-ابوية يگول چانت هواي تبچي وتفكر بيك بس من صار عدها قسـورة صبت كل اهتمامها وحُبها اله حتى اني سامعتها چانت دائماً من تسويله شي تگول عفت اخوك انتَ ما اعوفك احبك وادللك.
عيونه لمعت بدمع ..ابتسم وحچه بكسرة
-اتمنى لو حاضنتني مرة ماچان خسرت شَي.
13
مسحت عيونه
-اني احضنك اني امك واختك التحبك هواي وتفديك بروحها.
ابتسمت واني حاضنته مچلبة بي.
رومـا: من چنت مسافرة اكثر واحد حاركة گلبي لوعته والتفكير بي هـو انتَ وشگد ادعيلك ابدي واختم الدعاء بأسمك.
مـؤمل: من رديتي يلـه ردت روحي وين الاگي بعدچ حنيـة.
-على گلبك باقية لحد ما تتزوج وتگلي هاهيه اجت الحنية الأصلية بعد منحتاجچ.
ضحك يمسح بوجهه ويعدل لحيتـة
-لو اخذ اربع نسـوان تضل حنيتـچ مريودة.
باوعت عليَّ وحچيت بضحك اغيرله جو
-اوووف صلـٰوات على النبي وآله شلون اخو حلو عندي.. ذكرني باچر اخلي بجيبك ملح وابخرك لا يحسدوك
1
ضحك وباس راسي وايدي
-انتِ نعمة الله بهالدنيا يا روح اخـوچ و عزيزة گلبـة برنسس.
4
گعدت آيـات وراها وگعدت وياها مُسلـم ويـونس سوولنه هوسة يلـه فض الريوك ومـؤمل مكيف عليهم لأن ابد ميحب الهدوء
2
بدلنه وكملنه وهـاي خلصت الساعات وصار لازم نطلع
شلته لحضني وهو هم سوه مثلي لف ايده على رگبتي وخله راسه على چتفي چن حاس هاي آخر ساعات ابقى يمـه وبعدها راح افارگـه ويبعد عني
رن تلفون مـؤمل طلع يحچي وراها اخذ الغراض صعدهن بالسيارة وصاحنه لگيت مهيب واگف يمه وشايل يـونس تفاجئت شجابة من الصبـح ..بس شافته آيـات طنگرت وتأفأفت تجاهلته وراحت صعدت
4
اشرلي اروح يمـه بس وصلت حضن چتفي
-اريدچ سباعية لا يكسـرچ شي.
-ما ضل شي بيه ما انكسر وهذا آخر كسر راح انطي الهم بأيدي.
سكتت اتنفست وضميت شفتي اهدئ بروحي
رفع راسـة من چتفي باس مهيب
نزل يونس واخذ مُسلـم من حضني.. حضنة حيييييل وباسه ولعب بشعرة
مُسلـم: اني احبك خالو اريد ابقى يم امي ويمكم بس ابوية ميقبل.
مهيب: يا روح خالك شوكت ما تضوج گلي اجيك اني و يـونس اجيبك يمنـه ويم امك متفقين؟
1
-متفقين زين تجي ويا خالو مـؤمل ويايه؟
-تريدني اجي؟
خله اصبعة على وجهه يفكر نوب ضحك وگـال
-اييي خالـو تعال وجيب سلاحك مثل عمو عبــاس
1
-ولك ولك تخرب عالأسلحة بس تكبر وتصير ضابط يصير عندك مثلة
رومـا: لا عيني لاااا ابني يريد مهندس شاطر.
مهيب: عادي هو سبع وياخذ شهادتين.
يشجعه ومُسلـم كيف على طاري السلاح والبوليس
عنده هذني السالفتين ادمـان لا يُعلى عليه .. صعدنه بالسيارة ومهيب بلغه وراه يطلع
1
مـؤمل: هـا شني تجي؟
مهيب: اي وراكم.
-شعجب خالي شعجب ؟
-لعيـون مُسلـم تهون.
25
-تعيش أبو يـونس تعيش أبو الهيبـة.
سلم عليَّ وطلعنه طول الطريق ساكتة بس مـؤمل يتناقش هو و يـونس ومُسلـم يحاچيهم عالطرق ويفهمهم وين رايحين عبالك كبار
1
آيـات ما تحملت كل ما تلمح سيارة مهيب تگب
ومـؤمل يضحك عليها ..تقربت عليَّ تهمس
-شعنده مهيب جااااي حتى لهنا لحگنه نوب صاير بوجهييي يجي يم جامتي كتم انفاسي.
3
رومـا: اني شاكة بي اجه لأن انتِ اجيتي هاي مال لعيون مُسلـم كلاوات من ابو يـونس.
7
صفنت واندارت عليَّ تباوعله نوب رجعت تباوعلي
-ولـچ خاف يسويلنه عركة هناك وتصير دك ملاطم.
-يلـه بلكت تصير حتى اخذ مُسلـم واركض اهـچ انتِ كوليلهم شردت ضاعت.
5
-خوش بس ويـن تروحين خير تگوليلي حتى اعرف.
-ارجع للبيت اضم روحي بي ما يجي ببالهم.
-شلووووون شلوووون ما يجي ببالهم.
-اكو شاردة تشرد لبيتها شبيـچ انتِ وبس يرجع مـؤمل اقنعه يسكت ميحچي وتنتهي السالفة هيـچ لحد ما ينسون.
-مهيب يكيف يدكلچ طبل كله حتى متتزوجين حسيـن.
-يا حسيـن يا زواج يا بطيخ.
-عود شوفيني النسيب اريد اركز بي بس نوصل.
1
مـؤمل: شگد لغيتنننن وتبسبستنننن الله اليستررر الله اليعيييين.
8
آيـات: مهيب راح يسويله عركة وبنص العركة نشرد رومـا ومُسلم يرجعون للبيت هيـچ ميحسون ولا يدرون ماكو شاردة ترجع لبيتها احنه رجعناها وهمه يضلون يدورون عليهم لحد ما يملون وينسون ترى خوش خطة... شتگول؟
29
مـؤمل: اگـول لو كلمن تسد حلگها وتخليني مركز بالطريق لا اشردچن لوادي السلام وادليچن درب الدفن والبرزخ.
6
رومـا: ترى نتشاقة حبيبي شبيييييك قابل حنسويها.
-نسوان كلشي تسون.
توه حچاها رم تلفونه چـان مشكلة بالسيارة ومن فتحة وياه مايك ضل يحچي ويا حسيـن ومافهمت شي من كلامهم مُبهم كله الغاز عن ناس لا اعرفهم ولا سامعة بيهم بس الظاهر من گرايبة هناك
مـؤمل: اخخخ ابن مـازن الشريف دير بالك خويه لا يطگله عرج من كثر الغيض
رد عليَّ حسين بضحكة وگـال
-لا تخاف حبيبي العرج ما يطك اعلـه الردي
-تعيششش أبو علي
-بالخدمـة بارود الحـرب
-اگلك مهيب جـاي ويانه يعني هالله هالله بالهدوء والثقافة.
-تأمرني صـار.
-عضيـد لا يچفص ونروح بيهه حتى انه يعلگني وياكم.
5
-شحده يوصلكم انه اوگف بوجهه خلها عليَّ اخوكم الچبير واعرف اتصرف.
4
-سالمين خالي صايرلي اخو چبير وانت تكبرني عشر ايام.
1
1September 2, 2026 244
