شويه وسمعت رنـة تلفون يمهم وصوته حچه
سامي: تاج راسي سيدي أمرني ... ما بيها كلافة تدلل عليَّ ابو يـونس ... هاهيه اعتبرة تم اصگرة الك الليلة واجيبلك تاريخة ... تأمر تأمر رايحله .. حبيبي سيدي لا تنساني گلت تسعى بسالفتي ما اريد اخسر الترقية... اعتبرة تم الله وياك.
4
-منـو هذا ؟
-ولك ما مصدگ ابو الهيبة اتصل عليَّ انطاني امر لازم انفذة على اكمل وجه هالمرة وابينلـه اني كفوء واستاهل الرتبة حتى اذا اقتنع بيه يتوسطلي وتعدي على خير.
2
-سيادة الضابط ميتحچه شلون اتنازل واتصل عجيب!
-صارلي اسبوع ادگلـه ناعم والظاهر فاد بي.
-هسه شنو هالبنيـة شنسوي؟
-شنو هالـ**** امشي امشي خلي انفذ الگاله وهاي بعدين نرجع الها ما اعوفها الا اكسرها واجربها.
-گبل لا نروح خلينـه نترك اثر شتكول ؟
وره اخر كلمة ابتعدوا بعد ما سمعت شي غير ضحكتهم سوه و اصوات اشياء تتكسر انهضمت هضم هو اني شعندي حتى يكسرون بغراضي
1
ربـع ساعة مرت وراها ساد الهدوء
من امنت ماكو صوت گمت حتى اطلع
فتحت الباب وحاولت بس رجلي دمرتني من وجعها
ما اگدر امشي عليها ونزيف الدم بعده
سحلت نفسي شويه لبره وشفت نابته بيها قطعة كزاز
سحبتها روحي شاغت وزاد الوجع لفيتها بعباتي و رجعت راسي ليوره اضرب بي الحايط ما متحملة الوجع
سمعت صوت سيارة وراها خطوات تقربت مني
رن تلفوني مهيب عرفتـه هذا هـو
صحت بصوت ضعيف روحي رايحة
-مهيب اني هنـا تعال.
ما اتوقع سمعني
مرت دقايق ولمض بوجهي ضوه فاتحة بتلفونه
صار گبالي يتفقدني بعيونـه
-شصاير بحالچ؟
7
-عفيه رجلي رجلي شوفلي حل توجعني حيل.
بجيت مهضومة ومتوجعة لحد ما غوشت عيني
تقرب يشوفها فتح العباية وگال
-متملخة و مفتوحة!
-فاتت بيها گزازة وسحبتها.
-عاشت ايدچ.
لفني بالعبايـة وسحبني ديگومني صحت متوجعة
لف ايده على ظهري و رفعني من الكـاع جفلت ودفعته
-شبيك تخبلت انتَ نزلني.
3
هدني وگعت بالگـاع وصحت من الوجع
رد شالني وگـال
مهيب: شسوي برأيچ دامـچ ما تگدرين تمشين ارضي بالموجود.
آيـات: حـرام تشيلني ما تعرف الحرام انتَ ؟
3
-الضرورات تبيـح المحظورات.
39
سكتت من فتح السيارة خلاني بيها ولف حتى يصعد
رجعت راسي عالكشن تعبانة ومالي خلك
حچه هواي بس ما سمعت بديت ادوخ واغفي
لحد ما وكفت وانفتـح باب السيارة من جهتي
-مهيب رجلي.
-هانت هانت لگيتلـچ مضمد هسه يخيطها وتفض.
4
باوعتله استوعب كلامه
آيـات: شيخيط ؟
مهيب: رجلـچ غير.
1
-لا لا اخاف خلي يلزگها وتطيب.
5
-ميوجـع لتخافين بس بالبداية بعدين متحسين.
ضليت احچي وياه رافضة ما اريد خياط وهو عافني وراح دخل شويه واجه محتـار
-ماكو مستشفى قريبة وبس هالمضمد بهالليل موجود.
-ماريد شبيك انت رجعني.
-اششش الرجال فتح لان عرف حالتـچ مستعجلة.
سكتت اسمعله وين يريد يوصـل
فزيت من تقرب وگـال
-مخلص المخدر تگدرين تتحملين شويـه ؟
آيـات: انتَ يهودي شنو انتتتتَ فهمنييي داگول معليك ما اخيطها ولا اريد بس خلي يلفها ويعقمها ها اها.
3
باوعت عليها رجلي عبارة عن دم ما تبين
هز راسـه بأيجاب وسحبني شايلني
نسيت نفسي بسبب الخوف لزمته من چتفه حيل وحچيت متوسلـة
-مهيب حباب بس يعقمها.
-اي ميخالف.
دخلني لغرفة نومني على سدية وبقى واگف يم راسي
يتناقش ويا رجال خلى عليها معقم وصار ينضفها شطت
بعدين صدمني من گـال
-هسه لازم نخيطهـا.
سحبتها حيل وصحت
-لا لا لتخيطها بس لفها بشاش مهيب احچي.
صديتله استنجد بي ومن نظراتـة عرفت نيتـه شنو
دفعتة دا اگوم تقرب منعني من چتفني بإيده خزرني وگـال
-توكـل دكتور.
9
راحت روحي ادفعه ثبتني قوي وهمس يم اذني
-اثبتي يخيطها وتفض لا تتحركين حتى ما تتأذين اكثر.
-ثبتـوك بلحدك كون لك عوفني صوجي وثقت بيك.
19
روحي راحت واني اسمع المضمد مدري شيسوي يطگطگ بالغراض
مهيب ضاغط على ايدي حيـل وراسي بصدرة
عطرة مله ريتي لدرجة خنگني لأن انفاسي كلها منه
مـاكو الا دقايق مرت وبلش المضمد يخيط برجلي
عشت وجع طول عمري معايشته ومحاسه بي
سبيت الدنيا بالصراخ وهو بلگـوه مسيطر عليه
لحد ما كمل روحي طلعت
5
رجع راسي عالسدية يمسح العرك من وجهي ويردد
-هانت هانت سباعيـة عديتيها.
16
همست بصوت ضعيف
-ما اسامحك على هالأذيـة كرهتك.
12
-هـذا علاج مو اذية.
-اذاني هالعلاج ماريده بعد ماريده.
- يا ريت لو الگى لعِلتـي علاج واتحمله شگد ما يأذيني بس كون تاليـه اطيـب!!!
40
سكتت ما جاوبته غمضت عيني ماعندي حيل
اسمعه يحچي ويا المضمد يوصفله العلاج ويوصي على التعقيم و تبديل الضمـاد
وره ما كمل حسيت بإيده على وجهي
يمسـح بدموعي ويعدل العباية يضم شعري
مهيب: هـي العيون البارعـة هم تبچي؟
6
-وحد لعد مو بشـر؟
-بشـر بس شلون بشـر مخلوق من طين و ذهب!
30
فتحت عيـوني وصديتلـه خزرتة
بس انطيتـه مجال شويه تمادة
-احترم روحك احسن لا عبالك مخيطة وماگدر اسكتك هسه بأقرب شي عندي الطخك.
ضحك وهز ايده عابت اي والله عابت
آيـات: كافي لا تضحك تماديت گوه تريدني احچي واني كرهتك حيل كرهتك.
7
3
1
1August 28, 2026 474
