قسـورة يسحب بيه يسكتني ويوصي بي
صديتله خازرته وهو رفع عيونـه التلمـع وحمرة بشرايينها وعصبيته
حسيـن: لا تخافين صار اغلى من روحي عليَّ.
رومـا: صدگني اذا فديوم صابـه الاذى ما تسلم من ايدي والله لخاطرة اسوي الما يتوقعه عقلك ادمركم دمـار اذا عرفت انخدش خدش صغير.
عافني وطلع بدون جواب
وهـاي راح مُسلـم وانتهت حربـچ رومـا
47
راد قسـورة يدخلني ما قبلت رفضت ضليت گاعدة وهو عافني ودخل
ضلت عيني بعين ريـل الواكفة گبالي مُتفرجة
خربت خطتـچ راح مُسلـم وبقيت اني!
ركزت بيها اريد اشوفها متأثرة مقهورة ؟
بس ما شفت شي يشفع الهـا لا هي ولا مهيب الگاعد گبالي يتوعد الهم ويفشر بس باوعت عليـه اجه رفعني وضربني راشدي خلـه حلگي يذب دم
41
-عبالـچ مصدك ما تدرين ؟ تلعبين علينه وتبيعيني لاجل طفل؟ الا اطلعها لروحـچ اصبريلي استهترتي هواي.
4
رد ضربني حيل بعدت عنه روحي تلوب سحبته مني وگالت
ريـل: ما خلييييته ياخذها ليش تضربها وتوگعلها دك چان احتواها واحتوه ابنها شلووون راح تعيش هنااا المن بقيييتها.
مهيب: تخبلتييييي انتِ تخبلتييييي احفرلها گبر بالنجف وما تعتب عتبتهم.
7
رجع رفعني من ملابسي يحاسبني ويستفسر مني ويكفخ
ريـل وطيبــة بنصنه فاصلات وحدة تصيح وحدة تسحب بي
سديت اذاني حيل من صياحة العالي
رومـا: حقها نـوران ما حبتك والله حقها عرفتك ظالم وبسرعـة تبيع.
25
فقد وحـار شسوه بس عادي مدا احس بشي وجع روحي وگلبي يفوق وجع جسمي بأضعاف بعدته طيبــة بصياحها سحبها مني دخلها جوه يصيح
-فسريلي كلامـچ شنو نـوران حاجيتلـچ؟
طيبــة: اي من زمان گلتلي تحب واحد اسمة حسـن المُجتبى يتردد الها للدوام وبينهم حب چبير هذا سرها الحلفتني احفظـة حتى بعد موتها تريدني اجي اكولـه الك!
ضربها هي هم و ريـل بعدته عنها
ومن الهـوسة الصارت واضح قسـورة اجته النوبـة بس مـرسىٰ يمه متعوفة هسه تهدئـه لميت حيلي وكمت سندت روحي عالحايط كل ما امسح بوجهي الگى دم
4
صاروا ريـل ومهيب گبالي همست بصوت ضعيف
رومـا: من اليـوم ماعندي اخوان غير مـؤمل و قسـورة و طيبــة لا اعترف مهيب أخوية ولا اعترف ريـل اختي.
28
مريت من يمه گاعد يضغط على راسـة
وگفت عيوني عليَّ والغصة ببلعومي
رومـا: الليلة ليلة الجمعة كون روح شـاه الصقـر تطوفنه وتشوف الايد الوصاها تسندنه شلون هي الكسرتنـه وضيعتنـة.
59
جمد من سمعني شحچيت وابتعد ايده ترجف
عفتـه ودخلت قافلة الغرفة
صرخت وبچيت ولطمت طلعت كلشي بروحي
ردت ابويـة احتاجيت ابويـة
تالي سكنت دفنت وجهي بالفراش وما حسيت بعد
35
"آيــات"
حاشرة روحي يم الباب اسمع لتوعد سامي
هذا هو وهاي نبرة صوته التلعب روحي وتقرفني
وين اروح وين اضم روحي منـه هسـه
الباب بدفعتين منـه يتفلش ويدخل واني وحدي هنا
احس الدنيا ضاكت بيه ضليت افتر حول نفسي
تالي اخذت العباية لفيت بيها روحي وسحبت التلفون وركضت لوره البيت هنـاك اكو مخزن قديم ومهجور ما داخلـة عليه ابد وضيك هم بس ما يبين بابه صغير من استعجالي ركضت تجاهه حافيـة ومادري شنبت برجلي دست عالـوجع ومشيت لحد ما وصلت حشكت روحي وره الباب وقفلته من الداخل
1
لزمت التلفون بإيد ترجف احس القوة البداخلي انهدمت بساعتها طلعت رقم مهيب واتصلت بالرنـة الثانية يلـه جاوب اول ما دا احچي وياه انگطع ماعندي رصيد
19
بچيت بخنگة كاتمة صوتي مقهـورة من هالحال
ثواني واتصل هو كتمت الصوت بسرعة وجاوبتـه بخوف اهمس
-مهيب عفيـة تعال اجه سامي وماعرف وين اروح وحدي بالبيت انتَ مو كلتلي احميچ وما اخيبچ تعـال احميني.
-لا تخافين اعرف و جـايـچ قريب منـچ اهدي واحچيلي وين انتِ خوما سوالـچ شي ؟
56
-لا ما شافني ضامـه روحي بمخزن وره البيت ما مبين.
-يصير خير يابه يصير خير خليـچ وياي.
5
سكتت اسمع صيـاح سامي بدا يتقرب اكثر ويحچي بفشار وغلط مو حلو يطلع منـه
مهيب يسمعـه ويرد عليَّ هم بالغلط صوته بأذني يرج رج
ما همني غلطهم بگد رجلي احسها غرگتني دم و وجعها گـام يدك بگلبي
سامي: لـچ وينچ اطلعي بيا زاغور ضامـة روحچ.
صوت واحد يمـه يگله
-هـاي شبيك يجوز صدك طالعـة وهذا شغلها الاساسي مبين من وضعها امشينه هسه وبعدين نرجعلها.
سامي: الا اكسرها وادوس راسهـا جبتك وياي عون نتوالـه عليهه اصبر و لا تتفرعن.
6
-ما متفرعن بس انطيك احتمال مبينه البنية هذا شغلها متشوفها عايشة وحدها وما تتواجد دائماً بعدين واضحة من قضية اخوها وسوالف ابوها هي شنو!
سامي: يگولون تشتغل بالخبز وتبيع بهالدكان.
-وانتَ صدكت ؟ هاي شغلة ظاهرية تغش بيها العالم منبعها واضح غير شغلها هذاك دفن.
8
اسمع خطواتهم وكلامهم بنبرتهم الحقيرة
اسبهم بالهمس وخايفة منهم هم .. مهيب انگطع الاتصال منه وضل گلبي يلعب خايفة
3
1August 28, 2026 282 2
