-عفية عفية بالسباعية شبقى؟
ابتسمت بوجهه خزرني چن عرف شعندي
رومـا: حچيت ويا حسيـن وچذبت عليَّ.
4
-شوكت و ليش؟
-هيـچ صدفة شفته بالمستشفى وسئلني على عيشة مُسلـم شلون چانت يمنـه وذكر اسم فــارس مادري منين جايته معلومات انُ متسجل بأسمة وهيـچ....
گعدت اشرحلة بالتفصيل شنو حچه وشنو گتلـه
5
-افرضي راحلها؟
-اي خلي يروح اتفقت وياها.
-نسـوان نسـوان.. انتِ ليش ما تردي يعرف؟ خلي نبلغه وياكل تبن ما اله حق يحچي ويتنفس لان الوضع چـان خايس وهيـچ يلـه سيطرنه.
-لا اني مو خوف منه بس خايفة لا يسوي مشاكل لعمو مثنى وهنا عيب اجازي هالجزاء وخايفة بعد ما يعرف انحرم للأبد من شوفة مُسلـم ويمحي أثرة علينه عالأقل هسه بي أمل اشوفه بيوم.
تجادل وياي شويه وراها سكت ما اله حيل
-مشتاق ليـونس؟
2
-ما مفرفح على شي بگد فرفحة روحــي عليَّ اتمنى اخلي بحضني واشمه واسمع صوتـة حبيب ابو.
-تعلم الصلاة و صار كل ما يصلي يدعيلك بصوت عالي يگول يا ربي اني احب ابوية خلي يجي بسرعة، طيبــة مصورتة.
5
ضحك وعيونه مدمعة
-احبـة رومـا احبة بعد ابوي هو ونيسي وابني واخوي و صاحبي وشريك وحشتي من سنين.
4
-هو هم يحبك تخيل مخلي صورتك بدفتر الرسم ويحاول يتعلم يرسمك.
دار وجهه مني مقهور واختنك حِسـه
-ظلمتـه عيشتة بدون أم شلون اعوضه عن مكانتها وحاجتة الهـا.
-مو بعيدة رب العالمين يعوضك انسانة تصيرلك بلسم لجروحك و أُم ليـونس.
6
-ما اريد.
-مو بكييييفك خووووش بالطيب بالغصب تتزوج.
صد عليَّ يضحك
-گولي غيرها يمعودة.
-لا ما اگـول غيرها الا ازوجك بس اصبرلي..
-امشي بنتي امشي روحي لخواتـچ و ارجعن للبيت.
گمت من يمه شمرتله بوسة بالهوى دار وجهه طلعت فتحت الجنطة شفت صورة طيبــة الچانت عند عبــاس صارت بعيني واجه ببالي اشوفه موجود استفسرت على غرفتـة دلوني عليها رحت وكل اللي بعقلي اقشمره اكله عرفت بالصورة اگول لمهيب لو ترجعولي مُسلـم! وصلت لگيتها مردودة عالنص ومحد موجود بس هو متمدد عالسدية وصافن بالسگف مخلي ايده على صدرة
9
وحسيـن گاعد عالكرسي گبالـه يحچي بالتلفون
-رضـوة انه بلغتـچ هالأسبوع تردين لا تخليني احرم عتبة ايران عليـچ صارلچ دهر هنـاك... اي چـا ردي هذاهو اشتاگينالـچ.... صار يلـه مودعة بالله.
6
ويا ما نهى حچايته دگيت الباب ودخلت انصدم بس شافني
عبــاس ما حس عليَّ اصلاً تقربت وگفت يم السدية گبالـه
-الحمدلله على سلامتك.
حسيـن: شجابـچ بوية؟
-اجيت اتحمدله بالسلامة و اروح شبي شو حالتة غريبة؟
مشاله للجهة الثانية گعد گبالـه يمسح على شعرة
-يگول مضيع شي غالي كل ضنه ما يتعوض.
حچه بصوت مبحوح وعدل راسـة
عبــاس: ما يتعوض خوية چا مرافگني سنين راح هيـچ بالهيمة كل ما افكر ينداس لو يلگاه غيري اشيط.
3
حسيـن: عوفك منه هسـه ليش صوتك مبحوح خل اجيبلك العلاج واجي.
ديطلع باوع عليَّ اشرلي
-انتظرك هنا جيب العلاج وتعال لتخاف عليَّ بأمانتي.
1
ابتسم يباوعلي بنظرات ما اعرف اوصفها وطلع
گعدت گبال عبــاس گالب خلقتة فدنوب
مديت ايدي وبيها الصورة لازمتها من الطرف
-افتـح ايدك عندي الك حرز
1
-شني
عگد حاجبة مستغرب
-افتح ايدك امنوني اوصلك شي مادام حسيـن طلع خلي انطيها الك ولو هيَّ تخصنه...
فتح ايده خليت الصورة بيها
رفعها لعيونة يباوعلها مصدوم وراها ضحك لحد ما دمعت عينـة
خلاها على صدرة و اندار الي مبتسم ملامحة استبشرت
-اهجس چن رديتي گليبي ممنونـچ انه لچن شجابها عندچ؟
13
-واحد من ربعك شايفك وگعتها من تصوبت وجابها من شافني بالمستشفى بيوم الجابوكم عباله اني قريبتك ونطاني هالأمانة اوصلها الك.
دار وجهه يغير الموضوع
- مشتاگ لهوبي طاگني الشوگ الخبيث ليش ما اجاني ما يدري بيه؟
2
-خلي حسيـن يبلغك هوبي وين الظاهر ما تعرف، بعدين تعال اكلك اللازم صورتها ومخليها على گلبك هاي اختي و اخت هوبي خاف ناسي.
عگدت حاجبي وهو يضحك مترهي
-انه حبيتها بگلبي وقفلته عليها لا ماشيتها بدرب ولا خنت الخوة البينه.
-من شوكت تحبها؟
-من اول موقف بنيت حياتي لأجلـه من يوم تخرجها!
-حييييل صارلك شگد..
-اي الثولة ما حست
-لا تحچي عليهاااا بعدين ترى طيبــة صعبة بلگوة تحب شجابك عليها.
2
-ميخالف خلها تحرگني بس كونها تحبني وتصير الي.
-شنو رأيك اگـول لمهيب؟
8
صد عليَّ مصدوم نوب گـال
-شمالني ما اصلح نسيبـچ؟
ابتسمت سحبت المي اشرب واباوعله بمكر
-انتَ خوش رجال من البداية عرفتك بس هاي الفكرة مال تصير نسيبي صعبة شوية
-اي صح نسيت انتِ مهندسة وشخصية مرموقة تدورين نسابة شخصيات مثلـچ.
4
-شعليك بيه فكر شلون تحصل موافقة مهيب والثاني شيقنع طيبــة لأن كارهة الزواج من الاصل
-انتِ موجودة چا شني شغلچ ساعديني خلها تحبني.
2
-وشستفاد منكم اخذتوا مُسلـم مني وحرگتوا گلبي عبالك نسيت فوكاها لحد الآن اخوك يتهدد ويتوعد.
-عمي انه اسكتة و ارد مُسلـم لحظنـچ شتردين بعد
1
-اي اي صدگت بيك
-والعباس اردة لحظنـچ من تخليني نسيبـچ واخليـچ مرت اخوي عايل وياچ بشي؟
33
3
1August 31, 2026 84
