Addis Maleda - አዲስ ማለዳ: post #22336 — TG.ME

Addis Maleda - አዲስ ማለዳ@addismaleda · 33K subscribers Open in TelegramOpen

t.me/addismaleda/22336

4

August 27, 2026 4.2K 1

More from this channel

የቤኒሻንጉል ጉሙዝ ክልል በማዕድን ዘርፍ የሚስተዋሉ ህገ-ወጥ የማዕድን ግብይቶችና የአደገኛ ኬሚካሎች አጠቃቀም ፈተና ሆነዋል ሲል ገለጸ ማክሰኞ፣ ነሐሴ 26 ቀን 2018 ዓ.ም (#አዲስ_ማለዳ) የቤኒሻንጉል ጉሙዝ ክልል በማዕድን ዘርፍ የሚስተዋሉ ህገ-ወጥ የማዕድን ግብይቶችና የአደገኛ ኬሚካሎች አጠቃቀም ተግዳሮቶች መሆናቸውን አስታወቀ። ቤንሻንጉል ክልል በኢትዮጵያ የወርቅ ምርት ከሚመርትባቸው ቦታውች ውስጥ ከፍተኛ ድርሻ አለው። ክልሉ ይህን ያለው በትናንትናው ዕለት “የማዕድን ሀብታችን ለዘላቂ ብልፅግናችን” በሚል መሪ ሐሳብ የማዕድን ዘርፉን ምርታማነት ከማሳደግ ባለፈ፣ በዘርፉ የሚስተዋሉ ማነቆዎችን ለመፍታትን ማዕከል ያደረገ መድረክ በአሶሳ ከተማ ሲካሄድ፤ የክልሉ ርዕሰ መስተዳድር አሻድሊ ሀሰን በዘርፉ የሚታዩ ህገ-ወጥ ተግባራትን ለመከላከልና ሀገርን ተጠቃሚ ለማድረግ እንደሚሰራ ገልጸዋል፡፡ በተጨማሪም ችግሮችን በዘላቂነት ለመፍታትና ከዘርፉ የሚገኘውን ሀገራዊ ጥቅም ለማሳደግ የተቀናጀ አሠራርና የሁሉንም ባለድርሻ አካላት ቁርጠኝነት የሚጠይቅ መሆኑ ተመላክቷል፡፡ በክልሉ የሚገኙ የወርቅ አምራች ፋብሪካዎች ዘርፉን ለማጠናከር ትልቅ አቅም እየሆኑ መምጣታቸውን የገለጹት ርዕሰ መስተዳድሩ፤ እንደ ሀገርና እንደ ክልል የተጀመሩ የልማት ሥራዎችን አጠናክሮ ለማስቀጠል የንቅናቄው ፋይዳ የጎላ መሆኑን አስረድተዋል። የክልሉ ማዕድን ቢሮ ኃላፊ ቲጃኒ አደም በበኩላቸው፤ በበጀት ዓመቱ 8 ሺህ 985 ኪሎ ግራም በላይ ወርቅ ለብሔራዊ ባንክ መላኩን ገልጸዋል። ቢሮው ከወርቅ ምርት በተጨማሪ የከሰል ድንጋይና የእምነበረድ ምርትን ወደ ከፍተኛ ደረጃ ለማሸጋገርና የኢንዱስትሪ ግብዓቶችን ለማሳደግ በትኩረት እየሠራ መሆኑን ጠቁመዋል ሲል የክልሉ ኮሚኒኬሽን ያጋራው መረጃ ያመለክታል። ተጨማሪ ዜናዎችንና አዳዲስ መረጃዎችን ለማግኘት የማሕበራዊ ሚዲያ ገጾቻችን ይጎብኙ፦ YouTube ➲ t.ly/vSgS Telegram ➲ t.ly/SOXU Facebook ➲ t.ly/flx8 Twitter ➲ t.ly/mxA 2.8KSep 1

[media post] 2.6KSep 1 የኢትዮጵያ ሕዝባዊ አብዮታዊ ፓርቲ (ኢሕአፓ) ሀገራዊ የምክክር ጉበኤው በብልጽግና ፓርቲ ዘዋሪነት ስለተቋጨ ምንም ዓይነት እውቅና አልሰጥም አለ ማክሰኞ፣ ነሐሴ 26 ቀን 2018 ዓ.ም (#አዲስ_ማለዳ) የኢትዮጵያ ሕዝባዊ አብዮታዊ ፓርቲ (ኢሕአፓ)፤ የሀገራዊ ምክክር ጉባኤውን በብልጽግና ፓርቲ ዘዋሪነት የተከናወነ፣ ነጻ እና ገለልተኛ ባለመሆኑ ምንም ዓይነት እውቅና አልሰጥም፤ እንዲሁም ሀገሪቱ በገዢው ፓርቲ መር በሆነ ጦርነት እየወደመች የምትገኝበት ወቅት የተካሄደ ነው ሲል ኮነነ። ፓርቲው “በብልጽግና መሪነት የተካሄደ” ነው ያለው የሀገራዊ ምክክር ሂደትና አጀንዳዎች፤ ወገንተኝነት ያበዛበት፣ ገዥው ፓርቲ ስልጣኑን ለማራዘም የተጠቀመበትና ነጻ ያልሆነ በመሆኑ እውቅና እንደማይሰጠውና ተቀባይነትም እንደሌለው በዛሬው ዕለት ባወጣው ወቅታዊ መግለጫ አስታውቋል። አዲስ ማለዳ የተመለከተችው መግለጫ፤ ፓርቲው ጦርነትና የኢኮኖሚ ውድቀት እየተባባሰ እንደሄድ አንስቷል። ፓርቲው መንግሥት የፖለቲካ ጥያቄዎችን በውይይት ከመፍታት ይልቅ “በጦርነት ይዋጣልን” በማለቱ ሀገሪቱ ለአውዳሚ ጦርነቶች፣ ለዜጎች መፈናቀል፣ ለእስራትና ለከፍተኛ የኢኮኖሚ ውድቀት ተዳርጋለች ብሏል። አክሎም “ጦርነት አልበቃ ያለው አንባገነን ስርኣት” የሚለው ፓርቲው ማንነት ተኮር እስር፣ የኢኮኖሚ መንኮታኮት፣ መፈናቀል፣ እገታ እንዲሁም “ሀገር አልባነት” የኢትዮጵያውያን ዜጎች የእለት ለእለት ኑሮ እየሆነ ነው ብሏል። የሀገራዊ ምክክር ዓላማን ያብራራው ፓርቲው “የገዥውን ኃይል አቋም ማጠናከር ሳይሆን የሀገሪቱን ጥልቅ ፖለቲካዊ ችግሮች በእኩልነት ማየትና ዘላቂ መፍትሔ መፈለግ ነው።” ነው ሲልም አመልክቷል። ፓርቲው በመግለጫው ገዥው ብልጽግና ፓርቲን በብዙ ጉዳዮች ኮንኗል። ከዚህም ዉስጥ “በብልጽግና መር ጦርነቶች” ሀገር እየወደመች ነው ያለ ሲሆን ሌላው ደግሞ ምክክሩን የእሱን ስልጣን ለማራዘም እየተጠቀመበት እንደሆነ ጠቁሟል። አክሎም ገዥው ፓርቲ የኢትዮጵያ ልሂቃንን የሚያለያዩ በበቂ ውይይት ያልተደረገባቸውና ስምምነት ያልተደረሰባቸው ጉዳዮች ለውይይት ማማጣቱ እና በአራት ሳምንት “ስብሰባው” አጀንዳ ብሎ ማምጣቱ ልክ እንዳልሆነ ጠቅሷል። እነዚህ ጉዳዮች ከህገ መንግስት ጉዳይ፤ የአዲስ አበባ ባለቤትነት ጉዳይ፤ የክልሎች አከላለል እና የወሰን ጉዳዮች፤ የብሔራዊ መግባቢያ ጉዳይን ማምጣት አንዱን ወገን በመደገፍ ሌላውን በመቃወም እንዲሁም በሊህቃኑ መካከል ገና “ያልሰከኑ የውይይት ርዕሶችን እንደገና መነታረኪያና መከፋፈያው ለማድረግ” ታትሯል ሲል ኮንኗል። የአዲስ አበባ ጉዳይ በተመለተ ደግሞ የአርሶ አደሩን መሬት በህገወጥ መነገድ ሽጦ እና በሙስና ከተዘፈቀ በኋላ ከሳሽ ሁኖ መጥቷል ያለ ሲሆን፣ በብልጽግና የተመራ የህዝብ መፈናቀል በማድረግ እንዲሁም የእምነት ቦታዎችን ጭምር በማፍረስ በህዝብ ላይ “ወንጀል ሰርቷል” ብሏል። የኮሪደር ልማትና “ሸገር ከተማ” በሚል ስም የተከናወኑት ተግባራት ህገ-ወጥ ማፈናቀልን ጨምሮ የተወላጅ እና ነዋሪዎችን መብት ገፍፏል ሲል የሚከስሰው ፓርቲው፣ በሸገር ከተማ ደግም ያለአግባብ የተጫኑ የተለያዩ መዋጮዎችን ተጥሎባቸዋል ሲል ኮንኗል። ፓርቲው ከከተማው ተፈናቅለው ወደ አዲሱ መኖሪያቸው ሲደርሱ ለሚሊሻ፣ ለኦሮሚያ ልማት ማህበር፣ ለኮብልስቶን፣ ለግድግዳ ጌጥ፣ ቀለም መቀቢያ፣ ለዞን ጽህፈት ቤት ማስገንቢያ፣ ለግቢ ቴራዞና ለብሎክ ካሜራ ማስገቢያ የሚሉ መዋጮዎች እንደሚጠብቃቸው አንስቷል። በፍትሐዊነት ሽፋን በሚደረጉ የብሔር ምደባዎች፤ ማለትም ኮታዎች ምክንያት ሙያተኞች ተገፍተው በፖለቲካ ታማኝነትና ዘውገኝነት ላይ የተመሰረተ አሰራር በመስፋፋቱ ማህበረሰባዊ መራራቅና የትርክት ልዩነቶች እንዲፈጠሩ ተደርጓል ብሏል። አክሎም ለፓርቲው ቤተሰብ ያልሆኑ ባለሃብቶችም ጉዳት ደርሶባቸዋል ብሏል። በድሬዳዋ ከተማ ሰፊውን ህዝብ ከፖለቲካ ተሳትፎ ያገለለና በዘውግ ከፍሎ በመቶኛ ያካፈለ “አፓርታይደዊ ህግ” ሲል በጠራው አሰራር ከመሻሻል ይልቅ ይህ ምክክር ተጨማሪ ቀውሶችን ለመፍጠር የተሰየመ ነው በሚል ኮንኗል። በሁሉም ባለድርሻ አካላትና በህዝብ ዘንድ ከምስረታው ጀምሮ ተቀባይነት ያለው፣ አካታች፣ ከወገንተኝነት የጸዳና በነጻነት የሚሰራ እውነተኛ ሀገራዊ የምክክርና ብሔራዊ እርቅ እንዲካሄድ ጥሪ አቅርቧል። የሀገራዊ ምክክር ኮሚሽን በምክክር ጉባኤው ሲካሄድም ከዚያ ቀደም በሚሰጣቸው መግለጫዎች ላይ የሀገራዊ ምክክር ጉባኤው አካታች እና አስታፊ እንዲሁም ገለልተኛ እንደሆነ በተደጋጋሚ መግለፁ የሚታወስ ነው። ተጨማሪ ዜናዎችንና አዳዲስ መረጃዎችን ለማግኘት የማሕበራዊ ሚዲያ ገጾቻችን ይጎብኙ፦ YouTube ➲ t.ly/vSgS Telegram ➲ t.ly/SOXU Facebook ➲ t.ly/flx8 Twitter ➲ t.ly/mxA 2.5KSep 1

[media post] 2.2KSep 1 የአሜሪካ የጦር ኃይል ጸኃፊ ከሚኒስትሩ ጋር በመጣላታቸው ምክንያት ለትራምፕ የሥራ የመልቀቂያ ደብዳቤያቸውን አስገቡ ማክሰኞ፣ ነሐሴ 26 ቀን 2018 ዓ.ም (#አዲስ_ማለዳ) የአሜሪካ የጦር ኃይል ጸኃፊ ዳንኤል ድሪስኮል ከሀገሪቱ የመከላከያ ሚኒስትር ዋና ጸኃፊ ፒት ሄግዝ ጋር ለወራት የዘለቀ አለመግባባት ከተፈጠረ በኋላ ለፕሬዝዳንት ዶናልድ ትራምፕ የሥራ መልቀቂያቸውን ማቅረባቸው ተገለጸ። ዳንኤል ለአሜሪካ ጦር ከፍተኛ የሲቪል መሪው እንደሆኑም የተገለጸ ሲሆን መልቀቃቸው የሚጠበቅ ቢሆንም፣ ጦሩ በተለያዩ ጉዳዮች ውጥረት ላይ በሆነበት ወቅት ላይ ነው ተብሏል። በተጨማሪም ኢራን ላይ የሚወሰደው እርምጃ በዚሁ የሚቀጥል ከሆነ አሜሪካን በበቂ ሁኔታ ላንጠብቃት እንችላለን፤ ማለትም አሁን ላይ ባላቸው አቋም በሚል ፍርቻ ከፍተኛ የመከላከያ ወታደራዊ አመራሮች ለሄግዝ ማስጠንቀቂያ መስጠታቸውም በዚሁ ሰሞን መዘገቡ ይታወሳል። ዳንኤል ድሪስኮል ከመከላከያ ሚኒስትሩ ፒት ሄግሴዝ ጋር በጦር ኃይሉ ማሻሻያዎች እና የከፍተኛ ጄኔራሎች ከኃላፊነት መነሳት እና መባረር እንዲሁም ዘመናዊ የሆኑ ሰው አልባ አውሮፕላኖች (ድሮን) ቴክኖሎጂ ፕሮግራሞች ትግበራ ዙሪያ ጠንካራ አለመግባባቶች እንደነበሯቸው ተነግሯል። የነጩ ቤተመንግሥት ቃል አቀባይ እንዳስታወቁት ከሆነ ደግሞ፤ ዳንኤል የትራምፕን አጀንዳ በማስፈጸም፣ የጦር ኃይሉን ዝግጁነት በማሳደግ እና በሩሲያ-ዩክሬን የሰላም ድርድር ሂደት ላይ ባደረጉት አስተዋጽኦ ከፍተኛ አፈጻጸም እንደነበራቸው መስክረዋል። ይህ የሥራ መልቀቂያ፤ በቅርቡ በመከላከያ ሚኒስትሩ እየተወሰዱ ካሉ በርካታ የከፍተኛ ወታደራዊ አመራሮች ከኃላፊነት ማንሳት እና የባህር ኃይል ጸኃፊ ላይ ያለው የስብጥር ለውጥ እና ስንብቶች እየበዙ ከመጡ በኋላ መሆኑን ኒውዮርክ ታይምስ ዘግቧል። ተጨማሪ ዜናዎችንና አዳዲስ መረጃዎችን ለማግኘት የማሕበራዊ ሚዲያ ገጾቻችን ይጎብኙ፦ YouTube ➲ t.ly/vSgS Telegram ➲ t.ly/SOXU Facebook ➲ t.ly/flx8 Twitter ➲ t.ly/mxA 3KSep 1