ضحكت وجرتني گبل متريد اعلي صوتي وگالت
-ماكو هو من آخر مرة بعد ما حچيت وياه اتصل مرة وراها بس مجاوبته خلي يروح لا ياخذ وجه
-اويلي عالثگيلة.
ركزت على آيـات مستغربة مبينه مستهضمة و ملامحها تعبانك وذبلانة
لازمة تلفونها تباوع بي بس سألناها شكو بچت مقهورة وشمرت التلفون
فاتحتة على رسالة مبين حساب و واضح بأسم سيماء كاتبة
-اذا عنـدچ كرامة اسئلي مهيب منو اللي چـان يحبها قبلچ وقبلي حتى اشوف هم تبقين يمه وتحبي وراها لو تنفرين منه ..
14
حضنتها طيبــة تواسي بيها وتفهمها مامو هيچ شي
وخرت منها تمسح دموعها وانهدت تغلط عليَّ وتحچي
عفناها على راحتها تطلع البگلبها
محترك دمها وايدها تشتغل ويا لسانها
بهاي الاثناء مهيب دخل على كيف صار وراها ضبط بظهرها واگف فززنه تونه ردنه نحچي اشرلنه اششش ضرب ركن على حافة الباب ويسمـع ضايج
2
آيـات: نيزك نوب منو نيزك اسمعه يحاچيها ويدلعها هو وذاك صاحبة.
5
طيبــة: ولچ خالة نيزك ام زهيـر وهو يحبها حيل يعتبرها امة لأن مهيب بصغرة امي عافته وسافرت وبيبي زاهيـة بوكتها چانت مريضة وهالمرة گد ما حبابة من عرفت ابوية حاير بي وبشغلة ما يسيطر عليَّ لأن وكح حيل چـان مو هادئ وما يسكت رغم عمرة شهور فهي احتوتة ويا ابنها ضل يمهم شهر ونص تقريباً وبالشرع صار هو وزهيـر اخوان بالرضاعة.
2
آيـات: بلا هـاي ميخالف بس اكو غيرها هو مبين عندة شي من كلامة گلبــي گارصني.
سكتت طيبــة واني ماعرفت شجاوبها
آيـات: ها شبيـچن تخورستن لأن اني على حق مو؟
طيبــة باوعت عليها تبلع ريگها وبلگوه جاوبتها متوترة
-لا مو هيـچ بس مهيب مو من هذا النوع اليدور نسوان.
-من هذا النوووووع ونص مبين ذاك وينه يعني شنو تفسير السوااااه انتَ متزوووج قبلي وانتَ تحب قبليي تحب يجوز هيـچ تخيلي فجأة ترجع لحياتة ويگلي كششش برا بهالحالـة شكو تعلقتي بييييك يا بني آدم؟
3
طول الوكت يسمع وساكت يدخن بدون صوت
خفت من ردة فعلة اخر شي صاح
مهيب: شيرجعهااااااا المـات شيرجعـه ؟
18
جمدت بمكانها تيبست بس سمعت صوتة ما ادري استوعبت الگـاله لو لا بس التفتت تباوعله بدون صوت وهو واضح عليَّ شگد متعصب من جگارته الطفها بأيده ومردها مرد داخل چفه
اجه عليها گومها وسحبها وراه رفضت بس عتها عت خلاها تصيح من ايدها يريد يطلع من المطبخ ويصعد بيها ركضت طيبــة گباله تمنعه وتملص ايد آيـات بس ما رضى بعدها عنـه توجه للدرج وصـاح
مهيب: وخرررررري ولو امة محمد تحترك بينـه ما اريد بشررررر يخطي ويصعد باية وحدة.
14
"آيـات"
نفضت ايدي منه حيل شايطه اول ما دخلت الغرفة محترگ گلبــي من الرسالة من سوالفة من كلشي ضليت اصيـح مستنفرة الوضع وهو مثلي وما يقل عني توه ديقفل الباب اندفع ودخلت طيبــة تهدي بي لازمتـة من چتافة وتحچي وياه بصوت ناصي
-شضاميييين انتوا عليَّ شضاميييين !
توها دتحچي طيبــة صاح بيها
-كافيييي ما سالب ولا ناهب حتى اضمهاااا صارت وراحت شتسوي خلي تسوي.
-شبيك مهيب شصاير غير افتهم
تقدم عليَّ وگـال
-البنيـة الچنت احبها هي نـوران بنت خالتـچ جُمـان بنت مرت ابوي اخت رومـا وقسـورة ومـؤمل عرفتيها لو اوضحلچ بعد؟
8
گعدت اريد استوعب الحچاه يتراوح بعقلي
صفنني وخله الف فكرة تصير بي رفعت راسي الـه
-يعني تحب بنت خالتي وتزوجتني الي ؟
-اي.
3
ضحكت مصدومة ما اعرف شنو ردة فعلي
مسحت وجهي استوعب الفكرة دنگ يمي ديحاچيني دفعته حيل احتقرته وكرهته
1
-تزوجتني ليش حتى تتذكرها بيه لو اسد فراغ لأن اقربلها؟
5
-شتحچيييين انتِ بنتي زواجي منـچ شدخله بيها زواجي منچ لحمايتـچ ولأبني لا طمعت بيـچ ولا غيرها.
-صحيح صحيح حقك لأن اكيد قبلي شابع أمل وحُب و وعود ويا بنت خالتي اللي تزوجت وخلفت من غيرك وضربتك بعرض الحايط.
50
عيونه بعيني صارن حمر تعصب وشد قبضة ايده
راد يوصلي بس طيبــة گباله تتوسله يطلع متريده يبقى هنا
آيـات: لا تباوعلي هيـچ تستاهل وعساك بأبو زايددد متنلام بيييييك انتم تحبون التسحلكم واطيح حظكم.
27
مهيب: لـچ شسويتلـچ شذنبت وياچ فهمينييي سلبتـچ عشمتـچ لو لأن حاچيتـچ البارحة!
2
-الفكرة وحدها مداتحملهاااا رجال يحب بنت خالتي يحبهااا تعرف يعني شنو حُب يعني اكيد باني حياتك كلها وياها بعقلك تالي تتزوجني شتريد اصفگلك ؟
11
طيبــة: بروووح ابوية بغلاتـة عندك لا تحچي واطلع مهيب حلفتك بروحه اني اتفاهم وياها حبيبي اني افهمها كلشي.
2
مهيب: شتفهميهاااا شتفكر خليها تفكررر متستاهل حتى التبرير.
خزرته ورغم النيران المشتعله بداخلي تحرك بروحي
ما خليت دمعة تنزل گمت وگفت گباله تچتفت وحچيت بضحكة
آيـات: حَلفي بروحها هسه يطلـع گبل يصيرلـچ طيارة.
15
خزرني وصاح بصوت خلاني ارجع لوره
خفت لا يفقد ويطفر عليَّ صار بحالة خيال كلشي يسوي
طيبــة حاجز تدفع بي گوه عليها
آيـات: رووووح منا عوفني رجال ويتذكر بيه غيري ماريده.
مهيب: شتذكـرچ بيها لـچ شجابـچ شوصلـچ الهاااااا فرق السما عالگـاع بينـچ وبينهااا.
22
-اسمعيييي شيحچي اسمعييي.
2September 2, 2026 73
