▫️من ده
گؤردوم کی آغلایان یوخدور حالیما،
باشلادیم حالیما گولمهیه من ده.
ابدی دئییلم، آرخایین اولون،
دونیایا گلمیشم اؤلمهیه من ده.
حئییفیم آخان گؤز یاشیما گلیر،
بعضاً تکلیگیم ده خوشوما گلیر
عاغلیما گلمهین باشیما گلیر
آدام یوخ دردیمی بؤلمهیه من ده.
دونَنکی غمیمی صاباح بیلدیلر،
سوسدوم، سوکوتومو بیر آه بیلدیلر،
ثاواب ایشیمی ده گوناه بیلدیلر،
باشلادیم اونلاری سیلمهیه من ده.
#تورال_جعفرلی
#شعر_اوجاغی
@SheirOcagi
4
