နိုင်ငံတကာဘာသာစကား စာမေးပွဲကြေးပညာသင်ဆု လျှောက်လွှာခေါ်ယူခြင်း
နိုင်ငံတကာဘာသာစကား ကျွမ်းကျင်မှု စာမေးပွဲများသည် ပညာရေး၊ ပညာသင်ဆုနှင့် အသက်မွေးဝမ်းကြောင်းဆိုင်ရာ အခွင့်အလမ်းများကို တိုးချဲ့နိုင်ရန် အရေးပါသော ခြေလှမ်းတစ်ရပ် ဖြစ်ပါသည်။ သို့သော် စာမေးပွဲကြေး ကုန်ကျစရိတ်သည် လူငယ်များစွာအတွက် စိန်ခေါ်မှုတစ်ရပ်အဖြစ် ရှိနေဆဲ ဖြစ်ပါသည်။
ထိုအခက်အခဲကို လျော့ပါးစေရန်နှင့် ပညာရေးအခွင့်အလမ်းများ ပိုမိုလက်လှမ်းမီနိုင်စေရန် ရည်ရွယ်၍ တို့သစ်ပင်များ ပညာရေးဖောင်ဒေးရှင်း (Our Trees Education Foundation) မှ "နိုင်ငံတကာဘာသာစကား စာမေးပွဲကြေးပညာသင်ဆု" အတွက် လျှောက်လွှာများကို စတင်လက်ခံနေပြီ ဖြစ်ပါသည်။
📌 ယခုပထမအကြိမ်တွင် ပညာသင်ဆု (၁၅) ဦး ကို ရွေးချယ်ပံ့ပိုးပေးသွားမည် ဖြစ်ပြီး၊ ပံ့ပိုးပေးမည့် စာမေးပွဲများမှာ IELTS, TOEFL, Duolingo English Test, JLPT, TOPIK နှင့် အခြား နိုင်ငံတကာဘာသာစကားကျွမ်းကျင်မှု စာမေးပွဲများ လည်းပါဝင်မည် ဖြစ်ပါသည်။
📌၂၀၂၆ ခုနှစ် ဩဂုတ်လမှ နိုဝင်ဘာလအတွင်း နိုင်ငံတကာဘာသာစကား ကျွမ်းကျင်မှုစာမေးပွဲများ ဖြေဆိုရန် ပြင်ဆင်နေပြီး အောက်ပါအချက်များအနက် အနည်းဆုံးတစ်ချက်နှင့် ကိုက်ညီသူ မြန်မာလူငယ်များ လျှောက်ထားနိုင်ပါသည်။
(၁) ပဋိပက္ခဒေသ သို့မဟုတ် လွတ်မြောက်နယ်မြေတွင် စစ်ဘေးတိမ်းရှောင်နေရသူများ
(၂) တော်လှန်ရေးဆိုင်ရာ အဖွဲ့အစည်းများတွင် ပါဝင်ဆောင်ရွက်နေသူ/ခဲ့သူများ
📌လိုအပ်သောစာရွက်စာတမ်းများမှာ Application Form, Recommendation Letters (၂ စောင်), CV / Resume တို့ဖြစ်ပြီး၊
Recommendation Letters နှစ်စောင်တွင် - ပညာရေးနောက်ခံနှင့် ကိုယ်ရည်ကိုယ်သွေးကို ဖော်ပြသည့် ထောက်ခံစာ၊ သက်ဆိုင်ရာ တော်လှန်ရေးအဖွဲ့အစည်း (သို့) စစ်ဘေးရှောင်စခန်း/ဒုက္ခသည်စခန်း တာဝန်ခံ၏ ထောက်ခံစာတို့ ပါဝင်ရမည် ဖြစ်ပါသည်။
📌 ရွေးချယ်ခံရသူများ၏ စာမေးပွဲကြေးကို တို့သစ်ပင်များ ပညာရေးဖောင်ဒေးရှင်း မှ သက်ဆိုင်ရာ စာမေးပွဲစင်တာသို့ တိုက်ရိုက်ပေးသွင်းသွားမည် ဖြစ်ပါသည်။ လျှောက်ထားသူများထံသို့ ငွေသား သို့မဟုတ် ငွေလွှဲပေးခြင်းများ ပြုလုပ်မည် မဟုတ်ပါ။
📌လျှောက်ထားခြင်း အချိန်ဇယားမျာကို ဖော်ပြပါအတိုင်းပြုလုပ်သွားမည်ဖြစ်ပါသည်။
• လျှောက်လွှာလက်ခံကာလ - ဇွန်လ ၁၅ ရက် မှ ဇူလိုင်လ ၁၅ ရက် အထိ
• ရွေးချယ်စိစစ်မည့်ကာလ - ဇူလိုင်လ ၁၆ ရက် မှ ၃၁ ရက် အထိ
• လူတွေ့မေးမြန်းခြင်း - ဇူလိုင်လ တတိယပတ် မှ စတုတ္ထပတ်
• ရလဒ်ကြေညာခြင်း - ဩဂုတ်လ ပထမပတ်
🔗 လျှောက်လွှာဖြည့်ရန်နှင့် မေးလေ့ရှိသော မေးခွန်းများ(FAQ)
https://drive.google.com/drive/u/4/folders/1M1cIHFSvwsmYmXx9w1sF2X590fE1tQ6M
🌱 ပညာရေးကို ဆက်လက်လေ့လာရန် ကြိုးပမ်းနေသူ လူငယ်များအတွက် ဤအစီအစဉ်သည် အခွင့်အလမ်းတစ်ရပ် ဖြစ်လာမည်ဟု မျှော်လင့်ပါသည်။ လိုအပ်သော အချက်အလက်များကို သေချာဖတ်ရှုပြီး သတ်မှတ်ထားသော ကာလအတွင်း လျှောက်ထားနိုင်ပါသည်။
