تبریز... قوللاریم دولانار بوینونا بیر گون یئنه باش قویارام دیزینه… — |شعر اوجاغی|

|شعر اوجاغی|@SheirOcagi · 3.4K subscribers Open in TelegramOpen

‍ ▫️تبریز...

قوللاریم دولانار بوینونا بیر گون
یئنه باش قویارام دیزینه تبریز!
حسرتدن، هیجراندان جانا دویموشام
دویونجا باخارام گؤزونه تبریز!

بولانیق سولارین آخسین-دورولسون
تزه گونلریندن بوساط قورولسون
سهند جامالینا بیر ده وورولسون
بیر غوبار قونماسین اوزونه تبریز!

گولوستان باغینین سئیرینه گلیم
لاله یاماجیندا بیر ده دینجه‌لیم
اؤتن گونلریمه یئتیشمز الیم
دوشوم هئچ اولماسا ایزینه تبریز!

آنا تبسّومون، آی ایشیغی‌دیر
قولوم، قامتینین سارماشیغی‌دیر
شعرین، بو دونیانین یاراشیغی‌دیر
اینجی‌سی توکنمز خزینه تبریز!

سن شاعیر عؤمرومه ووقار وئریبسن
سولوب-سارالمایان گولزار وئریبسن
اعتیبار وئریبسن، ایلقار وئریبسن
هر ایگید اوغلونا-قیزینا تبریز...!

شعر:
#حکیمه_بولوری
ایفا:
#جاوید_تبریزلی
@SheirOcagi

attach 📎

t.me/SheirOcagi/25939 Translate