اندار على الأسمة حسيـن يغلط عليَّ ويطلع بي ما يريد يسمع سحبه مـؤمل وگـال
-حسيـن يدري وهو وياي بالسويتة بصَمــد.
ابتعد يضحك بصوت عالي يلوم بيهم ويحچي عليهم ويرجع يعاتب مـؤمل گعد يفهمه ويحچي وياه شصار لرومـا وره ماطلعت من البيت ومابيها شي عدت سلامات بس ما سمعله راد يطلع يروح لعمـة ما خلوه قفلوا الباب ومنعوا
1
وصل مرحلة ثگل بالحچي وتهجم على مهيب اشر لمـؤمل يعوفه خلي يسوي اليريحة بس حسيـن تقدم عليَّ سحبة من بينهم راده يگعد ويحچي وياه دفرة ما متحمل
وخر و رجع سحبة خلاه يگعد بالگاع ودنك گدامة گعد نص گعدة طاوي رجلة ويحچي وياه
حسيـن: انتَ صاحب حگ ليش تلوم خوانك وتضيع حگك؟
-اششششش انتَ لا تحچي لا تتدخل.
-اتدخل عبن انه اغتاض من الذكي الياخذ دور الردي ويضيع حگـة.
رفع ايده لچتف قسـورة عصرة وگـال
-خوانك حزامك وتچايتك مهابتك من مهابتهم ان سمعت شَي عنهم لا تاخذك العصبية تطگ وتعارچ لا يخوي ركز و فرزن وافهم بعدين تعنالهم وتفاهم هيـچ تضل راعي حگ الله يلوم اليلومك.
5
-ما خلولي غير حـل صار فترة الوب واتلوع اريد اعرف سبب وهم يدرون وماخذين دور المتفرج الما يدري!
-عبــاس اخوي موش بس روحي اگرب ليه من نفسي لچـن اذا صارت وطگني بدون فهم افصم ظهرة ياما ضميت عليَّ سوالف لأجل شني؟ لأجل مصلحتة حتى ما يتسـرع بغيضة ويخرب المشيتين انه احاسب واصير بوجه المدفع واجيبله حگة وهذا السووه اخوانك.
1
-المفروض يبلغوني السالفة تخصني تخص مرتي واختي الي حق اني اتصرف بيها واخذ حقهن.
1
-شالوا حِملك بروحهم ما رادوا يتعبونك انتَ مدللهم.
-حسيـن لخاطر الحسين مو جاهل وتقنع بيه هيچ.
-ياهو الگـال جاهل حشاك انتَ زلمة نشمي عين الله ترعاك ودكتور مثقف ودامك راعي حگ اخليك تاخذة لا تفور دمك الجايات هواي.
-كلامك متناقضضض تسطر الراس وتفر العقل.
4
-هذا الواقع مهيب شتريدة يسويلك والخصم امـة.. ومـؤمل المناطرين منه نفس حتى يحكمون عليَّ وينهشون بلحمة.
ضل صافن بكلامة مركز وياه عصر راسـة مسح عليَّ مبتسم بحنية و گـال
حسيـن: خوانك مابيدهم شَي اذا دورت طلابة انشدني انه زلمة غريب محد يگدر يگلي على عينك حاجب انخاني ما اخيبك نسطي سوه واذا عالفصل مگدورله..
25
مهيب: گوم لك امشي چفيني شرك صار ساعة اسمعلك اگول راح توعي تحچي وياه حچي بي حظ.
6
مـؤمل: والزهــرة دُرَّرر ابو علي كمل كمل.
23
قسـورة: اي كمل شسوي فهمني.
8
مهيب: غسل عقولهم عاد هاي شغلتة المحترف بيها شگد شايف بشر كلهم مكر وحيلة مثلك ما شفت.
11
ما اهتم وتقرب لقسـورة يشاورة ومـؤمل يباوعلهم بلگوه حابس الضحكة چن يعرف شراح يگله مهيب ماتحمل الموقف سحب حسيـن من نصهم يعاركة تلازموا وصاروا واحد يدفع بالثاني اشو هم تقرب مادري شهمسله خلاه ينخلس ومـؤمل طگها بضحكة رنانة
43
مهيب: انتم خايسين لوما خايسين ما تسوون هيـچ ومـؤمل الخايس صاير طوع ايدك.
14
مـؤمل: چا شسووووي بوية اسكت واعديها يخسسسى.
4
حسيـن: لاااااه حاشاه مـؤمل حبيبي.
2
مهيب: شلون يخليني اوكله تبن هو واخو.
7
حسيـن: ما اجاوبك هسه بعدين نتفاهم وراح اسكت لخاطر ابنك اجه.
3
سحب قسـورة گومة يطبطب على چتفة يهونها عليَّ بس بعده ضايج وملامحة متهجمة ما متحملهم حسيتة على اعصابة واكف يريد ينهي الموقف واله غير تخطيط متأكدة متحلف بعمة صَمـد
3
راح يـونس يتنقل بينهم يحاچيهم ويسلم
نوب مشى لحسيـن يسأل على مُسلـم وهو يجاوبة
يـونس: عمو اني فكرت...
9
دنك عليَّ باسه وگـال
حسيـن: بعد عمك خلها بعدين نحچي زلمة لزلمة رحمة لجدك
18
سكت يضحك وما اعترض
مهيب سحبة يستفسر منه ويخزر بحسيـن
يـونس: يابة هذا سر بيني وبين عمو حسيـن گلي ترضى تزوجني عمتك رومـا ودائماً اطلعك انتَ و مُسلـم اونسكم واني رضيت مو علمود الطلعة بس احبة.
102
هم سمعوا شحچه يـونس التموا عالرجال يغلطون عليَّ ويعاركوه ولوه ولية ما انتبهت شحچوا لأن شتت تفكيري طيبــة من گـالت
-شو لا رومـا و لا ريـل دخيلك يا ربي اختفن امهات المصايب.
6
مجرد ما نهت كلامها سمعنة تضوح صوت صيحة ريـل من برة على رومـا جفلنة على نبرتها تفزع صارت تصيح لمهيب وارتدادها يجي من الحديقة الخلفية ..ركضوا عليها كلهم الا حسيـن ضل متجمد واگف ما يگدر يدخل مهيب مارضى استغلينه الموقف ركضنة وراهم بس شافنه صاح ما سمعناه تقدم عليها واحنه وراه نشوفها گاعدة منطيته ظهرها وجهه عالحايط مخليه گصتها عليَّ و ريـل بصفها مفزوعة تبچي و ترجف
قسـورة و مـؤمل وياه صاروا يمها يحركون بيها مواعية ومهيب گعد رجليه ما حملته تقربت اشوف شكو لگيتها صافنة وباهتة ما حاسة عالكل مدنگة راسها وعينها بحضنها وحده من ايديها سادتها حيل كلها دم والثانية بيها حبل ثخين مشدود بهيئة حبل مشنقة لازمتة وصافنة عليَّ!!!!!!!
يتبع
September 1, 2026 252
