▫️ایلاهی سئوگیله یاراتدیقلارین
اورهیی کدره یورد ائیلهدیلر.
اوزومده سئوگینی، گولوشو گؤروب
بونو اؤزلرینه درد ائیلهدیلر.
بعضن آدام دئییل، جانلی اتدیلر
سئوگینی یاتیردیب، غم ترپتدیلر
ان چتین گونومده باش گیزلتدیلر
خوش گونده گؤزلرین دؤرد ائیلهدیلر.
عشق اؤلدورن ده وار، عؤمور درن ده
ساچلار هؤرن ده وار، حاصار هؤرن ده.
یالواریشلا دولو باخیش گؤرنده
اؤزلرین قایادان سرت ائیلهدیلر.
باشیمی کسدیرن قارا بولوددور
زامان بیر اژداها، عؤمرومو اوددو.
گؤردولر گؤزومده یالنیز اوموددور
اونو دا گؤزومده پرت ائیلهدیلر.
#توحید_فرجی(ائلچی)
@SheirOcagi
1
1September 3, 2026 231
