▫️بیز اوشاق اولاندا
بیز اوشاق اولاندا بئله دئییلدی،
هامینی، هر شئیی سئوه بیلیردیک.
آغزیمیزدان چیخان گولله سسینه
یوموب گؤزوموزو اؤله بیلیردیک،
بیز ائله اؤلومو بئله بیلیردیک.
بؤیودوک، ننهلر، بابالار اؤلدو،
بؤیودوک، دوغمالار، عزیزلر اؤلدو،
بؤیوکاورَکلیلر، تمیزلر اؤلدو.
بیز اوشاق اولاندا بئله دئییلدیک،
آغلاساق، اۆزوموز تمیز اولاردی.
قیشقیریب آغلاماق چاغیریش ایدی،
بؤیودوک، آغلاماق یالواریش اولدو.
بیز اوشاق اولاندا باهاردی هر گون،
نه تئز سویوق دوشدو، نه تئز قیش اولدو!
بیز اوشاق اولاندا، آللاه بابایدی،
اونو دا بیر قورو آدا چئویردیک،
ان بؤیوک دوغمانی یادا چئویردیک.
بؤیودوک، سئوگیمیز قورخویا دؤندو،
بیز آخی آللاهی بابا سئویردیک.
#رشاد_ناغی_مصطفی
#شعر_اوجاغی
@SheirOcagi
Forwarded fromاتچ بات
Telegram
attach 📎
3
1September 5, 2026 145 1 5
