Mini Pro (@Mini_On_Work) — Telegram — TG.ME

Mini Pro (@Mini_On_Work) — Telegram — TG.ME

የዒድ ቀንን እና ዘካተ-ል-ፊጥርን የተመለከቱ ነጥቦች‼
===================================
#Share_Share_Share
《መልዕክቱ ወቅታዊ ስለሆነ ለሌሎችም ብታሰራጩት መልካም ነው።》
||

①) ብይኑ፦
========
የዒድ ሶላትን መስገድ ልክ እንደ ዋጅብ ጥብቅ ሱን'ና ነው።
★
②) ወቅቱ፦
========
ጸሐይ ከወጣች የአንድ ስንዝር ከፍታ ወቅት ጀምሮ ጸሐይ ዘንበል እስከምትል ድረስ ነው።
በላጩ ወቅት ግን፤ የዒደ-ል-አዽሓ ሶላት ከሆነ በአል-አዽሓ ወቅት መጀመሪያ ላይ ይሰገዳል፤ ሰዎች ለኡዹሕያ እርድ እንዲመቻቸው!
የዒደ-ል-ፊጥር ሶላት ከሆነ ደግሞ ቢዘገይ ይመረጣል፤ ሰዎች ዘካተ-ል-ፊጥርን ለማውጣት እንዲመቻቸው!
ነቢዩ (ሶለል'ሏሁ ዐለይሂ ወሰል'ለም) የዒደ-ል-ፊጥርን ሶላት ጸሐይ ሁለት ስንዝሮችን ያክል ከፍ ስትል ይሰግዱ ነበር፤ የዒደ-ል-አዽሓን ሶላት ደግሞ ጸሐይ አንድ ስንዝር ያክል ከፍ ስትል ይሰግዱ ነበር።
[ዙበይድ "ኢቲሓፉ ሳደቱ-ል-ሙተቂን: 3/392" ላይ አስፍረውታል።
ሓፊዝ ኢብኑ ሐጀር በ"አል-ተልኺስ" ላይ፣ ሸውካኒ በ"ኒይለ-ል-አውጧር" ላይ ዘግበውታል።]
★
③) በዕለቱ የሚያስፈልጉ አደቦች፦
======================
1) መታጠብ፣ ሽቶ መቀባት፣ ያገኙትን ውድና አዲስ ልብስ መልበስ።
[ሓኪም: 4/230፣ በዳኢዑ-ል-መነን: 484]
*
2) ወደ ሶላት ከመሄድ በፊት መመገብ። በተምር ማፍጠር! የተምሮቹ ቁጥር ኢ–ተጋማሽ ቢሆንና ከሦስት ተምሮች ባያንስ ይመረጣል። ተምሮቹን ነጣጥሎ መመገብም መልካም ነው። ተምር ከሌለ በሌላ በተገኘ ምግብ ማፍጠር ይወደዳል።
[ቲርሚዚይና ኢብኑል ቂጧን]
*
3) የዒድ ሌሊት ጀምሮ ተክቢራ ማለት።
√ ዒደ-ል-ፊጥር ከሆነ ኢማሙ ወደ ሶላት እስኪወጣ ድረስ ይቆያል።
ዒደ-ል-አዽሓ ከሆነ ደግሞ እስከ አያመ-ተሽሪቅ መጨረሻ ድረስ ይቆያል።
የተክቢራ ቃሉ «አላሁ አክበር፣ አላሁ አክበር፤ ላ ኢላሃ ኢለ-ል'ሏህ– አላሁ አክበር፣ አላሁ አክበር፤ ወሊላሂ-ል-ሐምድ!» የሚለው ነው።

*
4) ወደ መስገጃ ቦታ ሲወጡ በአንድ መንገድ መሄድና ሲመለሱ በሌላ መንገድ መመለስ።
[ቡኻሪይ: 2/29፣ አቡ ዳውድም ኢብኑ ዑመርን ጠቅሰው ተመሳሳይ መልዕክት አስተላልፈዋል።]
*
5) ዝናብና መሰል አስቸጋሪ ነገሮች ከሌሉ ሜዳ ላይ መስገድ።
*
6) የእንኳን አደረሳችሁ መልዕክት መለዋወጥ!
ይሄውም አንዱ ከሌላው ጋር ሲገናኝ «ተቀበለ-ል'ሏሁ ሚና ወሚንኩም» መባባል!
[በይሀቂይ በ"ሱነኑ-ል-ኩብራ: 3/319"፣ ኢብኑ ሐጀር በ"ፈትሑ-ል-ባሪ: 3/422" ላይ አስፍረውታል።]
*
7) ሰፋ ያለ ምግብ፣ መጠጥና የተፈቀደ ቀልድና ጫዎታ ይቻላል።
ኢ–ሸሪዓዊ የሆነ ቀልድና ጭፈራ ግን በጥብቅ የተከለከለ ነው።
[አሕመድ: 3/460፣ ዐብዱ-ር-ረዛቅ በሙስነፉ: 15566፣ ፈትሑ-ል-ባሪ: 3/422፣ ቡኻሪይ: 2/21]
★
④) የአሰጋገድ ሁኔታ፦
===============
✔ ሰዎች ወደ መስገጃ ቦታቸው ተክቢራ እያሉ ይወጣሉ።
✔ ጸሐይ የተወሰኑ ሜትሮችን ከፍ ስትል ኢማሙ ሊያሰግድ ይነሳል።
✔ አዛንም ሆነ ኢቃመህ የለም።
[ቡኻሪይና አቡ ዳውድ ዘግበውታል።]
✔ የሚሰገደው ሁለት ረከዓዎች ብቻ ነው።
√ በመጀመሪያው ረከዓ ላይ ተክቢረተ-ል-ኢሕራምን ጨምሮ ሰባት ጊዜ «አላሁ አክበር» ይባላል።
√ በሁለተኛው ረከዓ ላይ ከሱጁድ ሲነሱ ከሚደረገው ተክቢራ ውጭ አምስት ጊዜ «አላሁ አክበር» ይባላል።
[ቡኻሪይና አቡ ዳውድ ዘግበውታል።]
*
✔ መጀመሪያ ኢማሙ «አላሁ አክበር» ሲል ተከታዮቹም ተከትለው ይላሉ።
✔ ኢማሙ በመጀመሪያው ረከዓህ ከፋቲሓ ቀጥሎ «ቃፍ»ን ይቀራል። በሁለተኛው ረከዓህ ደግሞ «አል-ቀመር»ን ይቀራል።
ወይም በመጀመሪያው ረከዓህ «አል-አዕላ»ን፣ በሁለተኛው ረከዓህ ደግሞ «አል-ጛሺያህ»ን ወይም «አሽ-ሸምስ»ን ይቀራል።
[ሙስሊም]
✔ የሚቀራው ድምፅ በማውጣት «ጀህር» ነው።
✔ ኢማሙ ሶላቱን ካጠናቀቀ በኋላ ለኹጥባ (ሰዎችን ለመምከር) ይነሳል።
የዒደ-ል-ፊጥር ሶላት ከሆነ ስለ ዘካተ-ል-ፊጥርና ህግጋቷ ትኩረት አድርጎ ይመክራል። የዒደ-ል-አዽሓ ሶላት ከሆነ ደግሞ ስለ ኡዹሕያና ብይኑ ይበልጥ አተኩሮ ይመክራል።
በኹጥባው መሀል አልፎ አልፎ ተክቢራ ይላል።
[ቡኻሪይና ሙስሊም]
*
✔ ከዒድ ሶላት በፊትም ሆነ በኋላ የሚሰገድ ሶላት የለም።
[ሰባቱ የሐዲሥ ሊቃውንት ዘግበውታል።]
ወደ ቤታቸው ሲመለሱ ግን ሁለት ረከዓዎችን ነቢዩ ይሰግዱ ነበር።
[ኢብኑ ማጃህ ሶሒሕ ብለውታል።]
*
✔ የዒድ ሶላት ያመለጠው ሰው ግን አራት ረከዓህ አድርጎ ይሰግዳል።
ተሸሁድ እንኳ ቢሆን ከኢማሙ አንዳች ነገር ያገኘ ሰው ግን፤ ሁለት ረከዓህ ነው የሚሰግደው።
✔ በዒድ ቀን መጾም አይቻልም፤ በጥብቅ የተከለከለ ነው። በስህተት የጾመ ሰው ግን ወንጀል የለበትም።
✔ የዒድ ሶላት ቀኑን ባለማዎቅ ስላለፈ ውድቅ አይደረግም። በቀጣዩ ቀን መከናወን ይችላል።
✔ ልጃ ገረዶችና የወር አበባ ላይ ያሉ እንስቶችም ጭምር ይወጣሉ። ሶላት ባይሰግዱም ዳር ላይ ድባቡን እያዩና እየተደሰቱ የሚተላለፈውን መልዕክት እያዳመጡ ይቀመጣሉ።
[ቡኻሪይና ሙስሊም]
✔ ወደ ሶላት ሲወጡ በእግር መጓዝ ሱንና ነው።
[ቲርሚዚይ]
*
✔ ዘካተ-ልፊጥር (ሶደቀተ-ል-ፊጥር) የሚሰጠው የዒድ ሶላት ከመሰገዱ በፊት ነው። ይህ በላጩና ለተፈለገበት አላማ እንዲውል የሚያደርግም ነው። በሁሉም የረመዳን ቀናት ማውጣት ይቻላል።
√ የሚወጣውም በአንድ ሰው አንድ ቁና (አራት እፍኞች) ወይም ከ2.5 እስከ 3 ኪሎ ግራም ነው። አንዳንዶች ደግሞ አንድ ቁና (ሷዕ) 2.156 ኪሎ ግራም ነው ብለዋል።
√ የእህሉ አይነት ከተምር፣ ከገብስ፣ ከስንዴ፣ ከዘቢብ፣ ከእርጎና መሰል የአካባቢው ማኅበረሰብ በብዛት ከሚመገበው የምግብ አይነት ይሆናል።
√ በሴትም በወንድም፣ በትንሽም በትልቅም፣ በባሪያም በጨዋም ላይ ግድ ነው።
የአንድ ቀን ቀለቡን ችሎ የሚተርፈው ያለው ሰው መጠኑ እንኳ ባይሞላ ያንኑ ማውጣት አለበት።
የሚሰጠው ለሚስኪኖች ነው። አላማውም የጾመኛን ጾም መጠገንና በዚህ በዒድ ቀን ድሆችን ከልመናና እንግልት ማብቃቃት ነው።
√ በጥሬ ገንዘብ ማውጣት ይቻላል።
ሙዓዝ ኢብኑ ጀበል፣ ዑመር ኢብኑ ዐብደ-ል-ዓዚዝ፣ አቡ ሐኒፋ፣ ማሊክ፣ ቡኻሪይ፣ ሸይኹል ኢስላም ኢብኑ ተይሚይ'ያህ እና ሌሎችም ይህን ሃሳብ ይደግፋሉ።
ሻፊዒይና አሕመድ እንዲሁም ከዘመናችን ዑለማዎች ውስጥ ኢብኑ ዑሠይሚንና ሌሎችም ግን ይቃወማሉ።
ከኺላፍ ለመውጣት ይህን መተግበሩ የተሻለ ነው።
አላሁ አዕለም።
[ዝርዝር ሃሳቦችን «ነሳኢይ: 5/48፣ አቡ ዳውድ: 1609፣ ሱነኑል ኩብራ: 4/175፣ ቡኻሪይ: 73 እና 76 ፥ ኪታቡ ዘካህ ላይ፣ ሙስሊም: 17 እና 19 ፥ ኪታቡ ዘካህ ላይ እና ሌሎችም ድርሳናት ላይ መመልከት ይቻላል።]
★
《መልዕክቱ ወቅታዊ ስለሆነ ለሌሎችም ብታሰራጩት መልካም ነው።》
♠
ማሳሰቢያ፦
========
በኮሮና ቫይረስ ወረርሽኝ ምክንያት፤ የዘንድሮው የዒደ-ል-ፊጥር ሶላት በቤተ ውስጥ ነው የሚሰገደው።
||
ወንድማችሁ፦ ሙራድ ታደሰ
=========
ረመዳን 30, 1441 ዓ.ሂ