اشرلتها عالصالة غافي هنـاك سحبت وردة وگامت اني وراها وگفت بالباب اشوفها شتسوي ..شفت تلفوني سحبتة بأيدي فتحت الكاميرة اصورها بدون ما تلاحظني اريد اشوف مكابرها لوين يوصل شافته واجتي سحبت كرسي وگعدت گباله تباوعله وصافنة ما مركزة بغيرة ..دقايق على حطتها بعدين رفعت الوردة شمتها وقربتها عليَّ مشتها على وجهه مبتسمة فز و اول ما شافها طفر مصدوم فاتح عيونه عليها ما مصدك..
سديت التلفون وضليت اراقب ردة فعلة
مـؤمل: شتسوين فوگ راسي؟
ريـل: اريد اموتك.
بعد الغطى وگعد گبالها يفرك بوجهه
سكت دقايق وحچه بصوت مبحوح
-استغفرالله واتوب اليـه شلون طرگاعة
4
حچاها بنفاذ صبر وگام غسل وجهه و رجع يمها
مـؤمل: شتردين جايـه حيلتـچ ما تمشي عليَّ بعد.
-ما اريد شي بس اريد اراضيك.
حچتها وقدمتلة الوردة تحاول تباوعله ببراءة تحاول!
6
-ما زعلان انه حتى تراضيني تفاهمنه و رديتي لشغلچ موظفة حالچ حـال الموظفات.
-اي ما اريد اصير حالي حـال الموظفات اريد مثل گبل.
-كلشي اله وكتة.
حچت وياه شويه ضلت تجادلة تالي گام روحة طافرة
گب عليها ينثـر ويصيح بوجهه ما متحمل
مـؤمل: جرعت السـم سنييييين من اذيتـچ لا لمتچ ولا رديتهاا اگـول اتحمل اتحمل شني الاذيـة گبال ريـل تطيحلها فدوة..بس من توصل لعزازي ما اجرعهـااااااا.
حاولت تحچي وياه ومانطاها مجال
عيونه انگلبت حمرة وعرك بگصتة برز من عصبيتة
-تذكريـن من گلتي انتَ زلمـة وحيد؟ اي انه وحيددددد وحيدددد اخاف على ناسي لا يهدوني واضل بطرگ روحي سمعتييييي.
13
-ما اقصد.
قاطعها اشر عليَّ وصاح بنبرة اعلى
- ماعندي غيرها من تأذيها تنحريني عدل.
1
ريـل: ما اقصد أأذيك اني ما اسيطر على روحي.
-خلها ببالچ رومـا و قسـورة كِل ناسي طلعت بيهم من هالدنيا كل ضنـچ افرط بيهم واسمحلچ توصيلنهم بأذية؟
-هذوليييي اخواااااني ما أأذيهم.
-چا شلون طگيتيها و دفعتيها طاحت على راسها انرج بالگـاع ما گلتي اخيتي اصغر مني اراعيها؟
سكتت ما جاوبتة ضلت مدنگه تقرب عليها
گرفص يمها مسح وجهه وحچه بهدوء
-تكرهيني وحاقدة عليَّ والحقد المفروض يطلع مني.. انه الابوچ خذه امـة منه انه الأمـة هدته بمهدة و خلته يواجه ايام ما يتمناها للكافـر انه الاخيتـه ربت بعيدة عنه و ضلت بنصكم اندست بيها عروگ الأذى لدرجة عشگـت خصم اخوها الملوعـة وغادرة انه الوحيـد الما الي ونيس على گولتـچ انه انه انه ياهـو الاحتواني؟
19
-ما اكرهك والله ما اكرهك چذب چذب.
-شالفايدة سنيييين تجرعت سمها منچ وتجين تصيحين حميتك على شني بويةةة على شنيييي احچيلي وانعل شيب اهلي اذا ماعوضتچ ورديتلچ حگچ.
حرگة گلبة حِركت روحي اسمعة ودمعتي تخط على خدي مقهورة ما اعرف على يا طرف بس الكفة تميل لمـؤمل بهذا الموقف من شافها ترجف اتخبل وانقهر اكثر
2
-والله ما اكرهك الله ياخذني اذا اكرهك.
1
سحب كلينس مسح دموعها على كيف يسكتها
-كافي اسكتي راحت وانتهت كافي هسه اجيبلچ فراولة تاكلين وتتونسين.
5
سكتها نوب صد عليَّ
-جيبي فراولة من الثلاجة همزين حاسب حساب تچفت علينه وطاگ الفيوز.
رحت غسلتها وجبتها خليتها گبالها
گعدت بصفه حضنت ايده وبست چتفة
رومـا: اني احبك وما اعوفك أبددددد.
ضحك و صد باس راسي ولف ايده عليَّ
ريـل تباوعلنه عافسة ملامحها
مـؤمل: ها شني؟
1
تأفأفت تشيل بشعرها وتشمرة وره
ريـل: مداتشوف شلون ايدي ترجف ما اگدر اكل.
4
مـؤمل: ايدچ شلهه دخل بحلگچ.
-وكلني يلـه.
-هـاي اختچ هي توكلچ.
ابتسمت بوجهه
رومـا: اني هم ايدي ترجف اريد توكلني.
ريـل: هم حشرت روحهااااا.
رومـا: اخوية وبكيفييييي.
استدار مني وصار يرفع الفراولة اول شي يمسحها
يدقق نظيفة ويوكلها وحدة وحدة متجاهلني
رومـا: هااااا استاذ مـؤمل؟
-امشي الچذابة اكلـچ وكليها رجفتي روحچ راح حگچ.
ريـل: هههههههههههههه اشعررررر بالنصرررررر.
2
رومـا: انتوا مو توكم تعاركتوا لو اني غلطانة؟
هز أيده يباوعلها
مـؤمل: هـاي اهدئ عركة ببينه سولفيلها الاقوى.
ريـل: اقوى وحدة جفصت كومة كومة و تزاعلنه شهر وما داومت وراها رحت تعاركت وياه ليش ما ينطيني راتب وتراضينه.
3
رومـا: ما تشغلني وياك دامك هيـچ كريم.
مـؤمل: اسجلها بأسمـچ هم مو بس اشغلچ.
ريـل: ديله يلـه كافي ورانه روحة جهزي نفسچ.
مـؤمل: وين ماخذتها خيرررر.
ريـل: اليوم عزيمة اخوية وبنت خالتك يردوها بالبيت تعرف يعني الگرايب جايين خاف تصير طاح طيح نشمر رومـا تفازع.
1
-والزهـــرة اذا انطگت احرك عشيرتكم.
2
-لا لتخاف وره العشا تعال اخذها لان من يروحون الكرايب يجون الضباط ربع مهيب عازمهم على عشاااااء فاخرررر.
-مكيفة ريـل شني الفلم؟ تسودتني انتِ بنيتي؟
خلت الفراولة بحلگها تاكل وتباوعله
-لا يعني بلكت نتونسسسس.
-المگابر هم حلوة خوش ونسة بيها اذا تحبين تجربين بلغيني.
9
تحچي وياه تغور بي ضحك وگـام على صوت تلفونة
-ها اجيت؟... يلـه انتظرك.
2
بدلت ومن دا اطلع گـال
-عندي شغل وره ما تفضون بلغيني امرلـچ.
-وين طالع شنو الشغل؟
3
