Ինչպե՞ս զբոսաշրջիկ զգալ սեփական քաղաքում և միաժամանակ բացահայտել բիզնեսի ու ճանապարհորդության նոր հորիզոններ․ Neo Concept ընկերության տնօրեն Զառա Սարգսյանը և վաճառքի բաժնի ղեկավար Իննա Սուխուդյանը «Ուրիշ նորություններում» ներկայացրել են TOUR EXPO 2026 և AGRO EXPO 2026 միջազգային մասնագիտացված ցուցահանդեսները։Սեպտեմբերի 5-6-ը Երևանի երկաթուղային կայարանում նախատեսված TOUR EXPO-ն «B2B» և «B2C» ձևաչափով մասնակցում են տեղական լավագույն տուրօպերատորները, ինչպես նաև ներգնա ու արտագնա տուրիզմով հետաքրքրված գործընկերներ Վրաստանից, Կիպրոսից և այլ երկրներից։
«Վերջին 5-6 տարիների ընթացքում ներգնա տուրիզմը ավելի շատ է զարգացել, քանի որ սկսել են բացահայտվել նոր, հետաքրքիր, քիչ հայտնի ու դժվարհասանելի տարածքներ։ Մենք շատ կարևորություն ենք տալիս ներգնա տուրիզմի զարգացմանն ու պոտենցիալին, դրա համար էլ գրեթե բոլոր մարզերը ներկայացված են լինելու իրենց զբոսաշրջային ներուժով»։
Անդրադառնալով հոկտեմբերի 16-18-ը «Երևան Էքսպո» համալիրում սպասվող AGRO EXPO 2026-ին՝ հյուրերը նշում են, որ այն մեկ հարթակում կհամախմբի գյուղտեխնիկա, գյուղմթերք, վերամշակող արտադրություններ, ինչպես նաև միջազգային մասնակիցների Բելառուսից, Ղազախստանից, Իրանից։
🎦 զրույցն ամբողջությամբ
@RadioSputnikArm | 
106.0FM
