اختبارات الخامس

خطة الإنقاذ الحقيقي دراسة الرياضيات في 10 ايام فقط من الألف للياء 🔥🩵 بعد البحث المتواصل ومتابعة أكثر من 20 استاذ بالرياضيات وكل استاذ كان عنده صفة تميزه بس المشكلة ما حصلت الاستاذ الي يشرح المنهج من الصفر فقررت أتأخر بالمراجعة في سبيل القا مدرس شارح منهج مضغوط من الصفر بعدد محاضرات حلوة وبساعات مناس…

وبالنسبة للخوف بأن ماكو دور ثالث فالتخافون بعدنا بالبداية وكلش وراد ينطون والوزارة كل شويه اله قرار ، ما علنو دور ثالث غصباً ما عليهم راح ينطونكم نظام محاولات وهواي أمور أخرى تفيدكم اطمانوا . هسه أنه فهمت وصحيت على نفسي بس شلون راح اقرا منين راح ابلش أرشدني لتعوفني تايه حيدر ؟؟ شلون اعوفكم غير ان…

اعرف شكد صعب من تشوف كلشي يضيع من عندك ، تعبان اي ادري بيكم حقكم مظلوم النتيجة ظلموني مو درجاتي مو استحقاقي وياك أنه انت حبيبي وعزيزتي، شتكول خلي اعيد السنة...؟ أنه وياك بكلشي گلته واسف لعيونكم التعبانة اسف الكم على كلشي ماذيكم بس ممكن تسمعني شويه وتقرا كل كلمة راح اكولة .. انت مو ضايع لا لا إنت …

ممكن نحچي شويه شلونكم يا أحلى وأغلى الناس، يا نور عيوني وسبب فخري وفرحتي، طلابي الحبايب بدايةً ألف مبروك من الگلب لكل اللي نجحوا وتعبهم ما راح هدر، فرحتكم هي فرحتنا، ودمعتكم دمعتنا. سهركم، قلقكم، دعوات أمهاتكم، كلها اليوم صارت فرحة مكتملة. استاهلتوا كل خير، والله يوفقكم بدربكم الجاي وييسر لكم كل خ…

تفصيل خطة الإنقاذ الحقيقي ، مع شرح خطة مادة الإسلامية وكيف تدرس🍁🌚. الكثير من الأسئلة الي اجتني انت مخلي 15 يوم و 10 ايام لكل مادة واحنا ماعدنا غير 45 يوم وين نلحك صدك جذب يمعود تضحك علينا انت فهمني شلون ؟! شوف نور عيني أنه دارس كلشي بتفصيل لذالك لتخاف واسمعني كلش زين اوكي ، تقسيم دراستك للمواد وجدو…

خطة تختيم العربي بـ 8 ايام 🪻✨ نور عيني ركز وياي كلش زين العربي من اسهل المواد وبسرعة تكدر تخلصه سواء انت قاري أو مو قاري مجرد تشوف المحاضرات الي راح انطيه الك وتحل وزاريات ودرجتك مضمونة ، راح نقسم العربي إلى قسمين والي هنه : (1) الــــقــــــــواعـــــــــــد ؛ عبارة عن 10 مواضيع 2 من عدهن مطولات…

الفيزياء وما تفعل… عقدة الطلاب! حل المشكلة بـ 15 يوم فقط 🔥🩵 اليوم جاي أفكّلكم هاي العقدة يمّ أم علاوي، وجايبلكم سحر عجيب هههه… أقصد خطة عجيبة! لذٰلك ركّزوا وياي بكل حرف راح أكوله. تمام؟ يلا نبلّش… الفيزياء عبارة عن تسع فصول، كلهن حلوات وراح تحبّوهن إذا مشيتوا عالخطة اللي راح أكلكم عليها. شوف، حسب الاستفتاء اللي سويته، أغلبكم ما دارس الفيزياء أصلًا، والباقي دارس بس بالبداية؛ لذٰلك الخطة راح تكون كالآتي: شيب راسي وأنا أدورلكم على أستاذ زين شارح الفيزياء مضبوط بمراجعة أو عدد محاضرات قليل… ما لكيت. واللي أحصله ما مكمّل المنهج. بس الحمدلله، قبل يومين حصلت أستاذ جداً راقي، حرفيًا ماكو من عنده، گدر يشرح الفيزياء كلها بـ22 محاضرة فقط. بس خلي نتفق: المحاضرات مطوّلة وليست قصيرة. ليش؟ باوع حبي… الفيزياء مادة ضخمة جدًا وكل فصل بيه كومة معلومات، مال شرح ساعة مايصير. لذٰلك ركّز وياي شلون راح تقسّمها وتضبطها للـ100 بحيل الله. اسم الأستاذ: علي رائد الحلو بالمراجعة إنه مقسّم كل فصل كالاتي: 1. شرحيات 2. نشاطات واشتقاقات 3. مسائل وهاي الخطة راح نمشي عليها لكن بطريقتنا: 🔹 الفصل الأول: 3 محاضرات سلسة وحلوة → بيومين اليوم الأول: شرحيات + نشاطات واشتقاقات اليوم الثاني: مسائل فقط 🔹 الفصل الثاني: نفس الشي، يومين على 3 محاضرات اليوم الأول: محاضرتين (شرحيات + نشاطات واشتقاقات) اليوم الثاني: محاضرة وحدة (مسائل) 🔹 الفصل الثالث: 3 أيام كل يوم محاضرة اليوم الثالث راح يبقى عندك وقت تراجع وتحل الوزاريات المهمة. 🔹 الفصل الرابع: يوم واحد فقط (محاضرتين سلس وسهل). 🔹 الفصل الخامس: يومين على 3 محاضرات اليوم الأول: محاضرتين (شرحيات + اشتقاقات) اليوم الثاني: مسائل 🔹 الفصل السادس: يوم واحد (محاضرتين) 🔹 الفصل السابع: يوم واحد (محاضرتين) 🔹 الفصل الثامن: يوم واحد (محاضرتين) 🔹 الفصل التاسع: يوم واحد (محاضرة وحدة) وبهيچ نكون ختمنا الفيزياء بشكل مضبوط خلال 14 يوم فقط، وهو وقت قياسي لأن المادة ضخمة جدًا. يبقى عندك اليوم الأخير للمراجعة والامتحانات العامة. --- المختصر المفيد – الجدول ✅ الفصل الأول → يومين ✅ الفصل الثاني → يومين ✅ الفصل الثالث → 3 أيام ✅ الفصل الرابع → يوم واحد ✅ الفصل الخامس → يومين ✅ الفصل السادس → يوم واحد ✅ الفصل السابع → يوم واحد ✅ الفصل الثامن → يوم واحد ✅ الفصل التاسع → يوم واحد ✅ يوم أخير → مراجعة عامة --- 🔴 ملاحظة: الاعتماد الكامل على الأستاذ علي رائد لأن الخطة مرتبة حسب محاضراته من حيث الوقت والشرح. أما إذا أنت طالب مكمّل المادة وقاريها كاملة، فيكفيك مراجعة محاضرات ليلة الامتحان مع حل أسئلة وزارية. --- بالختام… ✨ تمت الفيزياء وعقدة الطلاب بـ15 يوم فقط. إن شاء الله تستفادون هواي وتحققون الدرجة الكاملة. --- الخلاصـــــــــة : رابط المراجعة. ↓↓ https://youtube.com/playlist?list=PLRJlRbPMVGD_pIwiemEKC3W0kKwR0ASlg&si=TjUopdPv7edwjddt بوست المراجعة ↓↓ https://t.me/HYRASDS/1305

الأحياء – رحلة الإنقاذ في 11 يوم 🌷🩵 حتى لو چنت ما شايفه ولا تعرف شنو يعني، هسه راح أَفَهِّمْكُم وأشرحلكم شلون تقروه، وعلى منو، بس هالمرة أريدك تفتح كل حواسّك وتركز بكل كلمة راح أكولها. تمام؟ يلا… بالبداية، الأحياء مكوَّنة من 5 فصول. أغلبكم يعرف هالشي: فصلين سهلات وقصيرات، و3 فصول مطوّلات. شلون راح نجي نقرأ وعلى منو؟ شوف حُبي، اتبع تقسيمي وراح تشوف الأحياء أسهل ما يكون. إحنا مو عدنا 11 يوم؟ التقسيم كالآتي: 🔹 راح تبلش بالفصل الثاني لأن فصل حلو ويعتمد على الطالب بنسبة 70%. تمام؟ راح تدرسه بيومين، محاضرتين على الأستاذ حسن فلاح. تم. 🔹 ورا ما نخلص هالفصل الجميل راح نأخذ الفصل الرابع، والي هو أسهل فصل بالكتاب كله، والطلاب كلهم يحبونه. عبارة عن محاضرة وحدة، كذلك على الأستاذ حسن فلاح. تدرسه بيوم واحد فقط. 🔹 ورا ما تخلص الثاني والرابع نرجع ندرس الفصل الأول. البداية راح تركض عندك، تخليله يومين: يوم من البداية لحد التنفس اليوم الثاني من التنفس لنهاية الفصل همين راح تدرسه على الأستاذ حسن فلاح، لأنه منطي المادة حقها وشارح كلشي بالرسم وبالتفصيل الممل. 🔹 خلصتوا ذني؟ ننطلق ونبلش بالفصل الثالث، وهذا الفصل دسم. أريدك تخليله 3 أيام بالتمام والكمال: يوم تدرس التكاثر في الكائنات البدائية اليوم الثاني التكاثر في النباتات اليوم الأخير التكاثر في الحيوانات والإنسان وتمَّ بحمد الله، لا تعقّد الأمور على نفسك. وإذا شفت نفسك تحتاج بعد، فكلش عادي، ارجع راجعه مرة ثانية ويا أي مادة مخليها انت. 🔹 باقي عدنا 3 أيام حلوات ندرس بيهن الفصل الخامس والأخير. هذا الفصل أفضل تدرس أساسيات المسائل بالبداية، بعدين كلشي حيصير عندك سهل. إذا تحب، همين ادرسه على حسن فلاح. أما باقي الكلاميات، أكو ملزمة كلش حلوة عد سالم بعنوان "وزاريات الوراثة". بس هاي ضبّطها وتوكل، إن شاء الله ماكو شي خارج عنها. وفعلاً هواي إجه منها بالدور الأول. راح أرفقها إلكم بنهاية البوست. --- المختصر المفيد للخطة:🔥🔥 ✔️ الفصل الثاني: يومين ✔️ الفصل الرابع: يوم ✔️ الفصل الأول: يومين ✔️ الفصل الثالث: ثلاث أيام ✔️ الفصل الخامس: ثلاث أيام الاعتماد: أ. حسن فلاح. ماكو مشكلة إذا تعتمد غير أستاذ، بس أفضل أستاذ شارح من الصفر ويفهم حسب رؤيتي للمراجعات هو حسن فلاح. راح أرفقلكم المراجعة بنهاية البوست. --- بالختام، هاي أفضل خطة ممكن تضبط بيها الأحياء بعدد أيام قليلة، في حال انت قاري فصول ومضبطهن، فركز على الي ما قاريهن. --- الخلاصــــــة رابط المراجعة. ← اضغط هنا بوست المراجعة ← اضغط هنا وزاريات الوراثة. ← اضغط هنا

مؤجّل الكيمياء؟ خطّة إنقاذك بـ10 أيّام فقط لا تضيّع وقتك بالحيرة… الأغلبيّة العظمى مؤجّلين مادة الكيمياء بسبب الأخطاء والإرباك الّي صار بالامتحان، ولهذا السبب جهّزت لك خطة متكاملة من الألف إلى الياء تضمن بيها الدرجة الكاملة خلال فترة قصيرة جدًا. بعد الاطّلاع على شروحات أساتذة الكيمياء، لكيت أستاذ يفصّل بالشرح بشكل ممتاز جدًا، يشرح المسائل الوزاريّة وغير الوزاريّة بالإضافة إلى الكلاميّات بشكل رائع. اسم الأستاذ: حيدر عبّاس الأستاذ هذا محاضراته عبارة عن 22 محاضرة. الحلو بمحاضراته إنّها أبدًا مو مطوّلة، أطول شي ساعتين، وأكو محاضرات أقل من ساعة. يعني ما راح تتوازه أبد ولا تستعجل، وشرحه مناسب لكل المستويات. في حال ما فهمت أي موضوع بالمراجعة المركّزة، تقدر ترجع مباشرةً لمحاضرته الأساسيّة الّتي لا تتعدّى الساعة وشارح بيها بتفصيل مُمل. --- طريقة التقسيم والجدول: 🔹 عدد المحاضرات: 22 محاضرة 🔹 مدّة الخطة: 10 – 11 يوم 🔹 التوزيع: كل يوم محاضرتين فقط. حتى لو ما شايف المادّة من قبل، راح تضبط وتركّز بسهولة. الشيء اليّ أريده منك: إذا ما قاري الكلاميّات، لا تهملها لأن درجتها عالية جدًّا. --- الكلاميّات والملفات والترتيب: راح أرفق لك ملفات الكلاميّات بنهاية البوست. كل ملف ويّا الامتحان والوزاريّات يطلع 5 – 6 أوراق بالزيادة، مقسمهن إلك بطريقة حلوة وتعجبك. • بعد ما تكمّل كل فصل، كمّل كلاميّاته وياه. • وإذا تحب، وي كل محاضرتين تدرسهم باليوم، اقرأ ورقتين أو ثلاث من كلاميّات هذا الفصل الّذي تدرسه. وبهاي الطريقة، راح تشوف الموضوع يمشي بسرعة وسهولة كبيرة. --- الخلاصـــــــــــــة: 🔹 اسم الأستاذ: حيدر عبّاس 🔹 عدد المحاضرات: 22 محاضرة 🔹 مدّة الخطة: 10 أيّام، كل يوم محاضرتين. --- 📌 روابط التحميــــــــــل: • رابط المراجعة ← اضغط هنا • رابط ملفات الكلاميّات ← اضغط هنا ---

مؤجل الإنكليزي؟ خطة إنقاذك بـ10 أيام فقط! --- طلابنا المؤجلين مادة الإنكليزي، حبايب قلبي…عدد الطلاب المؤجلين فقط داخل القناة وصل إلى 140 طالب وطالبة. اليوم جبتلكم خطة متكاملة بعد بحث طويل بين المراجعات والأساتذة، وقدرت أوصل إلى مراجعة شاملة ومضغوطة تشرحلك كلشي بالتفصيل الممل،وتضمنلك فهم كامل للمنهج…

المراجعة المـركزة | المســائل المنـهج كـامـل ، عدا العضوية المـــلف مــدعم بالوزاريـــات اعــداد : أ.حسيـن عقـيل

🧪 | المــــادة | الكيمــياء قوانين الكيمياء لـ6 فصول📝 تفيدكم جداً اثناء المراجعة وليلة الامتحان @HYRASDS

#عاجـــــــــــــل | تعديل الجدول • رسمياً - وزارة التربية / المديرية العامة للتقويم والامتحانات، تنشر جدول الامتحانات العامة للصف السادس الإعدادي بعد إجراء التعديلات اللازمة بخصوص عطلة 1 / محرم .

✔️مفكرة التكامل كيف نفكر بحل سوال التكامل✨ فاهم وحافظ القواعد ومتعرف تحل !! الحل بالملف استفادوا منة كلش مفيد @HYRASDS

مرحباً، بالبداية ما أعرف اسمچ، عموماً أهلاً ابويه وأهلاً بيكم جميعاً بالنسبة للأسئلة… والله العظيم، إن شاء الله سهلة، وماكو شي يخوّف، الأسئلة راح تكون حالها حال باقي المواد، كلها من داخل المنهج، وإنت بس عليك تضبط المنهج وتضبط الوزاريات، والباقي؟ عوفه على ربّ العالمين… لأن الله وعد، وماكو أصدق من وعده… إنّو ما يضيّع تعب إنسان، وراح تشوف ثمرة تعبك بالامتحان ووالله عندي إحساس قوي، إنّو أسئلة الرياضيات راح تجي سهلة، مو بس سهلة… راح تكون فرصة تثبتون بيها نفسكم، وترجع الثقة لقلوبكم، وبحيل الله، محد راح يطلع زعلان أو ضايج، محد. بس هسه، أرجوكم، ركّزوا، خلو كل شي وره ظهوركم، لا تفكّر بغير شي، لا تتذكّر باقي المواد، لا تعيش جو الندم… اللي راح راح، إحنا ما نگدر نرجّع الوقت، بس نكدر نصلّح الباقي. أكو هواي طلاب أجّلوا، وحاولوا يوكفون، وبعدين… بالدور الثاني… طلعوا بدرجات كاملة ونفس صديقي الي كتلكم عليه مو معدل عادي 99 طلع ، التأجيل عمره ما كان نهاية العالم، التأجيل درس… إذا عرفت شلون تتعلّم منه، وتصحح الاخطاء راح تضحك على الامتحان بعدين صدكني. المهم الي أريده منكم ، هدفكم هسه "الرياضيات"، هذا الامتحان هو امتحان عادي اعتبره بس هذا اخر امتحان عندك لا تسمح للخوف يكسرك، لا تسمح لليأس يقنعك إنك أقل من غيرك، إنت بطل، إنتِ بطلة، والله ما يختار إلا الأقوياء حتى يمرّهم بهيج ظروف، لأنّه يعرف إنّهم يگدرون يتحمّلون. أنا بأيام السادس، والله العظيم، گبل لا أدخل أي امتحان، كل لحظة خوف، كل رجفة ، كنت أگول هاي الآية: ﴿قُل لَن يُصِيبَنَا إِلَّا مَا كَتَبَ اللَّهُ لَنَا ۚ هُوَ مَولَانَا ۚ وَعَلَى اللَّهِ فَلْيَتَوَكَّلِ المُؤْمِنُونَ﴾ ومن گلتها، كنت أحس كأنه الدنيا كلها صغرت، والخوف راح، وصار بس بيني وبين ربي، وهو أحنّ منّا على نفسنا، فشون يضيّعنا؟ أرجوكم، شدّوا حيلكم، أثبتوا لنفسكم إنّكم أقوى، إنّكم أكبر من خوفكم، وأقسم بالله، راح يجي يوم، يمكن بعد أيام، وتگعد تضحك وتگول: "والله چنت خايف عبالي الدنيا راح تخلص، وطلع كلشي أبسط مما توقّعت". أنا واثق بيكم، وواحد واحد، راح تفرّحوني بعدين… وأنتِ، وأنت، يا حلو، يا حلوة، لا تضوجون، ولا تزعلون، خلو عيونكم الحلوة تبقَى فرحانه، لأن التعب ما يضيّع، والله ما يخيب ظن أحد متوكّل عليه. وكالعادة… أحبّكم هواي نفر نفر .