Addis Maleda - አዲስ ማለዳ: post #22382 — TG.ME

Addis Maleda - አዲስ ማለዳ@addismaleda · 33K subscribers Open in TelegramOpen

t.me/addismaleda/22382

September 3, 2026 1.7K 2

More from this channel

የኮማንዶ ክፍለ ጦሩ ዝግጁ መሆኑን የክፍለ ጦሩ አዛዥ አስታወቁ ሐሙስ፣ ነሐሴ 28 ቀን 2018 ዓ.ም (#አዲስ_ማለዳ) የኢትዮጵያ መከላከያ ሰራዊት የኮማንዶ ክፍለ ጦር በማንኛውም ጊዜ የሚሰጠውን ግዳጅ ለመፈፀም ዝግጁ መሆኑን አስታወቀ። የኮማንዶ ክፍለ ጦር አዛዥ የሆኑት ኮሎኔል ሰለሞን ፀጋዬ እንደተናገሩት ከሆነ ክፍለ ጦሩ በቅርቡ “የጥፋት ኃይሎችን በመመንጠር ታላቅ ድል” አስመዝግቧል ብለዋል። አክለውም የሀገርን ሰላምና ሉዓላዊነት ለማስከበር ያለውን ፅናት ያሳየበት ነው ያሉ ሲሆን ይህም ውጤት “ወታደራዊ ግዳጅን በስኬት መወጣት ብቻ ሳይሆን፣ የአባላቱን የላቀ የውጊያ ጥበብ” በሚገባ ያሳየ ነው ማለታቸውን፣ የመከላከያ ሰራዊት ያጋራው መረጃ ያመለክታል። በተጨማሪም ክፍለ ጦሩ፤ አስቸጋሪ በሆነ መልክዓ ምድር ውስጥ “የጠላትን የጥፋት መረብ በመስበር እና በመበጣጠስ” በኩል የነበረው ሚና የተጣለበትን ሀገራዊ ግዳጅ የመፈፀም አቅሙን ያረጋገጠበት ነው ብለዋል። አዛዡ ይህ በውጤት የታጀበ ስምሪት ነው ያሉት ሲሆን የክፍለጦሩ ሠራዊት በአካልና በታክቲክ ከፍተኛ የብቃት ደረጃ እንደደረሰ ያሳያል ሲሉ ተናግረዋል። በተጨማሪም ኮሎኔሉ የክፍለጦሩ ሠራዊት ዝግጁነት ባረጋገጠበት ወቅት የክፍለ ጦሩ “አስደማሚ ድልና ለአፍታም ቢሆን የማይላላው” ወታደራዊ ዝግጁነት አስተማማኝ የሀገር ደህንነት ዋስትና አረጋግጠዋል ተብሏል። ተጨማሪ ዜናዎችንና አዳዲስ መረጃዎችን ለማግኘት የማሕበራዊ ሚዲያ ገጾቻችን ይጎብኙ፦ YouTube ➲ t.ly/vSgS Telegram ➲ t.ly/SOXU Facebook ➲ t.ly/flx8 Twitter ➲ t.ly/mxA 1.8KSep 3

[media post] 1.7KSep 3 እስራኤል አሁንም ፍልስጤማውያንን ከጋዛ የማስወጣት እቅድ እንዳላት የመከላከያ ሚኒስትሩ አስታወቁ ሐሙስ፣ ነሐሴ 28 ቀን 2018 ዓ.ም (#አዲስ_ማለዳ) የእስራኤል የመከላከያ ሚኒስትር እስራኤል ካትዝ፤ ሀገራቸው አሁንም ቢሆን ፍልስጤማውያንን ከጋዛ ለቅቀው እንዲወጡ ወይም የማስወጣት ፍላጎት እንዳላት ተናገሩ። ሚኒስትሩ፤ ይህ ሳይሆን የቆየበትን ምክንያት ሲያስረዱ የአሜሪካው ፕሬዝዳንት ዶናልድ ትራምፕ፣ ዕቅዱን ጊዜያዊ እገዳ ስላደረጉበት እንጂ አልተሰረዘም ብለዋል። ካትዝ፤ “ዋይ ኔት” የተሸኘ የእስራኤል መገናኛ ብዙኃን ባዘጋጀው ጉባኤ ላይ እንዳሉት ከሆነ ፍልስጤማውያንን ከጋዛ ማስለቀቅ ወይም ማጽዳት “ብቸኛውና ዘላቂው መፍትሔ” ነው። እንደ ካትዝ ገለጻ ከሆነ፤ እቅዱ በየጊዜው ውይይት እንደሚደረግበት አንስተው፣ እቅዱም ሙሉ በሙሉ አልተሰረዘም ብለዋል። ይህንን ተግባራዊ ለማድረግም የዋሽንግተን ድጋፍ እንደሚያስፈልግ ያነሱት ካትዝ፤ “ያ ጊዜ ደግሞ ይመጣል”ሲሉ ፍልስጤማውያን ጋዛን ለቅቀው የሚወጡበት ቀን እንዳለ ጠቁመዋል። እስራኤል ፍልስጤማውያንን በባህር፣ በአየርና በሌሎች መንገዶች ለማስወጣት ዝግጁ ብትሆንም፤ ከጋዛ ጋር የምትዋሰነው ጎረቤት ሀገር ግብፅ የፍልስጤም ተፈናቃዮችን አልቀበልም ማለቷ እና ሌሎች ተቀባይ ሀገራት የአሜሪካን ድጋፍ የሚሹ በመሆናቸው እቅዱ እንዲዘገይ እንዳደረገው ይታወሳል። የሰብአዊ መብቶች ተሟጋቾች ይህ እርምጃ “የዘር ማጽዳት ወንጀል ነው” ሲሉ የኮነኑት ሲሆን፤ የአሜሪካው ሴናተር ክሪስ ቫን ሆለን ደግሞ፣ የእስራኤል መከላከያ ሚኒስትር ንግግርን ሀገሪቱ “የዘር ማጽዳት እቅድ እንዳላት ማረጋገጫ ነው” ሲሉ አሜሪካ ከዚህ ድርጊት ጋር ያላትን አጋርነት ማቆም አለባት ሲሉ መናገራቸውን አልጀዚራ ዘግቧል። ተጨማሪ ዜናዎችንና አዳዲስ መረጃዎችን ለማግኘት የማሕበራዊ ሚዲያ ገጾቻችን ይጎብኙ፦ YouTube ➲ t.ly/vSgS Telegram ➲ t.ly/SOXU Facebook ➲ t.ly/flx8 Twitter ➲ t.ly/mxA 1.9KSep 3 ኤል ኒኖ በምስራቅ እና በደቡብ አፍሪካ 162 ሚሊዮን ህጻናት ላይ አደጋ መደቀኑ ተገለፀ ረቡዕ፣ ነሐሴ 27 ቀን 2018 ዓ.ም (#አዲስ_ማለዳ) በምስራቅ እና በደቡብ አፍሪካ ከ162 ሚሊዮን በላይ የሚሆኑት ህጻናት እየጠነከረ ባለው የ2026/2027 የኤል ኒኖ ክስተት ተጽዕኖ በተጋለጡ አካባቢዎች እየኖሩ ነው ሲል የተባባሩት መንግስታት የህጻናት መርጃ ድርጅት (ዩ.ኒ.ሴፍ) አስጠነቀቀ። ይህም በስፋራው ካሉት አጠቃላይ ህጻናት ከሁለት ሶስተኛ በላይ የሚሆኑት ናቸው ተብሏል። እየተባባሰ ያለው የመጣው ድርቅ በከፍተኛ ሙቀት እና ጎርፍ የህጻናትን አመጋገብ፣ ጤና፣ የንፁህ ውሃ እና የንፅህና አጠባበቅ ተደራሽነት፣ ትምህርት እና ደህንነትን አደጋ ላይ ይጥላል ተብሏል ። ትንበያዎች እንደሚያሳዩት ከሆነ በጣም ከባድ መዘዞች ከመሰማታቸው በፊት እርምጃ ለመውሰድ ጠባብ ቢሆንም ወሳኝ የሆነ እድል ይሰጣሉ ተብሏል። “ከኤል ኒኖ የሚያመጣዉ ስጋት እያደገ ሲሆን ለህጻናቱ የሚደርሰው አደጋም ቀድሞውንም ግልጽ ነው” ሲሉ የዩኒሴፍ የምስራቅ እና ደቡብ አፍሪካ ክልላዊ ዳይሬክተር ኤትሌቫ ካዲሊ ተናግረዋል። በቀጠናዉ ውስጥ ህጻናት የምግብ እና የውሃ እጥረት እንድሁም ከአቅም በላይ የሆነ የጤና አገልግሎት ጫና እና የትምህርት መስተጓጎል እያጋጠማቸው እንደሆነ ገልጸዋል። በተጨማሪም “ከባድ የአየር ንብረት ቀውሶች ህጻናትን እና እነርሱ ላይ መሰረት ያደረጉ ስርዓቶች ላይ እስከ መፈራረስ ድረስ ሊያደርሱ ይችላሉ።” ብለዋል፡፡ በዩኒሴፍ ግምገማ መሰረት በጅቡቲ፣ ኤርትራ፣ ኢትዮጵያ፣ ኬንያ፣ ማዳጋስካር፣ ማላዊ፣ ሞዛምቢክ፣ ሶማሊያ፣ ደቡብ ሱዳን፣ ሱዳን፣ ኡጋንዳ፣ ዛምቢያ እና ዚምባብዌ ላሉ ህጻናት አስቸኳይ እና ተደራራቢ አደጋዎችን እንዳሉ አመላክቷል። እንደምሳሌ በሶማሊያ ጎርፍ በጣም አስከፊ ሁኔታ ዉስጥ የሚገኙ እስከ 2.5 ሚሊዮን ሰዎችን በቀጥታ ሊጎዳ ይችላል ብሏል፡፡ ይህም ተጨማሪ መፈናቀልን በማስከተል የህጻናትን የምግብ፣ የጤና እንክብካቤ፣ የንፁህ ውሃ እና የትምህርት ተደራሽነት ላይ ተጽዕኖ ያሳድራል፡፡ ተቋሙ በተለይም በኢትዮጵያ በአስር ሺዎች የሚቆጠሩ ህጻናት ከፍተኛ የምግብ እጥረት እና ተጋላጭነት ባለባቸው አካባቢዎች የመጎዳት አላቸው ብሏል። አክሎም በደቡብ ሱዳን ደግሞ ኢል ኒኖ ድርቅ፣ ከፍተኛ ሙቀት እና አካባቢያዊ ጎርፍን ጨምሮ የምግብ እጥረትን አልያም የተመጣጠነ ምግብ እጥረትን የበለጠ ሊባባስ ይችላል ብሏል። ይህም የበሽታ መስፋፋትን ሊጨምሩ እና የረሃብ አደጋን እና ሰፊ መፈናቀልን ሊያባብሱ ይችላሉ ብሏል። ይሁን እንጂ ከዓለም አቀፍ የሰብዓዊ እርዳታ ዉስጥ ከአንድ በመቶ ያነሰ ለቅድመ ዝግጅት እርምጃ መዋል እንደሚቻል ተናግሮ ይህም የነፍስ አድን ፣ሰብዓዊ ፍላጎቶችን ለመቀነስ እና በአስቸጋሪ ሁኔታ ዉስጥ የተገኙ ውጤቶችን ለመጠበቅ ቁልፍ ሚና ይኖረዋል ተብሏል፡፡ ዩኒሴፍ 13 ቅድሚያ በተሰጣቸው ሀገሮች ለህጻናት እና ቤተሰቦች ቅድመ ዝግጅት እና ህይወት አድን እርዳታ ለማድረስ በነባሩ እ.አ.አ በ2026 ለህጻናት ድጋፍ የሚዉል 173 ሚሊዮን ዶላር አስቸኳይ የገንዘብ ድጋፍ ያስፈልገኛል ብሏል፡፡ ተጨማሪ ዜናዎችንና አዳዲስ መረጃዎችን ለማግኘት የማሕበራዊ ሚዲያ ገጾቻችን ይጎብኙ፦ YouTube ➲ t.ly/vSgS Telegram ➲ t.ly/SOXU Facebook ➲ t.ly/flx8 Twitter ➲ t.ly/mxA 3.1KSep 2

[media post] 2.8KSep 2