اخوانه وقسـورة بيناتهم كلمن يسحب بطرف
لحد ما هدةه وابتعد يردد بصوت حازم
-احرگـة ببيته كلمن يكدر خاطرة واليمسـه بماي امسـه بتيـزاب لا تضن محد بحالـه نلاوي الموت لأجله وندفن كلمن يگربلـه بأذية.
2
نهى كلامـة و رد يأشرله ويعدد بنفس النبرة
حسيـن: بظهرة خمسـة اولهم فحل بأرض النجف مدفون.
7
مهيب: اخذه واطلـع من بيتي.
4
-وياهو الگالك يضل يمك لا انتَ خالة ولا انتَ عمة حتى يصير الك حگ بي
اشر لأخوانه يعوفوه ورد حچه گباله بنبرة استفزاز وتوعد
-خليني ببالك راح نتواجه ونتحاسب على كل سالفة صارت حرف ما اطيحلك.
قسـورة و عبــاس يصيحون ومحد مهتم
عضيد متونس خبيث ويزيد النار بينهم بحچيه
ضليت مركزة على حسيـن وكلامة وشعور بداخلي أرتاح
لان عرفتـه هذا أمـان مُسلـم وسندة
7
صد عليه موجه كلامـة الي متعصب
-عاينتي شلون چان لابد بحظنـچ خايف ..ابن اخوي بعد ما يمر عليَّ الخوف انه صرت بظهرة!
ما جاوبتـة ضليت ساكتة رد حچه بأمر
-من بعد اذنـچ الدم يرد لهلـه صح صعبة عليـچ لچـن اجرعيها مثل ما جارعيها.
2
-هو ابـني.
اجه قسـورة بعد ما صاح بيهم سكتهم كلهم دنك يمي مسح وجهي مقهور عيونه مدمعة ويأشرلي افض هالسالفة لا تكبر واستعجل وافهمة بسرعـة
جابتـة طيبــة يباوعلي مبرطم
ضحكت بوجهه وبستـة اطمنة بروح محروكة و دم يغلي
اباوع عليه احفظ بملامحة منو يخليني بعد اشوفة
راح انحرم منه ، نـوران وينـچ اخذوه من حظني الخليتي بي!
مُسلـم: ماما شبيـچ؟
-مُسلـم ماما حبيبي اني لازم اكلك شي بعد..
باوعت على طيبــة وكملت كلامي
-باوع باتماني اني مريضة هسـه وخالة طيبــة راح تاخذني للدكتور بس هو بعيد كلش وما يقبل الاطفال بعمرك يجون بس الكبـار لهذا انتَ راح تروح ويا عمامك واني من اطيب اجيك.
هز راسه ينفي ولزم بملابسي
مُسلـم: ابقى يمچ اسويلچ كمادات وشوربة مثل من اتمرض وتسويلي.
21
ماتحملت اكثر بچيت وهو ضل يمسح بدموعي
-لا ماما ميصير تبقى يمي هذا الدكتور عندة ابر يأذي الاطفال وهنا هم يجون الاشرار يهجمون عالبيت دائماً ما اگدر ابقيك وحدك اخاف على ابني لازم تصير سبع و رجـال حتى تروح ويا عمامك يحبوك هواي واني بس يجي خالو مـؤمل اجيك.
مُسلـم: انتِ گلتي ما اعوفك ابد.
رومـا: ولا راح اعوفك ابدددد ابددددد.
1
گمت وگفت گبالـة اتنفست ومسحت وجهي اتصنع الضحكة
-بعدين جايبتلك هدية بلي ستيشن التريده مثل التلعب بي ويا خالو قسـورة حتى هناك تاخذه وياك ابوك يشغلة الـك تلعب بي وياه مو؟
حچيت آخر حجاية و باوعت لحسيـن
مبتسم بقهر بس من شاف مُسلـم صدله تقرب منـه يقنعة وياي
-تأمر اشغلـة الك و نصور لأمك ما اخليك تعوفها لحد ما تطيب نجيبها يمنه.
6
ضحك بوجهه استغليت فرحتة بي وضليت دايسة على نفسي ومتحملة اقنع بي
دنگت طيبــة الـه وگالت
-بس تطيب البرنسس نجيك هسه نريدك تخليهم يشوفون وليدنة شلون حلو وشاطر.
عفتها ودخلت للبيت لاگتني مـرسىٰ بدموعها
ما گدرت انطق حرف مختنگة امسح بدموعي واحاول اسحب نفس ما تحملت گعدت منهارة سادة حلگي ابچي بدون صوت لحد ما سمعت صيحتهم انجبرت اسكت وارجع لهيئتي ..
1
غسلت وجهي وسحبت جنطتة لميت باقي غراضة وبقيت الي من ملابسة اشمة بيهن سحبت هديتـة الما تهنيت بيها ردت نلعب سوة ونتغالب بالتحديات مثل قبل .. اجاني يركض لزمته جارعة المُـر احچي وياه وافهمة ميصير يگول چنه مسافرين وميصير يحچيلهم عن فــارس ابد اعرفه يسمع كلامي خاصة من صلتله فكرة بعد ما اگدر اشوفه ولا راح اجي يمه اذا حچاها الهم
2
بقيت حاظنته لحد ما اجه قسـورة سحبه مني
طلع واني سحبت غراضة طلعتهن خليتهن يمهم وضحكت بوجهه
يبچي واسكت بي واضحك ما اگدر اضعف بس گلبي انكسر وروحي بچت دم
اني خسرت وتدمرت ما اريده يتدمر
6
مُسلـم: ماما طيبي بسرعة اريدچ يمي.
رومـا: اني هم اريدك يمي ماما.
صـاح وبچه بصوت عالي حظنتـة ابوسة واسكت بي ما فاد ولا خلوه يمي بعد سحبة حسيـن منـي سحب روحي وعمري نطاه لعبــاس اخذه وهو يبچي طلع بعده عضيـد سحب غراضة ولحگـه
14
حسيـن: لا تضنين تنحرمين منـه تعايني ويعاينـچ واجيبه الچ لا هو ينسـاچ ولا انتِ تنسي انه ما احرم ام من ابنها لچـن هذا اللازم يصير من الاول مردة النـه.
ضحكت بوجهه مستهزئة
-رحـم الله والديـك ابو عـلي متقصر.
سحبني قسـورة تلوعت من وگفتي اسمع صوت صراخة يناديلي "ماما"
صحت بصوت عالي وراه
رومـا: خلـوا بعيونكم اوصيك الك بي أأمنك أمانتي دير بالك عليها مُسلـم طفل لطيف ما يأذي ابد ذكي وحساس لا تصرخون بوجهه لان ينهضم يحب يرسم ويكتب ويسأل هواي يحب افلام الكارتون والشخصيات اكثر شي باتمان امانة لا تخلون احد يضربه لا تقربوا يم نـاس خبيثة.
21
هز راسـة ساكت واني ما اگدر اسكت
-اخوگم گبل عاف ولايتكم وطلـع من غير رجعة لان تهددت حياتـة بخطر تالي ما حافظتوا على روحة و راح لا تخلـون مُسلـم يعيش مصير ابوه.
1
4
3August 28, 2026 197
