ਵਾਹਿਗੁਰੂ ਜੀ ਕਾ ਖਾਲਸਾ
ਸ੍ਰੀ ਵਾਹਿਗੁਰੂ ਜੀ ਕੀ ਫ਼ਤਿਹ।
ਅਸੀਂ ਧੰਨਵਾਦੀ ਹਾਂ ਹਰ ਓਸ ਮਾਂ, ਬੱਚੇ, ਬਜ਼ੁਰਗ ਤੇ ਨੌਜਵਾਨ ਦੇ ਜਿਸ ਨੇ ਭਾਈ ਅੰਮ੍ਰਿਤਪਾਲ ਸਿੰਘ ਨੂੰ ਆਪਣਾ ਪੁੱਤ, ਭਰਾ ਤੇ ਰਾਹ ਦਸੇਰਾ ਜਾਣ ਓਹਨਾਂ ਦੀ ਸਿਹਤਯਾਬੀ ਅਤੇ ਰਿਹਾਈ ਲਈ ਅਰਦਾਸਾਂ ਕੀਤੀਆਂ। ਜਿੰਨਾ ਦਿਨ ਰਾਤ ਇੱਕ ਕਰਕੇ ਭਾਈ ਅੰਮ੍ਰਿਤਪਾਲ ਸਿੰਘ ਦੀ ਚੋਣ ਮੁਹਿੰਮ ਨੂੰ ਬੁਲੰਦੀਆਂ ਤੇ ਪਹੁੰਚਾਇਆ।
ਅਸੀਂ ਧੰਨਵਾਦੀ ਹਾਂ ਖਡੂਰ ਸਾਹਿਬ ਹਲਕੇ ਦੇ ਹਰ ਓਸ ਵੋਟਰ ਦੇ ਜਿਸ ਨੇ ਬੇ ਇਨਸਾਫ਼ੀ ਦੇ ਇਸ ਮਹੌਲ ਅੰਦਰ ਖਾਲਸਾਈ ਰਿਵਾਇਤਾਂ ਨਿਭਾਓਂਦਿਆਂ ਜਾਲਮ ਹਕੂਮਤ ਦੇ ਭੈਅ ਤੋਂ ਮੁਕਤ ਹੋਕੇ ਭਾਈ ਅੰਮ੍ਰਿਤਪਾਲ ਸਿੰਘ ਦੇ ਹੱਕ ‘ਚ ਪ੍ਰਚਾਰ ਕੀਤਾ ਅਤੇ ਓਹਨਾਂ ਨੂੰ ਭਾਰੀ ਬਹੁਮਤ ਨਾਲ ਜਿਤਾਇਆ।
ਅਸੀ ਕੋਈ ਸਿਆਸੀ ਲੀਡਰ ਨਹੀਂ, ਸਾਡੇ ਦੁੱਖ-ਸੁੱਖ ਤੁਹਾਡੇ ਨਾਲ ਸਾਂਝੇ ਹਨ। ਅਸੀਂ ਤੁਹਾਡੇ ਨਾਲ ਕੋਈ ਸਿਆਸੀ ਲੀਡਰਾਂ ਵਾਲਾ ਵਾਅਦਾ ਵੀ ਨਹੀ ਕਰਦੇ। ਪਰ ਅਸੀਂ ਇਸ ਗੱਲ ਦਾ ਅਹਿਦ ਕਰਦੇ ਹਾਂ ਕਿ ਤੁਹਾਡੇ ਨਾਲ ਰਲ਼ਕੇ ਪੰਥ ਪੰਜਾਬ ਦੀ ਪਹਿਰੇਦਾਰੀ ਕਰਦੇ ਰਹਾਂਗੇ। ਕਿਉਂਕਿ ਇਹ ਲੜਾਈ ਹਲੇ ਸ਼ੁਰੂ ਹੋਈ ਹੈ, ਮੁੱਕੀ ਨਹੀ।
ਭਾਈ ਅੰਮ੍ਰਿਤਪਾਲ ਸਿੰਘ ਏਥੇ ਕੋਈ ਵਜ਼ੀਰੀਆਂ ਮਾਨਣ ਨਹੀ ਸਨ ਆਏ। ਇਹ ਇੱਕ ਨਿਰੰਤਰ ਚੱਲ ਰਿਹਾ ਕੌਮੀ ਸੰਘਰਸ਼ ਹੈ, ਜਿਸ ਵਿੱਚ ਇਹ ਜਿੱਤ ਇੱਕ ਪੜਾਅ ਹੈ। ਇਸ ਵਿੱਚ ਅੱਗੇ ਵੀ ਅਸੀਂ ਤੁਹਾਡੇ ਸਾਥ ਅਤੇ ਸਮਰਥਨ ਦੇ ਆਸਵੰਦ ਰਹਾਂਗੇ।
ਸਾਡੀ ਕੋਈ ਹੈਸੀਅਤ ਨਹੀ ਕਿ ਅਸੀਂ ਮੋੜਵੇਂ ਰੂਪ ਵਿੱਚ ਤਹਾਨੂੰ ਕੁਝ ਦੇ ਸਕੀਏ। ਪਰ ਅਸੀ ਤੁਹਾਡੇ ਸਾਥ ਦੇ ਨਾਲ ਪੰਥ ਪੰਜਾਬ ਦੀ ਪਹਿਰੇਦਾਰੀ ਲਈ ਹਮੇਸ਼ਾਂ ਵਚਨਬੱਧ ਰਹਾਂਗੇ।
ਸਮੂਹ ਪਰਿਵਾਰ ਤੇ ਟੀਮ ਭਾਈ ਅੰਮ੍ਰਿਤਪਾਲ ਸਿੰਘ ਖਾਲਸਾ।
