تفصيل خطة الإنقاذ الحقيقي ، مع شرح خطة مادة الإسلامية وكيف تدرس🍁🌚… — اختبارات الخامس — TG.ME

تفصيل خطة الإنقاذ الحقيقي ، مع شرح خطة مادة الإسلامية وكيف تدرس🍁🌚. الكثير من الأسئلة الي اجتني انت مخلي 15 يوم و 10 ايام لكل مادة واحنا ماعدنا غير 45 يوم وين نلحك صدك جذب يمعود تضحك علينا انت فهمني شلون ؟! شوف نور عيني أنه دارس كلشي بتفصيل لذالك لتخاف واسمعني كلش زين اوكي ، تقسيم دراستك للمواد وجدولك راح يكون كالاتي: راح تدرس مادتين باليوم بس بطريقة مختلفة بحيث تخلص اليوم وانت مضبط كلشي ، اذا منتبهين كل مادة أنه منطيكم محاضرتين باليوم تدرس خوو انت مو تكعد من الصبح لليل بهل محاضرتين لا كبدي لأن المحاضرات قصيرة مو بذاك الحجم فـ اسمعني راح تدرس مادتين على أساس مادة أساسية + مادة ثانوية ، يعني شنو وضحلي شنو ذني ... المادة الأساسية: هي المادة الي ما دراسة أو المادة الي عندك بيه تراكم هواي وهاي يفضل تدرس اول شي الصبح اول متكعد . المادة الثانوية: هي المادة الي قارية سابقاً بس اجلت لسبب معين أو عندك بيه قليل من التراكمات وهاي تدرسه نهاية اليوم . حيدر ، تكدر تنطيني مثال ما جاي افهم ؟ مو تدلل قلبي مثلاً أنه الفيزياء ما قاريه نهائياً وعندي الإنكليزي مضبطه فـ اجي اليوم الأول ادرس الصبح فيزياء الي هي المادة الأساسية وبليل ادرس الإنكليزي المادة الثانوية يعني مادتين باليوم وهكذا على كل الايام . ملاحظة مهمة جدًا: من الضروري تحدد الأخطاء اللي كانت سبب بتأجيلك وتشتغل عليها، حتى ما تتكرر. شلون ادرس الإسلامية وهل لازم احدد اله فترة خلال المراجعة ؟💅🏻🌚 الأغلبية العظمى من مؤجلين الإسلامية ماجلينه بسبب الأبحاث ، فـ اذا كان هذا سبب تأجيل راح ارفق الك قائمة تشغيل كاملة للاستاذ ساجد العكيلي شرح يخبل ومرتب محاضرات أساسية يومه اقرالي موضوع هن عبارة عن 5 مواضيع يركضن ركض عندك وبعدين تضحك عليهن صدك. أما إذا كنت ما شايفه ولا دارسة اطمنك تلحك تكدر تعتمد اي ملزمة عندك وراح تضبط ، أما إذا تكول اريد مراجعة وتريد من 85 فما فوق فـ تكدر تعتمد على ملفات ساجد العكيلي مال دور الاول وببساطة تضمن من 85 فما فوق وكلش وراد تجيب 100 رابط الملفات ↓↓ https://t.me/Sajid_ALMajid/1385?single ملفات حلوة مرتبة بطريقة سهلة وحلوة . أما إذا هدفك الدرجة الكاملة 100، فقسّم المادة على كامل فترة المراجعة، واعتمد على الملزمة الأساسية أو الكتاب المؤشر إذا كان عندك. قسم كل وحدة على خمسة أيام، وادرس يوميًا موضوع واحد. ليش تأخرت بدورة الرياضيات وليش لحد الان ما نزلت الخطة هل راح اعوفكم💗🌞 بالنسبة لدورة الرياضيات، صحيح تأخرت، والسبب أني بحثت عن دورة مضغوطة ومرتبة وما حصلت شي يناسب، لكن حالياً وصلتني أخبار عن أستاذ معروف راح يفتح دورة مجانية، وأنا راح أتابعها بنفسي أولاً، وبعدها أشاركها معكم. ما أقدر أختار أي دورة عشوائيًا وأقولك "اعتمد عليها"، لأن كل كلمة أنشرها أنا مسؤول عنها شخصيًا. وأخيرًا، بخصوص سؤال البعض: هل راح أترككم؟ الجواب لا. أنا ما عفتكم بالبداية، فشلون أعوفكم بنهاية الطريق؟ مطمئن، باقي وياكم خطوة بخطوة، وإيد بإيد، وكل شي نسويه سوا. استمروا ولا توقفون، لأن الوقت بعده بإيدكم، والنتيجة تستحق التعب.