لا متأهب وحاسب حسابي.
-عود ميخالف احچي ويا اخواني باچر حاول من جديد شخسران اني استاهل تسعى وتحصلني.
6
ضحك على كلامي نوب حچه بنبرة حلوة انزرعت بروحي
-تستاهليـن اسعالـچ واسوي لاجلـچ حرب موش اضل انطر القسمة تجيبـچ الي.
18
سديته اتلمس بوجهي مبتسمة ومصخنة
شعور الفراشات بنص گلبي تمددت بمكاني دايخة افرزن افكار عقلي وگلبي ومشاعري ..وافكر زواجي من حسيـن قائم على شنـو بغايتة ونهايتـة؟ معقولة حابني لو عنده من هالزواج هدف؟ بوسط افكـاري دخت وغفيت
8
"ريـل"
الوب طول الايام الراحت وبعد مكالمة رومـا انهاريت
شسويت بروحي اني؟ شسويتي بروحچ ريـل
رغم كلشي عشته و رغم كل الاذية شي بروحي يمنعني كل ما اريد اصارحهم واحچيلهم ما اگدر بس بهذا الوكت مادري شصار بيـه صار صوت براسي يأذيني
11
فتحت التلفون واتصلت بي
بالمرة الثالثة يلـه جاوبني وما حچه وياي
هوسه يمه وصوت ضرغام من بينهم
مـؤمل: مشكـور ابن العم اترخص انه.
ضرغام: درعي و بارودي.
2
ابتعد من يمهم وصار صوت طبگة باب سيارتة
اسمع انفاسي ودموعي تنزل اكتم بصوت شهگاتي
مـؤمل: ليـش البچي؟
1
لزمن جهة گلبي عصرتها بأيدي وبچيت بصوت عالي ما تحملت اشهك واحچي وياه
-مـؤمل والله چذبت چذبت ما احب آزاد حچيتها اضوجك حچيتها انرفزك حتى تكرهني وتبتعد وعمران چذب چذب ترى حچيت هيـچ حتى انرفزك.
-غايتـچ صارت لا تبچين متسوه.
-كلشي بعيني ميسوه بس عيونك تسوه.. لا تذبل ولا تعوفني وتكرهني ما اتحمل.
3
ما جاوبني غير بصوت نفسه العالي يتحسر
رفعت ايدي لوجهي امسحة وارجف ساكت واني ابچي واحچي
-مـؤمل انتَ حبيبي انتَ حَمـد عمـري من صغري سميتك حَمـد حتى لحد يعرفك وحافظت عليك بوسط گلبــي سنين!!
49
حچه بنبرة قهر مخنوگ
-بعديششش بعد ما هدمتي فرحة روحي وعشگها جايه تحچيلي مشاعرچ.
1
-لا تحچي هيـچ لااااا تحاچيني هيـچ
-چا شني اخطبــچ؟ ترضين اخطبـچ؟
حچاها جَـد.. عصرت عيوني ورجفة جسمي زادت
تمددت حاضنه روحي اكثر
-لا لا لا مـؤمل ما اريد اتزوج وانتَ لا تتزوج نضل هيـچ.
4
-احچيلي شني الاسباب التمنعچ من الزواج احچيليييي طفرتي روحييي مسويلچ شَي؟ انه اتفهمچ بس احچيلي يا بت الناس عليتيني عل بأذيتچ.
-لا تصييييح بوجهي لا تصيييح.
-وحگ الزهـــرة اذا عشگي لچ يگضي ذلة واذية ادوس على گلبــي وما اخلي ينبضلچ اعدم روحـي وامنعها من عشگچ!
-شنو ذنبي شنوووو ذنبي فهمنييي؟
- راسي ما يسكت ما يهدئ حچاياتچ تدگ بي گلبــي وصدري ثگل الدنيا جاثي اعليهاااا رويحتي مابيها واهس لخلگ ربچ كلها.
1
2September 3, 2026 63
