"رومـا"
شغلت روحي وعقلي طول هاي الفترة بمهيب و آيــات وعلى گد ما انصدمت و فرحت شلت هم وما استوعبت الفكـرة استصعبتها وما گدرت اواجهه... آيـات بنت خالـة نـوران و مهيب من الاساس ما اتوقع ولا واحد بالميـة نسى نـوران!
14
ضلت الافكار تتراوح ببالي هي تدري لو لا وليش خطى هيـچ خطوة عاف الكُل واختـار آيـات بالذات؟ خفت اواجهه و اسئلها لا تطلع متدري تالي تصير مشاكل و يحقد عليَّ من خلالها مثل كل مـرة موقفي يصير يشبه الانسان الحـاشر مــوس بنص بلعومة لا هو يگدر يطلعه ولا يگدر يخلي
مخلية راسي عالمخدة وغرگانة بأفكاري صحاني منهن اتصـال باوعت عالشاشة وعرفتـة هـو! اوووووه شذكرك بيه صار هواي ما حاچي وياي من آخر اتصال ضنيتهم نسوني حتى مُسلـم صورة وحدة مشايفتله وصوت مسامعتله
2
ما جاوبته مرتين بالثالثة فتحت خط اجاني صوتة
-تعبانة ومالي حيلك تدري؟
-حـيلي فدة لحيلـچ.
21
عصرت عيوني حيل مستشعرة نبرة الحنية بصوتة ومقهورة گلبي يگلي صدك حنين عليَّ هيـچ وعقلي يگلي چذاب لابد اكو شي يخدم مصلحتة
4
حسيـن: يمتـه خـوانچ يرضون؟
-ما يرضون مهيب ينطيني لچلب وما ينطي الك.
40
-لا حول ولا قوة الا بالله العلي العظيم هذا لسانچ الفالت شلووووون بي؟
10
حچاها متعصب ولا اهتميت ولا درت بال رجع گـال
-خله مهيب خله معاند احول عالاثنين.
2
-مـؤمل وقسـورة ما يجبروني.
-الأفهمة انتِ رافضة؟
تنهدت بدون كلام ما حچه سمعت طگة جداحة وحسرتة واضحة
سكتنة سوه وكسر هالسكوت هـو من گـال
-ليش خـالي شني العيب المخليچ ما ترضين توالفينه؟
4
-انتَ لغز عجزت الگاله حَـل.
-انتِ أميـرة و حَـل الالغاز لعبتـچ.
-لا للأسف كمية علامات الاستفهام الصايرة بعقلي من وراك ما تنعد
-شلـون ارضيـچ علميني.
6
-لا ترضيني ما نتراهم احنة ضديـن كل واحد من صوب والصـار گبل يمنع طريقنة اكثر من كلشي.
-نهاية الضدين جمـع.
3
ضحكت وهو هم ضحك
-اضحكي انعل ابو الهَم اليهمچ وياذيـچ.
-ليـش دتحاول تخطبني ومُصمم هلگد؟
3
-وليـدچ يمنه شني ما تردي؟
-مُسلـم ابني أساس حياتي ونقطة قوتي لا تستضعفني بي.
حچيتها ببرود عكس النار المشتعلة بروحي
استغرب نبرتي
-صايرة بهذا البرود؟
-اي بارددة ومأمنة عليَّ اعرف عمامة يحبوا وما تصيبه اذية يمهم.
-كفيلـچ اخو زينب احلل دموم وازين شوارب اذا ينجـاس طارفه.
-مأمنة بعبــاس أكثر منك اعرفة خوش رجـال.
1
-اي يبوي ليش لا يصير خير بعدين...
يحچي واني متونسة لأن استفزيتة آخر شي گبل لا أسدة حچيت بهدوء
-راح احظر رقمك دير بالك تروح لأخواني تخطبني منهم بعد ترى اخيبك لأن ما اريـدك.
-انه اريـدچ تاليتي احصلچ ما تصيرين لغيري.
33
غلقتة وحظرتة من كل البرامج كافي ماكو فايدة من الكلام ماكو مبتسمة وداخلي يغلي رفعت ايدي لوجهي ما اعرف ليش وشوكت نزلت دموعي صارت صورة مُسلـم گبالي تحسرت بروح محترگة ..نسيتني ماما؟ صرت ما تكتفي بوجودي ما تريدني وحدي ويجوز منا لبعد فترة انمحي من بالك وما تريدني بعد
صار صوت بالباب البرة فزيت وكمت مديت راسي للصالة مـؤمل ذاب روحة عالقنفة وغافي ..رحت للشباك دا اشوف منو اجه خاف واحد من ولد عمة تفاجئت من دخلت ريـل عفست وجهي وتململت رغم مقهورة بس شنو بأيدي عليها وهي ما تحچي! كل ما اصفن كلامها يرجع لبالي واعجز اربط وافكر شنو صايرلها ومعذبها امي جزء من عذابها وتعنيفها لو اكو غير طرف
وگفت گبالي بأيدها وردات اثنين قدمتلي وحدة وگالت
-هاچ هاي وردة اني اسفة غثيتـچ ودفعتچ.
11
ما طلعت مني ردة فعل ولا حتى اخذتها منها تقربت باستني ولفتني بحضنها تفاجئت وانصدمت بموقفها ما توقعتها منها بس بادلتها الحضن وصدگ چنت محتاجة هيچ حنية ابتسمت بستها من خدها
رومـا: احبچ هواي رورو.
ريـل: اني هم احبكم وچذب چذب كلامي يطلع بعصبية ما اسيطر على روحي احبچ اني صح اذيتـچ بمواقف بس كلها لمصلحتچ.
10
نزلت دموعي ابتعدت تمسح بوجهي وتعتذر مني اول مرة اشوف منها هيـچ حنيـة ضليت مخليه راسي بحضنها
-ريـل حبابة اريد اعرف شبيـچ؟
ابتعدت تسحب بردانها
-بعدين بعدين مو هسـه مابيه حيل احچي شي انتهى وراح.
-مـؤمل تعبااااان تدرين لو لا من آخر موقف حسيتة انكسر صرحتي كرهـچ اله گدام الكل.
گعدت ضايجة
-صح ثاني يوم اتفاهم ويا مهيب وقسـورة ورجعني للشركة بس ما يباوع بوجهي ولا ينطق وياي كلمة المكان الاتواجد بي يطلع منه اني عليمن مداومة؟
2
-اني ببدالة اتفل بوجهچ مو اباوعله.
7
چـانت متأثرة تحچي ومقهورة بس سمعتني ضحكت
هزيت ايدي وهي تتلفت تدوره
-شجابـچ لو دره مهيب شيخلصنه.
-دگيتله ناعم گتله اروح اراضي رومـا و اجيبها علمود العزيمة خله ابو مريم يوصلني ميدري مـؤمل بالبيت.
-منـو گـال هو بالبيت؟
رفعت الها حاجبي متسائلة ما جاوبت صافنة تباوع عالوردات
-شلون تگدرين تدخلين للبيت گبل؟
-عندي المفاتيـح مسلمني نسخة.
-بس المفاتيـح مسلمچ مـؤمل متأكدة؟
1
-هـو وينه ليش اليوم ما مداوم؟
2September 1, 2026 48
