مُسلـم: خالو مـؤمل يجيني ويطلعني وحتى مرة اخذني للحديقة اني و يـونس ضلينه نلعب سوه.
8
-يا مـؤمل يا خاييييين.
خزرني قسـورة وهو يضحك لأن عليت صوتي
سحبت التلفون منهم ضليت احچي وياه ما يقبل
مُسلـم: بعد ما احبكم احب عمو رئيـس.
رومـا: يعني اروح هاهيه بعد ما اتصل عليك؟
-لا لتروحين ضلي يمي بس ما احبچ الا تراضيني وتبوسيني.
-اي هسه اخليهم يجيبوك يمي ونرجع مثل قبل.
-بس أبويـة ويانه
-لا أبوك ببيتة شلنـه بي خوالك يمنه ويحبوك كومة.
-احبهم بس اريد ابوية هو يشيلني هواي وانام بصفة.
-ميصير لو اني لو هو اختارر.
-اريدكم ثنينكم.
غطة وجهه يبچي واني انهضمت وياه
11
سحب قسـورة التلفون مني راح يحچي وياه نوب رجعة لحسيـن و اجه كعد يمي
-كافي رومـا اقتنعي بالواقع و ديري بالچ تفكرين بوسيلة ربط بحسيـن مثل ما مهيب رافض اني ومـؤمل رافضين.
ريـل: اريد افتهم ليش لهاي الدرجة رافضين زواجها من حسيـن ترى مبين خوش رجال.
قسـورة: والنعم منه ما ذميناه بس رافضين لأن هالسالفة مترهم الزواج من يصير لأجل غاية يخرب.
طيبــة: بس غايتهم مو عاطلة ولا سيئة بالعكس يعيشون سوة لخاطر مُسلـم ويصير عدهم هدف قوي حتى ينجح هالزواج.
يحجوون ويخططون واني ساكتة عقلي بغير وادي
صد عليَّ ضايج
-لا تفكرين شيليها من بالـچ.
-اني ما اريد حسيـن بس اريد مُسلـم شفته شلون يحاجيني؟
-كتلـچ اقتنعي انتِ مو اول وحدة ربت طفل و رجع لأهلـه.
-يعني شنو ينساني؟
-المفروض تبعدين حتى تنسي وينسـاچ هاي مو حالة.
8
سكتت ما جاوبت لو احچي منا لسنين ميفيد ولا اگدر اوصف الشعور الديصير بداخلي شنو ..رجعني للبيت روحي طالعة مالي خلك اواجه بشر انعزلت وحدي يومين و حتى مـؤمل التهه بشغلة المتراكم عليَّ هاي الايام ما شفتة الا مرات احس على حركتة بالبيت يجي يحاجيني ومن يشوفني ساكتـة يطلع
4
"آيـــات"
ايامي بالشقة بعد مهيب خنگتني اتصل عليَّ ما يجاوب وهو وعدني يجي ياخذني لبيتي و يساعدني ارتبة بس اختفى وآخر شي صار يطلعلي مغلق! وصلت لمرحلة حتى لحارس العمارة نزلت اسأل عنه ما رضى ينطيني معلومات بس اتصل عليَّ اكثر من مرة وما يجاوب .. مابقيت حچاية بگلبي ما حچيتها عليَّ ميتة قهر
17
فقدت الأمل وأيست من وجودة ضنيته مل من مسؤوليتي وسوه هيـچ حتى من كيفي اطلع بقيت اوهس هيچ واتعوذ من الشيطان واصبر بروحي لحد ما اتصلت حجية فتنـة وگـالت بدون سلام
-ولـچ يمه آيــات الحگي هذا ابوچ المخبل يريد يهدم البيت والدكـان ويبيعة بس گـاع عبالة انتِ شاردة گتله مريضة وبالمستشفى ما يصدگ.
سديتة منها وجريت عباتي روحي مفرفحة كلشي ولا يروح البيت وين اعيش بعدين طلعت وصافنة على ايدي بس تلفوني ماعندي فلـوس غير الخمسة وعشرين السويتها على شكل سفينة ومهيب گـال هاي تضل ذكرى عندي وعندة استحيفت اصرفها وحرت غمضت عيني ونزلت وگفني الحـارس
-وين يابة موصيـني عليـچ ما تطلعين.
-عمو لازم اروح لبيتي تگدر تبلغ مهيب بلكت يجاوبك هسه.
اتصل گدامي ونفس الحال مغلق
يأست منه وغلطت عليَّ بداخلي وضجت هم لأن املني بي و طفر ..الحارس يقنع بيه ابقى بس ما قبلت من شاف ايدي فارغة وافرك بيها گـال
-عاد خلي انطيـچ فلوس بنتي مبينة ماعندچ
دمعت عيني من مرارة الشعور الداهمني وخلاني ادنگ راسي
شسويت بيه يابة ذليتني ذل وخليت حتى الغربة تتصدق عليَّ
رفضت ومشيت ما ارضى قررت اتصرف بفلوس حظرة جناب مهيب ولا اريد ذكرى من شكوله التعبانة..
6
لحگني الحارس يحچي وياي ويقنع بيه جايبلي تكسي رفضت بس من بعد اصرارة اخر شي استسلمت صعدت نطيته العنوان وطول الطريق اني افكر شراح يصير و وين راح تصفى بيه الدنيا نزلني بداية المنطقة تمشيت لاگيت ابوية واگف
اول ما شافني حتى بدون سلام ضربني راشدي وسحلني ليجوة يدفر بيه.. انتهيت وانگضيت من قوة ضرباتة حتى گصتي انشگت لا فاد توسل لا فاد حچي
سردار: ويييييين چنتي بيا مزبلة لافيـة ويا يا رجـاااال؟
-چنتتت مريضة شوف اثر الخياط البرجلي هجموا عليَّ وكسروا الاثاث والدكان گلبولي البيت خرابة لان اراكض على ابنك وعلى عيشتي وعلى الفلوس التريدهن وانتَ ما مهتم يابةةةة انتَ مخليني بوجه المدفع.
-تمسكني وطمي عـارچ شتكولين غير هالحچي وشعندچ غير التمسكن.
-والله هاي عاد بقت يمك تصدك ما تصدك موزين عايشة وانتَ تدور مني فلوس.
-شمستفاددددد منـچ تزوجت امـچ وخلفتكم نزل الفگر عليَّ كلشي ما استفاديت منكم.
2
-شعندي وانطيك فهمني هو الابو الينطي لبنتة ويداريها لو العكس؟!!!!!
-اشششششش لا اگطعلچ صوتـچ ما تضلين هنا بعد ترحين لعمامـچ تجيبيلي فلووس.
-ما اروحلهممممم ما اعيششش بالحرام لو امووووت.
رجع يضرب بيه ويصيح واني اصيح لحد ما انتهيت وتمددت لا اگدر احرك ايد ولا رجل بس عين مفتوحة تراقبة يتصل ما اعرف شگد مر وكت اني بالگاع خدي انحك بيها تمنيت نظرة عطف منه تمنيت يگول هاي بنتي ما اسويها بس صارت دخلوا زلم شالوني شيل لسيارة..
1
3August 31, 2026 259 2
