-شحچي شتردين لـچ برررعة حتى نقطة شبه ماكووو بينكم.
1
بعد هالحچاية طلعته طيبــة واني رجعت گعدت بمكاني اضحك ودموعي واخيراً نزلت .. شجابني شوصلني اني منو؟ انتِ منـو آيـات ؟ كرهت ابوية اضعاف كرهي وكرهت الساعة السودة شنو حياتي اني شنو ذنبي هيـچ احس!
انشمرت عليَّ شمر وعقلي وهمني اوهام صرت مرتة بس شنو الفايدة ايدي على گلبي المعصور ودموعي تهل بدمعها .. اكبر ظلم بحياة البنية واكبر كسر بحياتها من يكون الظالمها والكاسرها ابوها!
7
لو محتويني مثل الاباء لو حابني وموفرلنه حياة حلوة چـان رضيت وياه حتى بخبز وچـاي نعمة المهم كل هذا ميصير .. ملت لمهيب وهوااااي ملت اله لحنيتة لوجوده لكلشي بي بس بعمري ما توقعت اعيش هالموقف وهالأذية عمري ما توقعت راح استفرغ كل المشاعر الحلوة العشتها وياه بعد موقف بهذا البشاعة
8
ضليت اتلفت صوب الكنتور والجنط شسوي؟
الم ملابسي واطلع بس وين اروح؟ الماعنده اهل وناس وين ينطي وجهه من يتأذه؟
اذا اروح لبيت مـؤمل شگله ؟
اكتشفت زوجي يحب اختك واني لأن عرفت عشت الضدين بوكت واحد وانقهرت وخبصت الدنيا!
8
زين ويـونس يخلي وياي ماگدر لفراگه بعد
غمضت عيوني حيل
انتَ الوحيد الما چنت اتوقع منك اذية مهيب!
11
اسمع طيبــة تتصايح وياه برى وحتى صوت قســورة برز من بينهم يدافعلي ويستفسر وطيبــة تبررله عادي عود متعاركين عركة بسيطة وهو تعصب
اندك الباب رديت بصوت مبحوح
دخل وگعد گدامي يتفقدني اشرتله براسي زينة ومسحت وجهي
قسـورة: شبي وياچ ؟
-اخوك يحب النسوان واني اتخبل من هاي النوعية.
4
-شنو مصاحب عليـچ؟
سكتت شگله شمهما تكون هي اختة وميتـة واخاف احچيها بوجهه صعبة اني استصعبتها على روحي وبنت خالتها لا اعرفها ولا شايفتها عاد هو اخوها!
اخذ من سكوتي تأكيد لكلامة وطلع وراه دخلت طيبــة صديت وجهي منها مقهورة تقربت عليَّ حظنتني ردت ادفعها ماقبلت ضلت حاضنتني تبررلي سكتت لان تخاف لا اعوفهم واروح بعد وتخرب حياة اخوها ما استقرت هالفترة
بدت تسولفلي كلشي شلون حارب لخاطرها بس انخذل واتأذى وتالي اتدمر واشتعلت نيران بروحه عمرها ماطفت لهسـه.. اسمعها ودموعي تنزل ما مسيطرة ومأيسة منه هذا منتهي ما ينسى ولا يعيش راح يضل عقلة متعلگ بيها
آخر شي بدت توضحلي على انفصالة من سيماء وتقنع بيه اتحمله ..سحبت روحي وابتعدت منها
-كله صوچه حتى لو رادت تنفصل بسببه هو دمر عائلتة يا مرة تقبل زوجها يحب ويتمنى غيرها وعينه اربعة وعشرين ساعة شابحة عليها
5
-هو غلط صحح غلط بس مو بأيده محد بينه يگدر يتحكم بگلبه وهذا الشي ما يبررلها تدمرة وتنهي آخر ذرة روح بي ما يبررررلهااا الخيانة!
بلعت ريگي مصدومة ومبهوتة
-شنو خيانة؟ هو گلي ما تفاهمنة وما احبها
-هو دائماً ينطي بروحـة
نزلت دموعها ضلت تمسـح بيهن وتشهك
-ماچـان مقصر وياها رغم ريـل تحذره منها ومترتاح الها بس هو كل ضنه مشاكل نسوان يداريها وشتطلب يگلها تم حتى سيارة اخذ الها رغم چـانت هاملة كلشي يخصه بس هو بقى يراعيها ويحاول يرضيها لخاطر ابنة يريدها تهتم بي وتبطل اهمال
سكتت ثواني و رجعت كملت
-مهيب بعد نـوران انزرع براسه شك عالكُـل واحنه من ضمنهم تاه وضـاع واجت فترة گمت احسه فقد عقلة وهي چـانت بكل مرة تزيد النار حطب وتشككه حتى بروحة وبيها بدت تسحب فلوس اكثر من قبل بحجة يـونس وراها باعت سيارتها يم اهلها بدون ميدري وگلتله ضاعن فلوسها خلته يتخبل عليها بدت تتختل وتطلع بدون علمة وتعوف ابنها وحدة بالبيت ويا العاملة منا بدا يراقبها وبعد اسبوع ضبط يلـه اكتشفها تخونـه ويا اخو زوج صديقتها والفلوس وحالها ومالها ناطيتهم اله!
15
اسمع الها واحس عقلي راح يطير
شمهما يكون الوضع ما يبرر الخيانة وما يبرر الحرام
1
طيبــة: جابها للبيت سحل بوكتها گضه بيها التوبة وهي تصارخ بجملة وحدة
"انتَ الخليتني احب غيرك انتَ الخليتني اروح لغيرك"
وهو بس يسمـعها يجن جنونه ويصيح ويضرب دماها ودمرها وخله بيها آثار يمكن لحد الآن ما انتهت بسبب عقابه الها كل ما يوجه سلاحة عليها يباوع لأبنه ويتعوذ من الشيطان ما يريده يكبر ويتعاير بأمـة لو يعرف أبو كاتل امـة..
3
وره هالموقف وداها لأهلها ومنا بدت حرب ثانية شنتها عليَّ محد صدگه رغم كل الكلام والدلائل طلعوا يتهمها باطل وهو واگف يگلهم بت عمي وخالتي وام ابني شلون اتهمها! محد صدگه كلها لامته وحاربتـه وعمو صَمـد بوكتها شَيـع حقارته ورفع دعوة حاولوا بكل الطرق يدمروا ويخلوا يرجعها بس ما گدروا وغصباً عليهم طلگهـا حتى يـونس منعه منها ومنع دخلتهم كلهم للبيت.
آيـات: لا حـول ولا قوة الا بالله.
-كلهم تحشدوا ضده بس مهيب قوي گدرلهم وحدة محد چـان وياه وبقى يشاگف لروحـة و النـه ولأبنـة من غير هم نـوران وابنها الما يعرف ابوه و غربـة رومـا ومـرض قسـورة!
1
ساكتة ما اعرف شنو اجاوب ولا اعرف ردة فعلي تجاه كلشي صار شنو ..
تشوشت وصارت غمامة على عقلي وگلبي وعيوني
1September 2, 2026 30
