تقربت عليَّ لزمت ايدي وگـالت
طيبــة: لا تعوفي انطي فرصة انتِ من عينـچ مبينه حابتـه و مايلـة اله وهو من تصرفاته هالفترة مبين باله كله صار يمـچ احتليتي عقلة و روحة خليكم سوه واتمسكوا ببعض.
ابتسمت تمسـح بوجهي وكملت كلامها
-اخويـة واعرفه والله اعرفه بدا يميل الـچ ما شفت حتى نظرات الشك بعينـه الـچ ما شفت نظرات النفور والكره بعينـه الـچ بالعكس دوم يناظرچ بسكون وابتسامة
2
ضحكت و وخرت منها ما مقتنعة
-اخـوچ عينه شابحة تتمنى غيري ما تتمناني!
3
-انطي فرصة بس هاي الفرصة
-يگلي شجابـچ شوصلـچ الها فرق السما عالگـاع بينـچ وبينها.
6
-مو لخاطرة لخاطر يـونس اتعود عليـچ انتِ امة لا تخلي يعيش بلايه ام للمرة الثانية بعد ما حَـس بحنانها.
-اروح لبيت مـؤمل وآخذه وياي
1
-ما يرضى مهيب ما يرضى تاخذي وياچ آيـات بس فرصة ما تخسرين فرصة وفترة جربيها وياه اذا ما نجحت اني بذات نفسي اشجعچ وامشي وياچ بكل خطوة تخطيها.
سكتت صافنة عليها مالي حيل افكر بكلامها ولا الي حيل انطي فرص واكعد انتظر واحاول البيه كافيني ومثل ما دخل گلبي بحنيتـه اقلعه من گلبي واشمرة بمساوئة
الحچته كله ماگدرت استوعبه عقلي حسيته راح ينفجر گد ما انصدم بأشياء استغفلوه بيها اليوم و شفعتله شفعتله وبررتله ولو شويه بداخلي بس ابد ولا دا اگدر انسى من گلي شجابـچ شوصلـچ الها هالحچاية انحفرت بروحي وأذتها...
23
لزمت الجنطة وگعدت عالجرباية اتنفس لاحظت طيبــة طالعـة ضليت اتمايز الباب بعيني لحد ما دخل يـونس يضحك بس من شافني اختفت ضحكتة واجه عليَّ وگف گبالي يمسح دموعي ويسألني " ماما شبيـچ؟ "
دنگت يمـه گعدت على ارگبي بالگـاع حظنتة وبچيت
من شفته انقهر واختنگت نبرته ابتعدت
امسـح بدموعي وهو يمسحهن وياي نوب باوع للجنطة وگـال
يـونس: ماما ليش تبچين شنو راح تسافرين؟
-اني چنت ابچي لأن ردت اروح بس شلون اروح ما اگدر اعوفك ماكو ام تعوف ابنها وانتَ أبني
-لا لتروحين وتعوفيني اذا تروحين اخذيني وياچ وبابا هم.
-خيولي ابوك ماريده زعلني.
-اني اعاقبة واخلي يجيبلچ حلويات وبعد ميزعلـچ.
4
حظنتـة ابوسه وكمت جبت التلفون
اتصلت على مـؤمل اول ما سمعني گـال
-قسـورة حچالي طاگه لخاطرچ ومتعارك وياه.
1
-اني ماريد تصير مشاكل بين الاخوان بسببي.
-شلـچ دخل الغلطان يتحمل وانتِ اخيتنة ما نرضالچ الهضمة.
-لا تضربوه خطية.
-لا لا اليوم اطيحلچ حظة المن مصاحب ياهو يحاچي مراوي لو نسومة؟
19
فزيت بس سمعت وصحت
-منووووووو هذني نوب منوووو جديداااات؟
5
-موظفات مو يمـچ موظفات ويانه خيتي چـا ياهو المحاچيها ابو الهيبة؟
3
-ماعرفها هو رب العالمين راد يكشفه طلع گدامي سوالفه وياها.
-خايس زلمتـچ خايس انه الـه اطيحلچ حظه لا تضوجين وانه اخوچ بيتي بيتـچ حظري نفسـچ هسه اجيـچ اخذچ تضلين يم رومـا.
-خاف يسوي هوسـة.
-شله دخل بوية چـا غير بيت اخـوچ لا تخليني احچي حچي ثگيل.
1
-يـونس وياي لا تگول عوفي مـؤمل هذا ابني احبـه.
-لا شني تعوفي وليـدچ وياچ ما يفارگچ.
-الملابـس هذني ما اريدهن كلهن هو جابهن بفلوسة.
-عوفيهم خليولن انه اجيبلـچ غيرهن بفلوسي بفلوس اخوچ.
12
-اي فلوس الرجال متنراد فلوس الأخو احسن.
2
-جوه جدمـچ كلهن بعد تأمريني بشي.
-يا ريتك صدك اخوية..
حچيتها و رجعت ابچي مستهضمة ومقهورة اخوية مسجون ومابي حظ وابوية دمرني وباعني بثمن لا فكر بعرض ولا فكر بيه
6
حچه وياي شويه سديته منه حظرت نفسي واخذت وياي غراض يـونس ونزلت ماكو احد بس طيبــة ومـرسىٰ يتصفنن حچن وياي شويه رفضت حتى اسمع الهن اباوعله يلوب بالحديقة يدخن ومتعصب لحد ما اجـه مـؤمل تعارك وياه برى گب صياحهم نوب دخل يحچي وياهن ويستفسر من طيبــة على صوتة نزلت ريـل وگعدت على بايات الدرج تباوع
1
من سحب يونس باسه وشاله دنطلع حچت
-وين ماخذ مرت اخوية وابنة استاذ مـؤمل؟
اجت وگفت گباله متجتفة
-مهيب يدري ؟
سحبها وخرها من گدامنـه وگـال
-لا انتِ ولا مهيب ولا عشرة منكم يوگفون بوجهي اذا ردت شَي فاهمة؟
حچاها واشرلي طلعنه وبنص الطريق نزلني اخذلي كم لبسة و ودانه لبيتـة استقبلتني رومـا تواسيني چـن تعرف بالموضوع كله ما حچيت ولا كلمة بس حطيت راسي ونمت واني اتذكر نظراته من طلعت گبال عينه ويـونس وياي عيونه ذبلانة انقهرت بس ميفيد القهر وحاچيته بگلبي انساني مثل ما راح انساك مهيب انساني..
21
سلاسـل ذهب يتحدن سواد الليل
ترسن كل ثنايا البال خلني اصيح الويل
يا گلبي الثگيل اصبر
چتفك بالرتب مهيوب وانتَ الهيبة تحلالك
لا تكسـر غرور الروح وتتنازل لچتالك
گُلي شلون انساها؟
التهيبت بأسمي وانا غايب
وغلبت مكان اغلى الحبايب
انا العدم بجفاها والتشافيت بدواها
هـاي سلاحـي بالشِـدات
هـاي البيهـا اتباهى..ابد ما مُمكن انساها.
-ريـم
56
1September 2, 2026 71
