لزم صدرة وانلمت ملامح وجهه بوجع اتحول من شرار العصبية لسكون الخنگة كح ورفع ايده لرگبتة يشهك النفس ..شگد ما چنت خايفة زادت اضعاف رجعت يمه لزمت چتفة داشوف شبي دفعني وصـاح
-وخرررررر لا تكتم انفاسي لك وخرررر..
1
ما اتحملت بچيت واني اباوع عليَّ ما ادري شسويت بي شلون دفعتة من صدرة هو يتحسس ويضوج اذا اخلي ايدي عليَّ مو نوب ادفعة
-قسـورة شوف اقرالك قـرآن هـا اقرة تسمعني؟
ما جاوبني واني سحبت مي خليت بأيدي اغسل وجهه و ارتل سور من القـرآن بدموعي وهو يشاهك بأنفاسـة لحد ما سكن وسند ظهرة عالحايط مغمض
مـرسىٰ: اقرالك ألـم نشرح بعد هـا؟ اقراها احچي وياي.
مسحت وجهه فتح عيونه بثگل مـال عليَّ وحضني
-وحق عظمة هاي السـورة و حروفها الإلـٰهية وحق صوتـچ اليسكن روحي من ترتليها عقلي وگلبي عمرهن ما عشگن غيـرچ بـس روحـي ميتـة!
26
اريد احچي وياه و ارد عليَّ ماعندي قوة
رفع وجهه خله گصته على گصتي يردد
-روحـي ميتـة يا بعد روحــي.
-قسـورة..
1
-كارمن مو حبيبتي كارمن طفلة بريئة رادت تعيش وتدرس وتتنفس التجئت من جور الدنيا الي بس ما گدرت احميها ضاعت وضيعتني وراها اخذوها من ايدي لعذابي وعذابها.
4
ابتعد مني يتنفس بثگـل ضل يگـح واني امسد على ظهرة لحد ما هدئ وحچه
-افهمچ كلشي بس اصبريلي دست عالاذية حاربت روحي وراجعت دكتـور في سبيل اگدر ازيح الحجر الجاثي على صدري حتى احچيلـچ واذا ما تصبرين أخلي مـؤمل يفهمچ.
-ما اسمـع من غيرك تحچي ما تحچي بكيفك كلشي ما اريد بعد بس صيـر زين بس اتعـالج واخلص من هالحالة.
-اني ما استاهلـچ ما استاهلـچ انتِ نظيفة وما عايزة اذية تسلطت عليـچ وچملتها.
سحب ايده مني داير وجهه
تقربت عليَّ ولزمت أيديه سوه
-يا محـلاها من تسليطـة فد غاليـة عليَّ كون تعرف شگد.
4
صدلي ما مصدگ كلامي يباوع بنص عين
ضحكت وعلى ضحكتي ابتسم
-عرفيني شگد غاليـة هالتسليطة؟
-بگد الكواكب بگد الدنيـااااااا.
-ما مصدگـچ هرمونات ومزاجيات ..
-والله العظيم غالي بس لو تبطل تباوع للنسوان..
رفعني من خصري وسحبني لحضنه فززني من سرعتة لف ايديه على چتافي لحيتة انغرست بخدي تحسست وارتبكت ردت ابتعد ما رضى وضل متشدد عليَّ
-يـونس يبالغ وعلي يبالغ.
4
-لا تحچي على يـونس ابددددددد.
رفع ايده لشعري ينزل بي ضل هيـچ خلاني انعس واتوتر بالزايد من وره سوالفه يقشمرني بيهن ويضحك على عقلي
-ما اچذب عليـچ شفت نسوان هواي بس انتِ اول حب حقيقي بحياتي كلها.
ابتسمت ارمش بعيوني
اخذ ايدي خلاها على گلبة اتحسس نبضة
-ينبضلـچ عشك الف بالدقيقة.
10
-صدك؟
-اي وعيونـچ الضليت ادورلها شبه حتى اروي عيوني بيها.
1
-ليــش تدورلها شبه شحچينه احنه؟
-غير انتِ حارمتني.
-بعد ما احرمك بس صير عاقل.
صفن عليَّ وضحك يتمايزني بنظراتة وعيونه الشهل
طبع بوسة على خدي يتغزل بسماري
دوخني لحد ما خليت راسي على چتفـة
-مـرسىٰ عسليتي السمرة شتگولين يـونس يبالغ؟
-اي.
-تحبيني؟
-اي
8
-هسه تفاهمنه وصار وكت تحچيلي شسوت مرت ابوي؟
-اي
25
جفلت من بده يستجوبني وصحيت هذا شسوه بيه
خلاني بهاي السالفة اردد بكلامة استخفيت وضليت اي واي
مـرسىٰ: شبيييييك ما سوت شي نعست اني اريد انام.
1
ردت اگوم ما خلاني چتفني وگـال
-بـروح اخوچ وهاي اول مرة احلفچ بروحة لا ترديني واحچيلي كلشي لا تضمين عليَّ اكره هالصفة.
1
-اخاف عليك اني.
حچيتها وصرت احرك ايدي بلحيته اقنعة
-لتخافيـن ما عليَّ شي.
-خاف تحقد على اخوك وهو خطية معليه مو ذنبة.
-مهيب؟
هزيت راسي بأي استغفر و رجع يحاول يخليني احچي
قفل عليَّ وما خلالي منفذ الا احچيله الصـار
اختصرت بكل مابيه وقللت هواي من الموقف بس ما گدرت اسيطر على عصبيتة ابد اول ما نهيت كلامي طفر من يمي وطلع ما گدرت اوگفة ولا لحگت حتى ابدل سحبت رداء وشال و ركضت وراه البيت مخبوص ملتهين يجهزون لجية ربع مهيب وفزن البنات من شافني
-قسـورة وين؟
طيبــة: شنو وين مو يمـچ بالغرفة؟
-ولــچ حصرني ماگدرت حچيتله كلشي صار بذاك اليوم وبس سمع تعصب وطلعععع ما شفتوااا؟؟؟؟
13
آيـات يمها تهدي بيه و ريـل ساكتة بس رومـا ماكو
-مهيب و رومـا وين؟
ريـل: ما ادري رومـا يمكن فوك ومهيب طلع لمـؤمل اجاه يحچي وياه...
گبل لا تكمل كلامها اجه صوت صياحهم من بره عفنة كلشي وركضنة ليمهم ليغاد واكفين يم الباب مهيب و مـؤمل سحبوا قسـورة من بره لجوه و اكو رجـال وياهم متچتف و واگف وره الباب سادة ويراقبهم بهدوء ما انتبهت عليَّ كلش
ريـل: هذا حسيـن يعني هو الچـان طالع وياه مـؤمل؟
ما وصلنه يمهم خفنه تگب العيطة اكثر وما يرضون
سكتن و وضح صوتهم يتهجم على مهيب بعصبية ما شايف بعينه شي بس يحچي ويغلط روحة محترگة.. اباوع عليهم لازمة حافة الباب وارجف
قسـورة: ليشششششش تضم عليَّ فهمني ليششش احرگة واشعل اهله لصَمــد اليتجرئ يوصل لعرضي واحرگك وياه انت مرافگةةةة انت السبب انت الك ايد مو بس امك
صد على مـؤمل
-انتَ هـم تعرف وساكت احچي ولكم لا تسكتووووون خبلتوني انعل ابو خوتكم.
September 1, 2026 158
