ممكن نحچي شويه شلونكم يا أحلى وأغلى الناس، يا نور عيوني وسبب فخري… — اختبارات الخامس — TG.ME

ممكن نحچي شويه شلونكم يا أحلى وأغلى الناس، يا نور عيوني وسبب فخري وفرحتي، طلابي الحبايب بدايةً ألف مبروك من الگلب لكل اللي نجحوا وتعبهم ما راح هدر، فرحتكم هي فرحتنا، ودمعتكم دمعتنا. سهركم، قلقكم، دعوات أمهاتكم، كلها اليوم صارت فرحة مكتملة. استاهلتوا كل خير، والله يوفقكم بدربكم الجاي وييسر لكم كل خطوة فيها بس لا تنسون شغلة احمدوا الله من الگلب، واذكروا اللي بعدهم بالطريق، اللي تعبوا مثلكم بس بعدهم ما لمسوا الفرحة، واشوفكم بالقناة الجامعية قناتكم الحلوة ← t.me/hyragm أما أنتوا، يا حبايب الروح اللي راحوا للدور الثاني ونور عيني أعرف الجرح اللي جوه گلوبكم، الحزن اللي ما ينحچي، والخذلان اللي تحسون بيه. الدنيا كلها تضحك وأنتم چأنها ناسية وجعكم… بس صدگوني ووالله العظيم ، هاللحظة ما راح تدوم، وهاي الغصة راح تصير قصة قوة تحچون بيها بعدين مو نهاية، أبدًا مو نهاية هو بس مطب صغير برحلة طويلة رب العالمين ما يختبر إلا اللي يگدر يتحمل،وأني متأكد إنكم گدها وگدود. اللي راحوا قبلكم، راحوا بوقتهم وإنتوا همّ راح يجي وقتكم ويمكن يكون أجمل وأطيب وأوسع لا تستحون من دمعتكم، بس هم لا تخلونها تطول خلّوها تصير نار تدفي عزيمتكم، لا تحرقكم اوكييي. گولوا وياي : “يا رب، ما فهمنا ليش صار هيچ، بس إحنا نثق بحكمتك.” واعرفوا إن الأمل بعده حي، وإن الفرصة بعده موجودة، وإن السادس ما يحدد قيمة إنسان ولا يختصر مستقبله بورقة الدور الأول ما صار، أوكييي بس الدور الثاني هو فرصتنا هو ردّنا، هو تحدينا، هو لحظة إثباتنا. امسحوا دموعكم وگولوا: "راجعيلك يا حلم وماراح أتنازل عنك." خلي گلبك قوي، وعينك على هدفك، وگلبك مليان دعاء وثقة توكّل على الله، وابدأ من هسه، لا تنتظر باچر تمام حبيبي. والله العظيم أني أؤمن بيكم أؤمن إنكم راح تگومون وراح ترفعون روس أهلكم، وراح تعبرون هالمرحلة وتقولون "گدرنا" ها شوفوا مو لأن الدنيا سهلة لا بس لأنكم تستاهلون وعدكم روح أقوى من أي سقوط وهزيمة. وشوفو باقي وياكم لاخر نفس الخطط كاملة مثبتة بس اضغط ع رسالة المثبته راح توجهكم ومنشور الشرح هذا ↓↓ https://t.me/HYRASDS/1378 أنتم مو بس طلاب أنتم أبطال محاربين، وأمل ومصدر فخر لكل واحد يحبكم وأنه احبكم واموت عليكم خلي كل كلمة قريتوها تثمر، وخلي كل تعب عشتموه يصير سبب فرح قريب وإن شاء الله راح يجي يوم نفرح بيكم وتضحكون من الگلب، وتگولون: "إي والله، ما ضاع تعبنا." شدّوا حيلكم، واعرفوا: بعد كل عتمة، فجر… وبعد كل ضياع، طريق وبعد كل دمعة، فرحة إن شاء الله. احبكم , اخوكم وصديقكم الأبدي حيدر 🩵🩵🌷.