فتسأل نفسك: شنو هذا الخط؟
وليش موجود؟
وهل ممكن يكون مجرد علامة طبيعية لو إله علاقة بشي داخل الجسم؟
وهل معقولة شحمة الأذن تعطينا فكرة عن حالة مرضية جسدية؟
هذا الخط يُسمى Frank’s Sign
أو Diagonal Earlobe Crease (DELC)،
وهو عبارة عن ثنية مائلة تمتد عبر شحمة الأذن.
سُمّي Frank’s Sign نسبةً للطبيب Sanders T. Frank، اللي لاحظ هاي العلامة بالبداية عند مرضى كانوا يعانون من angina.
بعدين صارت دراسات تبحث عن علاقتها بأمراض الأوعية الدموية، ووجدت ارتباطًا بينها وبين
Coronary Artery Disease،
وكذلك Peripheral Vascular Disease
وCerebrovascular Disease.
بس هنا لازم ننتبه، وجود هذا الخط ما يعني أبدًا أن الشخص عنده مرض بالقلب بشكل مؤكد؛ هو مجرد علامة ممكن تلفت انتباه الطبيب، لأن الدراسات مو كلها كانت متفقة على قوة هذا الارتباط، خصوصًا عند الأشخاص اللي ما عندهم أعراض.
أما شلون يتكون الخط وليش يرتبط بالأوعية، فإلى الآن ماكو تفسير واحد مؤكد، لكن أكو نظريات تگول إن الموضوع ممكن يكون مرتبط بالتغيرات اللي تصير بالأوعية الدموية الدقيقة الموجودة بشحمة الأذن،
ونظريات ثانية تربطه بعملية الشيخوخة وتقصّر telomeres وعلاقتها بالتصلب العصيدي.
وحتى الثنية او الخط نفسه إله درجات؛ ممكن تكون ناقصة وبجهة وحدة، أو كاملة بجهة وحدة، أو كاملة بالجهتين،
والـ bilateral complete تعتبر الأشد ضمن هذا التصنيف.
فالفكرة كلها بصورة بسيطة:
خط مائل بشحمة الأذن → Frank’s Sign → ممكن يكون مرتبط بأمراض الأوعية الدموية → لكن ما نكدر نعتمد عليه وحده لتشخيص مرض القلب.
@batpharm
@batbiotic
