-كلها اني السبب كلهااااا اعرف دوختك احچي واخالف روحـي بس شسوي ماكو غير حل.
-اخطبــچ؟
-لا گتلك لااااااا ما اريد.
2
سكت ما جاوبني بچيت بصوت عالي ضل يسمعني وضايج حيل
ساعة يغلط ساعة يدور سبب ماعرفت شنو اگـول اشهگ ومتحملة بگلبي كومة
مسحت دموعي توني دا احچي انهضمت من كلامة وحسراته سبقني وگـال
-رغم هالخنگة واذيتـچ كلها كلها ليش يم طاريچ اتنفس؟
3
استغفر وجاوبني بصوت انصى
-تعبتيني يا عشگ عمـري هدمتي حيلي والزهــرة.
1
-اسفة
-ما اريد تتأسفين اريد تحچيلي شني السبب اليمنعچ الزواج مني تكرهيني وتضحكين على روحچ بهالحب لو شني؟
-انتَ اعز من روحـي شنو اضحك على روحي بعد!
تنهد متحسـر حسرة طويلة مرد روحي
مـؤمل: چـا ؟
2
ريـل: ما اريد اتزوج ما احب هاي الفكرة بس انتَ تهمني ما اريد اعوفك عمري ناذرته الك.
سكت ما جاوبني وصل للبيت اسمع صوتة يحاچي رومـا
-ليششش نايمة هنا بوية شبيـچ حبيبتي؟
وهي بصوت نعسان تجاوبه وتخرطله كلشي
ضليت صافنة واسمعلها من صدك بنص القهرة والبچي ضحكتني
رومـا: مـؤمل شوف چنت احچي ويا ريـل تعصبت وتنرفزت سدته بوجهي وراها هذا حسيـن اتصل عليَّ انهديت بي وحچيت حچي مدري شلونه وسديته بوجهه.
1
-شني يتصل عليـچ الخايس اليوم احرگة واحرگ عشيرته.
بس شافته متعصب گـالت
- شبيك بس شوف شگـال.
-شني شگـال احچيلي حتى اشگ حلگه.
-گلي باچر اسويـچ حرمتي كتله حلمان انتَ وهاهيه.
28
-ياكل تبن ونعل ما ننطي.
-اي لا تنطوني ماريده.
3
-امشي اوديـچ للغرفة نامي اكو بشر مغمض ويحچي.
1
-لا لا اندل..
سكتوا شويه وراها صـاح مـؤمل
-ويييين رايحة برنسس شني تردين تنامين بالحمام الليلة؟
34
رومـا: يا حمام؟
مـؤمل: امشي بنتي امشي اوديچ للغرفة..
انگطع صوته خمس دقايق و رجـع
-ريـل روحـي نامي.
-ما انام إحچي ويايه صارلك هواي ممحاچيني.
-شتردين احچي ماضل حچي ينفع.
-لا تضل تحضن برومـا وتبوسها گدامي ترى اضووووج.
13
-چا غير عـزيزة گلبــي واخيتي البرنسس.
-ما اتحمل حتى لو اختك احترمني.
2
-تعودي يجي يوم احضن مرتي گدامـچ.
بس سمعتها منه بچيت گلبي معصور
لو تصير صدك شلون شلون اتحمل هاي الفكرة والأذية
مـؤمل: ليش هاليومين ما داومتي؟ داومي لا تضلين معتكفة.
-شعندي اداوم والمدير ماعنده ثقة بيـه؟
-يا ثقة التحچين عنها وهو يچذب روحـة وكل موظفينه ويصدگچ.
1
-اي واضـح واضـح اصلاً انتَ متحبني.
-صــح.
-تموووووت بيه.
-غلط.
نرفزني تمددت دايخة گد ما بچيت وهو بس يريدني انام حتى يروح ينام
-متناااام خبلتني عوفني احچي ونام لا تضوجني.
-تسودنتي؟
شمرت التلفون تغطيت ورجعت سحبته
عبالي سده بس لگيته بعده مفتوح
-مـؤمل؟
-عيونـه الغرگانـه بسواد عيونـچ.
4
-احب عيونك الخضر.
3
-شني اليوم ما ننام ؟
-اريد فراولة بعد ما اكلتها من وراك.
-صـار وبعد؟
6
-حليب وكاكاو وترجع تجيبلي وجبة وتخليني أكل.
-وبعد؟
2
-تگعد گبالي حتى لو ضايج تضحك وياي.
-وبعد؟
-عيونك هــاي عيونك الخضرة ما تصدها لغيري.
5
-هههههههههههههههههههه حيالة.
-شو تضحك لازم ما عجبك الحچي؟
-كلهن مگدورلهن الا الأخيرة تاليتي اتزوج ريـل لا تبنين آمال عليَّ انه كبرت ومال اضل وحدي حياتي كلها اگضيها معلك بلايـه عائلة چذب ..
14
-يعني كلامك بالزواج والخطوبة صدك مـو شقى؟
سئلته باهتة كل ضني شقة يحرك دمي ويضوجني
بس تفاجئت بنبرة الجدية بصوته
-يكفي عمـري الراح وانه مناطـرچ!
4
ما حچينه ولا نطقنه حرف بعد
ما انسمع من عدنه شي غير صوت نَفسي و نَفسه
عيوني تتراوح على السگف وافكر شنو تاليها ما أعرف
ريـل: تجي تحضني واحچيلك البيه وتتقبلني رغم كلشي صار؟
22
ما جاوبني عرفتـه نايم!
ابتسمت ودموعي تنزل سكتة..
كل ما اغمض عيني واغفى اتخيله متزوج واني گباله وافز ضليت اوهس لحد ما غفيت من التعب وماحسيت بعد...
24
"مـرسىٰ"
فزيت من حلم تعبني وهلكني عاد عليَّ موت اخوية وكُلشي عانيته من عمامي من كتل وتحقير واذية وبالحلم اني بمقبرة گاعدة يم قبر محمد اخوية وقسـورة گبالي وهم موجودين بس صاير سد بيناتهم مانعهم يوصلون الي ومن وراه يمدون ايديهم يريدون يسحبوني وياخذوني منه..
9
اول ما گعدت من هالحلم انهاريت
لملمت حيلي وگمت صليت ركعتين وگمت رحت لغرفة قسـورة
ظلام وبرودتها حلوة ..سديت الباب ورحت گعدت گباله امسح على وجهه
سودة عليَّ اجه متدمر من التعب مادري شبي وگُبل اجته النوبة اول ما وصل المغرب اختنك وطلعت روحـة يلـه اتنفس نوب نطيته العلاج نـام
2
تقربت بسته بخده وگصته
خليت راسي على طرف المخدة وياه وايدي تمشي بلحيتـه
فتح عيونه صارت بعيوني ابتسمت شگد حلوات ومهيلات
ضل مركز بيه مد ايده لأيدي خلاها على شفته
باس باطنها وهمس بنبرة نعسانة
-احبـچ عسليتـي احبـچ روحـي الضايعة لگتـچ مـرسىٰ لاذت بي گلبــي التعبان لگـاج راحة وضماد لجرحـة عيونـچ و لونـچ الچـاي الأسمـر اليسكن وجـع راسي ويمحي اذيتـة.
10
1
1September 3, 2026 70
