Addis Maleda - አዲስ ማለዳ: post #22397 — TG.ME

Addis Maleda - አዲስ ማለዳ@addismaleda · 33K subscribers Open in TelegramOpen

t.me/addismaleda/22397

September 4, 2026 1.9K

More from this channel

የሩሲያው ፕሬዚዳንት ቭላድሚር ፑቲን በዩክሬን የቀጠለውን ጦርነት በዲፕሎማሲያዊ መንገድ ለመፍታት ዕድል እንዳለው ገለጹ ዓርብ፣ ነሐሴ 29 ቀን 2018 ዓ.ም (#አዲስ_ማለዳ) ፑቲን ይህንን የተናገሩት በሩሲያዋ ቭላዲቮስቶክ በተካሄደው የምስራቃዊ ኢኮኖሚ ፎረም ላይ ሲሆን የጦርነቱ ዋና ተሳታፊዎች ሩሲያና ዩክሬን በመጀመሪያ የጋራ መግባባት ላይ መድረስ እንዳለባቸው ጠቁመዋል። “ለሰላም ዕድል አለ? በእኔ እምነት አዎ፣ ዕድል አለ” ሲሉ ፑቲን ተናግረዋል። በዩክሬን ጉዳይ ሩሲያና አሜሪካ ግንኙነታቸውን እንደቀጠሉ የገለጹት ፑቲን፣ ግንኙነቱ የስለላ ቻናሎችን ጨምሮ በተለያዩ መስመሮች እየተካሄደ ነው ብለዋል። ከአሜሪካ ጋር ያለው ግንኙነት መሻሻል በሁለቱም ወገኖች ጥረት ላይ እንደሚመሰረት የተናገሩት ፑቲን፣ የአሜሪካ ፕሬዚዳንት ዶናልድ ትራምፕ ገንቢ ለሆነ ትብብር ፍላጎት አላቸው ብለው እንደሚያምኑ ተናግረዋል። ፑቲን በበኩላቸው በሲቪል መርከቦች ላይ የሚፈጸሙ ጥቃቶችና የጥቃት ዛቻዎች የሰላም ድርድርን ያወሳስባሉ ያሉ ሲሆን የሲቪል መርከቦች መያዝ፣ በንግድ መርከቦች ላይ ጥቃት መፈጸም እና በሲቪል አውሮፕላኖች ላይ ጥቃት ለመፈጸም የሚደረጉ ዛቻዎችን “የመንግሥት ሽብርተኝነት” በማለት ገልጸዋል። የዩክሬኑ ፕሬዝዳንት ፑቲን ይህን ከማለታቸው ቀደም ብሎ በሩሲያ አየር ክልል አየር መንገዶች እንዳይበሩ አስጠንቅቀው ነበር። እንደ ፑቲን ገለጻ ከሆነ የዩክሬን ደጋፊ የሆኑ ምዕራባዊ አጋሮች እንዲህ ያሉ ድርጊቶችን በመቃወም እርምጃ ካልወሰዱ የዓለም አቀፍ ሽብርተኝነት ተባባሪዎች ሊባሉ ይችላሉ ብለዋል ። ፑቲን ሩሲያ የአየር መከላከያ ሥርዓቷን በፍጥነት እያሻሻለች መሆኑን ጠቁመው፣ ከሁለት ቀናት በፊት በሩሲያ የነዳጅ ማጣሪያ ፋብሪካዎች ላይ የተፈጸሙ ጥቃቶች ሁሉ መመከታቸውን ተናግረዋል። በሩሲያ አዲስ የጦር ሰራዊት ቅጥር ሊካሄድ ነው የሚሉ ዘገባዎችን ውድቅ ያደርጉት ፑቲን “በአሁኑ ጊዜ የጦር ሰራዊት ቅጥር እንዲካሄድ የሚያስገድድ ሁኔታ የለም” ሲሉ ገልጸዋል። የጦር ሰራዊት ቅጥር ይካሄዳል የሚለው ወሬ በሩሲያ የስቴት ዱማ ማለትም የፓርላማ ምርጫን ለማወክ እየተሰራጨ ያለ መረጃ ነው ብለዋል ። ከዚሁ ጋር ተያይዞ የሩሲያ ነጋዴዎች በቅርቡ በፈቃዳቸው በመቶ ቢሊዮን ሩብል የሚቆጠር ገንዘብ ለመንግሥት በጀት ማበርከታቸውን የገለጹ ሲሆን ይህም ለእሳቸው “ፍጹም ያልተጠበቀ ነገር” እንደነበር ፑቲን መናገራቸውን አናዶሉ ዘግቧል ። ተጨማሪ ዜናዎችንና አዳዲስ መረጃዎችን ለማግኘት የማሕበራዊ ሚዲያ ገጾቻችን ይጎብኙ፦ YouTube ➲ t.ly/vSgS Telegram ➲ t.ly/SOXU Facebook ➲ t.ly/flx8 Twitter ➲ t.ly/mxA 1.4KSep 4

[media post] 1.3KSep 4 የኬንያ የጤና ባለሙያዎች ከደሞወዝና የሥራ ሁኔታን በተመለከተ የጀመሩት አድማ 38ኛ ቀን ማስቆጠሩ ተገለፀ ዓርብ፣ ነሐሴ 29 ቀን 2018 ዓ.ም (#አዲስ_ማለዳ) በኬንያ የሚገኙ የጤና ባለሙያዎች ከደመወዝና የሥራ ምቹ ሁኔታን በተመለከተ የጀመሩት የሥራ ማቆም አድማ 38ተኛ ቀን ማስቆጠሩ ተገለፀ ፡፡ በትላንትናዉ ዕለት ነጭ ገዋን የለበሱ እና መፈክር የያዙ በርካታ ነርሶች በናይሮቢ ጎዳናዎች ላይ መታየታቸዉ ተሰምቷል፡ የተቃዉሞ ሰልፉ የሀገሪቱ መንግስት ረዥም ጊዜ ያስቆጠሩ ከደመወዝና ከሥራ ቦታ ሁኔታ ጋር የሚገኛኙ ቅሬታዎችን ለመፍታት አለመቻሉን ለማዉገዝ ያለመ እንደሆነ ተነግሯል። የኬንያ ብሔራዊ ነርሶች ማኅበር ዋና ጸሐፊ ሴህ ፓናይኮ እ.አ.አ ከ2017 ዓ.ም ጀምሮ እስከ አሁን ድረስ የደመወዝ እና ክፍያ ኮሚሽንና በገዥዎች ምክር ቤት መካከል ጉዳዮን የማንሳትና የመጣል ሁኔታ ሲታይ ቆይቷል ብለዋል። አክለዉም በዕለቱ ደመወዝ እና ሌሎች ክፍያ የሚጽምላቸው ኮሚሽን በመጎብኘት በኮሚሽኑ በኩል ያለዉን አቋም እንዲነግሯቸው እና ድርድር በማድረግ የጋራ ስምምነት ላይ ተቋሙ ምንም አይነት ተቃውሞ እንደሌለዉ ለማመላከት ደብዳቤ እንደሰጧቸው ለመጠየቅ እንደሆነ ተናግረዋል፡፡ በሐምሌ ወር መጨረሻ ላይ ከጀመረዉ የሥራ ማቆም አድማ በኋላ የኬንያ ብሔራዊ ነርሶች ማኅበር ፕሬዚዳንት በታካሚዎች ላይ ስለሚያመጣዉ ተጽዕኖ ስጋታቸውን ገልጸዋል። ፕሬዚዳንቱ እንዳሉት ከሆነ የነርሶች የሥራ ማቆም አድማ 38ኛ ቀኑን እንዳስቆጠረ ገልጸው በመላ አገሪቱ የሚገኙ የመንግሥት የጤና ተቋማት በዚህ የሥራ ማቆም አድማ ሳቢያ ከፍተኛ ተጽዕኖ እያደረሰባቸው እንደሆነ አንስተዋል። አክለዉም እንዴ እሳቸው እንደ አንድ የጤና ባለሙያዎች ባልደረባ ጉዳዩ አሳሳቢ ነው ያሉት ሲሆን ይህም “ቀጣይነት ያለው የአገልግሎት መስተጓጎል ታካሚዎች ላይ እና የጤና አጠባበቅ ሥርዓቱ ላይ ጉዳት እያስከተለ ነው” ብለዋል፡፡ በሌላ በኩል ደግሞ የክሊኒክ መኮንኖች ማኅበራት ዋና ጸሐፊ ጆሴፍ ቼቢ አስቸኳይ እርምጃ መወሰድ እንዳለበት አሳስበዋል፡፡ “በእናቶቻችን እና በሌሎች የሀገሪቱ ዜጎች መካከል መከላከል የሚቻሉ ሞቶች እየጨመሩ መምጣታቸውን አሁን እያየን ነው።” ያሉ ሲሆን “መዘግየታችን ከቀጠልን ብዙ ተጨማሪ ኪሳራዎች ይደርሳሉ። ስለዚህ የእኛ ጥሪ ለማኅበራቱ፣ ለኮሚሽኑና፣ ለሀገሪቱ ለመንግሥት፣ ለክልል መንግሥት እና ለሌሎች ባለድርሻ አካላት ጠረጴዛ ተቀምጠው ጉዳዩን እንዲወያዩበት እና እንዲፈቱት ነው” በማለት ገልጸዋል፡፡ በማኅበሩ እና በገዥዎች ምክር ቤት መካከል የተደረጉ ውይይቶች ውጤት አልባ ሆነው በመቆየታቸው ነርሶች ከሥራ ማቆም አድማው ጋር ተያይዘው ተቃውሟቸውን እንዲያጠናክሩ አድርጓቸዋል ተብሏል። ተጨማሪ ዜናዎችንና አዳዲስ መረጃዎችን ለማግኘት የማሕበራዊ ሚዲያ ገጾቻችን ይጎብኙ፦ YouTube ➲ t.ly/vSgS Telegram ➲ t.ly/SOXU Facebook ➲ t.ly/flx8 Twitter ➲ t.ly/mxA 2.1KSep 4 ኖርዌይ የሩሲያን መርከብ በዩክሬን የነዳጅ ኩባንያ ጥያቄ በመያዝ ሞስኮን አስቆጣች ዓርብ፣ ነሐሴ 29 ቀን 2018 ዓ.ም (#አዲስ_ማለዳ) ኖርዌይ፤ በአርክቲክ ስትንቀሳቀስ የነበረች የሩሲያን መርከብን በዩክሬን የነዳጅ ካምባኒ ናፍቶጋዝ ጥያቄ መሰረት የያዘች ሲሆን፣ ይህም ሞስኮን ክፉኛ አስቆጥቷል ተባለ። በአርክቲክ ስቫልባርድ በተሰኘ ቦታ ላይ በሚገኘው የባሬንትስበርግ ወደብ፣ የነበረችው ፕሮፌሰር ሞልቻኖቭ የተሰኘቸው መርከብ እንደሆነች ተገልጿል። ሩሲያ አለኝ ያለችውን አማራጭ ሁሉ ልትጠቀም እንደምትችል አስታውቃለች። እርምጃው የተወሰደው የዩክሬን ብሔራዊ የነዳጅ እና ጋዝ ኩባንያ ናፍቶጋዝ ባቀረበው የህግ ጥያቄ መሰረት እንደሆነ ተገልጿል። ይህ የመርከብ መያዝ ከካሣ ጋር የሚያያዝ ሲሆን እ.አ.አ. በ2014 ሩሲያ፤ ክሬሚያን በኃይል በያዘችበት ወቅት፣ የናፍቶጋዝን የነዳጅ እና የጋዝ መሰረተ ልማቶች በህገ ወጥ መንገድ ስለወሰደችበት ነው ተብሏል። በሄግ የሚገኘው ዓለም አቀፍ የግልግል ዳኝነት ፍርድ ቤት እ.ኤ.አ. በ2023 ሩሲያ ለናፍቶጋዝ 4.22 ቢሊዮን ዶላር የካሳ ክፍያ እንድትፈጽም ውሳኔ ሰጥቶ እንደነበር ይታወሳል። ሞስኮ ክፍያውን ለመፈጸም ፈቃደኛ ባለመሆኗ፣ የኖርዌይ ኖርድ-ትሮሚስ እና ሴንያ የዲስትሪክት ፍርድ ቤት ከሶስት ቀን በፊት መርከቧ እንድትያዝ ትዕዛዝ አስተላልፏል ተብሏል። አሁን ላይ መርከቧ ስድስት ቢሊዮን ዶላር ታወጣለች ተብሏል። መርከቧ፤ በዋናነት ለንግድ እና ለምርምር ጉዞዎች የምታገለል ስትሆን፣ ከቦታዋ እንዳትንቀሳቀስ እገዳ ተጥሎባት በውስጧ ያሉትን ተሳፋሪዎች እና ሰራተኞች ሁኔታ የኖርዌይ ባለስልጣናት ይዘውታል ተብሏል። የናፍቶጋዝ ኩባንያ ጊዜያዊ ስራ አስፈጻሚ፤ ሩሲያ የዓለም አቀፍ የፍርድ ቤት ውሳኔን ባለመቀበል ብቻ ከተጠያቂነት ማምለጥ እንደማትችል አንስተው የካሳ ክፍያው እስከሚከፈላቸው ድረስ በዓለም ዙሪያ የሚገኙ የሩሲያ ሀብቶችን ማደናቀፋችንን እንቀጥላለን ብለዋል ሲል ሮይተርስ ዘግቧል። ይሁን እንጂ ሩሲያ የፍርድ ቤቱን ትዕዛዝ እውቅና እንደማትሰጠው አስታውቃለች። የሩሲያ ውጭ ጉዳይ ሚኒስቴር እና የሩሲያ ባለስልጣናት የኖርዌይን እርምጃ “የባህር ላይ ዘረፋ” እና “ዓለም አቀፍ ህግን የጣሰ ፖለቲካዊ ውሳኔ” ሲሉ ያወገዙት ሲሆን ሩሲያ ውሳኔውን በህግ እንደምትታገል አስታውቃለች። ተጨማሪ ዜናዎችንና አዳዲስ መረጃዎችን ለማግኘት የማሕበራዊ ሚዲያ ገጾቻችን ይጎብኙ፦ YouTube ➲ t.ly/vSgS Telegram ➲ t.ly/SOXU Facebook ➲ t.ly/flx8 Twitter ➲ t.ly/mxA 2.1KSep 4

[media post] 2KSep 4