▫️آغاجلا صؤحبت
ساریلیب آغاجا قوجاق آچاسان،
ووجودون تیترهیه توکلرینهجن!
سئوهسن آغاجی اؤز بالان کیمی
حیسّ ائده بونلاری کؤکلرینهجن.
قوشلار یووا قوران بوداقلارینی،
یاغیشلار یاغاندا اَییرمی سنین؟
کولکلر تؤکولن یارپاقلارینی-
قوواندا، خطرینه دَییرمی سنین؟
سنین ده بیرجه جوت آیاغین اولا،
بیر آخشام قاچاسان یئردن، آی آغاج!
چیرپیب قاناد کیمی بوداقلارینی،
قوش اولوب اوچاسان بیردن، آی آغاج!
#تورال_جعفرلی
#شعر_اوجاغی
@SheirOcagi
2September 5, 2026 60
