بهذا الوكت صار صوت سيـارة قسـورة الرياضية بالباب
هذا خوفي الاكبر وصل خوفي لا يتعب وينتهي
دخل من الباب الضحكة مرسومة على وجهه
شايل باقة ورد ابيض اقحـوان اكثر نوع ورد احبـة
هذا چان قصدة من گلي اجيبلچ فدشي حلو وياي من ارجع
گبل لا ينتبه علينـه توه عبر الباب صـاح
-وين برنسس رومـا تعالي شوفي شجبتلچ..
21
خنكتني العبرة مشيتلـه وتوني انتبهت اني حافية!
من وصلت لگيت نظرة عـالكل مستغرب
حظنتنـة لف ايده عليَّ يستفسر مني
قسـورة: شكـو ؟ هذولـه منو وانتن ليـش بره ؟
مشى ليمهم وياي شمر الورد بالگـاع
واندار لمهيب متعصب من شافهم موجودين
-شحچييييت انيي مو بلغتك السالفة تشيلها من راسك وما ننطي مُسلـم هاي امـة يضل يمها ومـؤمل بس يرجـع تروح لبيتـه.
سحبته من ايده احچي وياه
رومـا: معليـك قسـورة حبيبي امشي ندخل جوه هسه مهيب يتفاهم ويحلهـا.
اجاني مهيب جرني من ايدي وشمرني على الباب
يريد يدخلني جوه و رد عـالبنات..قسـورة صار گبالـه شايط من العصبية
-شبيييييك تتقاوه على خواتك گبـال الغربـة!
3
سحبه من ايده گبالهم
مهيب: انتَ اخوها امشي تفاهم وياهم يردون اخوانها.
قسـورة: شمسويـة رومــا شمسوية شادين وياهااا واثق بيها اختي ما تغلط لا اسمـع من بشر ولا اريد اشوفهم.
6
صرخ بي متعصب ومخوزر
مهيب: نـوران مـو رومــا هـذوله اهل مُسلـم هـذوله عمامة وجايين يطالبـون بي ويبلغون اخوهم الچان متزوج اختك لافتـة المگابر گبلـها ..اگعد قسـورة انتَ اخوها تفاهم وياهم.
گعد مهيب عـالعتبة بعيد يدخن
قسـورة بهت وجهه مصدوم مادري منو الاكثر صدمة بيهم وياهو اله حق اكثر بردة فعله !
قسـورة: چنتي تدرين ؟
دمعت عيوني وماگدرت احچي ريـل جاوبتـه
-لا ما تدري شمدريها وحتى هم ماچانوا يعرفون هسـه يفهموك السالفة كلها.
5
اندار عليهم يحچي ما اسمع شي انشدهت
بس منتبهة على ايده شلون يسدها ويفتحها
صديت لحسيـن انظرلـه بتوسل وخوف على اخويـة
غمض عيونه يطمني.. بدا يفهمه السالفة وتحملـه بكل عصبيته
حاول يداري ويفهمه اكثر من مهيب
حچه وياه هواي وشرحلة كلشي ويا الأثبات
رغم نفور قسـورة منهم وغلطـة عليهم ومرتين هجم على عضيد ضربـة وداس وياهم بالكلام حيل اكثر من مهيب غلط وسب بس ما ردوا ولا لاموا يمكن حسوا شگد هو بموقف صعب على كل رجال يكون بي..
3
گعد حسيـن يمـه وخله ايدهرعلى چتفة
-خويـه شني الغلط البدر منـه ؟
قسـورة: ما أعمم واذب بلاوي البشر على غيـرة بس انتم تعرفون اخوكم غلطان.
حسيـن: اخونـة وينـه ؟ لو چـان موجود يجيكم و رگبتـة سدادة لچـن اخوي مات وما تجوزلـه غير الرحمة.
قسـورة: اختي ماتت مهضومـة ويتمت ابنها والثانية تحملت ذنبها وجرعت المُر حتى تربي من غير موقفنه ساعة العرفنـة من غير باقي السوالف والكسرة عن ياهي تردون اغفرلكم ؟
سكتوا ما نطقوا بكلمة رجع يحچي
-اخوكم سبب كل هذا وفوگاها طلـع اخوكم نفسـة مسوي سالفة خايسة غادر بيها اخوي مـؤمل ولساعة يشيط بذكراه.
1
ردوا يقنعون بي ويبينولـه هم يتفاهمون ويا مـؤمل
بس ابتعد من يمهم روحـه طافرة وحالتـة بدت تتعب
قسـورة: غايتكم من هذا كلـه شنو ؟
-ابن اخونـة !
توني دا احجي اجه مهيب اشر بأيده عليهم وحچه بصوت عالي
-اول شي راح يصير تاخذون ابن اخوكم لان بعد ما عرفتة يخصكم ودمكم النگس يسري بعروگة ما يضل بالبيت.
8
عبــاس: مهيييب واگفة بعيني الصحبة.
مهيب: انحسب عال* اذا حسبتك صاحب بعد.
5
اجه عليَّ صاح بيـه
-سمعتي شگلت كلمة ما اريد فوك كلمتي ابنهم ياخذووووا.
2
طيبــة: مهيب شبيك الطفل شعليـه لا تبعده عنها شافت الضيم وخاطرت علمودة تالي ياخذوه بدون تعب ؟
مهيب: مستعد ادفنها بصف اختها مستعد اروح لابوي اگلـه هاي وصيتك اندفنت واجتك ولا يضل هالطفل عدها.
14
سديت اذني عن كلامهم وضليت اردد بصوت من نص خنگتي
رومـا: ابني هـذا ابني حرام عليكم.
مهيب: مـو ابنـچ لا تدخلين بالدور زايد مو ابنـچ كلمة ماريد اسمع منچ بعد والحچيته يتنفذ بالحرررف الواحد.
14
تصايحوا ويـاه وهو ما متنازل يصيح
مهيب: اخذوا ابنكم وتوكلوا دايسين بساط بيتي هسـه و ساكتلكم كلشي نتحاسب عليَّ بالشارع وما توگع الكم ذرة بس الصبر الصبر.
حسيـن: لا تهدد بحِسك العالي كونك زلمـة واجهني گبل لا تهدد خواني خلني اعاين افعالك.
2
ضلوا يتعاركون واني راسي راح ينفجر من الضغط
بچيت منهارة بگلب متكسر و روح ما ضللها شي وتطلع بعد خسارتها
آخر امـل چلبت بإيد قسـورة اتوسل بي
تنهد وگلي بقهر
-بالشرع والقانون وحتى بالعشاير ابنهم واحق بي منـچ عدهم كل الاثباتات يعني ما الچ حصة وحق بگد الشعرة تطالبين بي.. خلي يرتاح يمهم اذا صدك تشوفي ابنچ سلمي الهم.
گعدت بالگـاع خسرانة خسارة عمري
طيبــة حاظنتني تخفف عني ، ماكو شي يخفف بعد
ريتني اني الميتة ريتني بقيت متغربة بالغربة ولا راجعة
غلطت وهذا الثمن دا ادفعة غالي
9
رومـا: ارررريد مـؤمل وين مـؤمل جيبوووووا بس هو يسندني ويوگف وياي.
3
2
1August 28, 2026 151 1
