💐ናይት ክለብ አድሬ በማግስቱ መድረክ ላይ እቆማለሁ!! LIFE EX. ይህ በቃልቲዩብ የሚዘጋጅ ፕሮግራም… — TESTIMONY

TESTIMONY@TestimonyTube · 925 subscribers Open in TelegramOpen

Forwarded fromKA

💐ናይት ክለብ አድሬ በማግስቱ መድረክ ላይ እቆማለሁ!!

LIFE EX.
ይህ በቃልቲዩብ የሚዘጋጅ ፕሮግራም ክርስቲያኖች በተለያየ አለማዊ ህይወት እና የህይወት ተፅእኖ ውስጥ የሚያልፉበትን የህይወት ገጠመኝ በልቦለድ መልክ የሚያስቃኝ ዝግጅት ነው። በሳምንቱ በተመረጡ ቀናት ጠዋት 3:00 ይቀርባል። ሶስተኛውን ታሪክ እንድትከታተሉ እንጋብዛለን።

........

ለራሴ ያለኝ እይታ ሲበዛ የተጋነነ ነው። ራሴን በጣም ቆንጆ ፣ የፈለገችውን ነገር በፈለገችው ጊዜ ማግኘት የምትችል እና አሁን የተረዳሁት አዲሱ ማንነቴ ድንቅ የማስመሰል ወይም የትወና ሰው ነኝ። ቤተሰቦቼ ገና ድሮ የአሁኑን ዘመን ውጥንቅጥ የሌለበት ክርስትና የኖሩ የቀደሙ አገልጋዮች ነበሩ። ከአያቶቼ ጀምሮ የወንጌል አገልጋዮች ምናልባትም ስማቸውን ብጠቅስላችሁ የምታውቋቸውን ታላላቅ አገልጋዮች በቅርበት የሚያውቁ ነበሩ። እኔም የጥሩ አገልጋይ ባልና ሚስት ልጅ ነኝ። ጌታን በዚ ጊዜ እንደዚ ሁኔታ ላይ ተቀበልኩ የምልበት ወቅት አልነበረም ቤተክርስቲያን ውስጥ ስላደግኩ እዚም እዚያም ስል ቆይቼ መጨረሻ ላይ ወደ ወጣቶች ህብረት ተቀላቀልኩ። በዚያን ጊዜ ያን ያህል በህይወቴ አስከፊ ነገር ላይ አልነበርኩም የቤተሰብም ቁጥጥር ስላለ ማለት ነው።

ነገር ግን አንዱ የህይወቴ ምዕራፍ በእኔ ውስጥ የመሸገውን ክፉ ማንነት ገልጦ አወጣው። ከአራት አመታት በፊት ነበር የሀይስኩል ትምህርቴን አጠናቅቄ ወደ ዩኒቨርስቲ የገባሁበት ለኔም አዲስ የሆነ ህይወት። ዘመድ የሚባል የሌለበት ማንም የማያውቀኝ ስፍራ። ጊቢ የተመደብኩበት ዶርም ስገባ ሶስት ሴቶች ከኔ ቀድመው ገብተው አልጋቸውን አንጥፈው አገኘሁ። ስማቸውንም ሜሮን ፤ ማህሌት ፤ ማህደር እያሉ ተዋወቁኝ የኔም ስም ሜሮን ነበር። በስማችን ቅደም ተከተል ስለተመደብን።

አይቼው የማላውቀው ህይወት የተጀመረው አርብ ምሽት ላይ ነበር ሴቶቹ ከምሽቱ 1ሰአት ላይ መለባበስ ጀመሩ የት ልትሄዱ ነው ብዬ ስጠይቅ ኦቨር ልንወጣ ነው አሉኝ። በወቅቱ ምን ማለት እንደሆነ ስላላወቅኩ ጠየቅኳቸው ናይት ክለብ ከጓደኞቻቸው ጋር ሊዝናኑ መሆኑን ነገሩኝ። ክርስቲያን መሆኔን ስላልነገርኳቸው አንቺም ልበሺና አብረን እንሂድ አሉኝ።
ይሄን በመጫን ይቀጥሉ...

💐💐💐💐
@KALTUBE
@KALTUBE
@KALTUBE

Telegraph

LifeEx. PROGRAM ON KALTUBE

💐ናይት ክለብ አድሬ በማግስቱ መድረክ ላይ እቆማለሁ!! LIFE EX. ይህ በቃልቲዩብ የሚዘጋጅ ፕሮግራም ክርስቲያኖች በተለያየ አለማዊ ህይወት እና የህይወት ተፅእኖ ውስጥ የሚያልፉበትን የህይወት ገጠመኝ በልቦለድ መልክ የሚያስቃኝ ዝግጅት ነው። በሳምንቱ በተመረጡ ቀናት ጠዋት 3:00 ይቀርባል። ሶስተኛውን ታሪክ እንድትከታተሉ እንጋብዛለን። ........ ለራሴ ያለኝ እይታ ሲበዛ የተጋነነ ነው። ራሴን…

t.me/TestimonyTube/579 Translate

December 16, 2021 1.5K 5